Soc Trang : Pren tagok meng padang ngak palei pala barau

          Pathau mikva saong grauk yut ! Sóc Trăng lac  tỉnh kathaot saong hu rilo bhapbini bangsa takik mablah labaih 35% menuac sia di tỉnh. Lac tỉnh patabiak meng labik biar, min meng kham merat di abih gah, hadei di 5 thun padang ngak danakdak bruk ngak negar padang ngak palei pala barau ( tukvak 2011 – 2015), tỉnh ngak hu rilo bruk siam saong mboh chreih chrai ngan saong 19 xã hu pok brei angan lac chuan palei pala barau saong dom xã daok veik hu meng 13 tiêu chí tagok, ba ia mbaok palei pala di tỉnh ini dak harei dak hadah tagok, raiduk di mikva dak harei dak salih bharau saong paglaong. Kadha vak di Thạch Hồng- urang vak daok di bhum taneran kraong CL :    

Sa dalam dom kadha praong  dalam bruk padang ngak palei pala barau di tỉnh Sóc Trăng njauk ndom tal bruk patagok san xuat, paglaong jien mek tame ka bhapbini. Bruk rami ramik veik gah ngak nong gam saong bruk brei thau pandap panda chủ lực, pren khang, pagam saong cơ giới hóa saong pambuak bruk ngak nong hu ngak jeng rilo mblang hamu praong, rilo pandap hu quy mo praong, hu chat luong, ba yaom pandap mek hu di angaok 1 ha taneh pala drak saong raong pala kaya ikan dalam ia di tỉnh hu 140 triệu đồng/sa thun. Ông Chung Kim Hoàng, daok di xã Đại Tâm, huyện Mỹ Xuyên, sangurang hu mbaok tame pala padai chat luong glaong dalam mo hinh mblang hamu mẫu praong rilo thun ini mai brei thau :  Sang dahlak lac sang ngak hamu saong ngak puh, yau nan ye kham merat ngak mblang hamu mẫu ngak padai dặc sản, chat luong glaong piah hu kinh te glaong ka sang. Ngak padai đặc sản san chat luong glaong nyu kein laba rilo jang duk saong padai binh thuong jaik 30 tal 40%. Yaom lac nang suat oh glaong rilo min kinh te glaong jang.

Tui mban tacei pato danakdak padang ngak palei plaa barau tinh soc Trang, dalam 5 thun tapa, danakdak palei pala barau hu buh tame jaik 34 tỷ đồng pambuak saong jak ba dom nguồn lực karei piah peih ngak jaik 1.000 mô hình sản xuất di gah pala drak; raong glaong, raong kaya ikan dalam ia saong daong jamraik, pandap pala drak, yau : mo hinh mblang hamu mẫu praong, mo hinh bein kểu mẫu pagam saong padang angan pablei salih, tiêu chuẩn GAP, mô hình raong limo ia tasau, limo lai sind, pala phun mbang baok… Ông Đào Đắc Hùng, Phó akaok Ủy ban bhapbini huyện Mỹ Xuyên, huyện điểm dalam padang ngak palei pala barau di tỉnh Sóc Trăng brei thau : Kol dahlak hu ba tabiak rilo mo hinh patagok sản xuất, piah ngak habal paglaong jien mek tame ka bhapbini. Dom mô hình praong yau raong limo mek ia tasau, hadang – padai, patagok pala njam angaok dom takai danao blaoh padang mo hinh san xuat tui jalan mblang hamu mau praong. Urak ini, meda lac ia mbaok palei pala hu salih bahrau mboh di anak meta.

Meng kein laba di dom mo hinh hu daong ka bhapbini paglaong jien mek tame, raidiuk dak harei dak hu rilo salih bahrau. Tal tukvak ini, jien mek tame kuhria tui akaok menuac bhum palei pala tỉnh Sóc Trăng hu labaih 27 triệu đồng/sa thun; taphia nan hu daong patrun patakik sang kathaot di tỉnh daok meteh duk saong tukvak camereip padang ngak danakdak. Raidiuk laneng jang, bhapbini mbuan si rik daong siam piah padang ngak palei pala barau gam saong karja palei. Tui kuhria oh ka ginup abih, mikva hu brei jaik 400 ha taneh yaom labaih 300 ty dong piah padang ngak palei pala barau; taphia nan lac padang ngak, ramik pasiam yaok rituh mbaik tatua palei pala saong yaok rabau kilomet jalan nao mai di palei pala.

Gam saong bruk kham merat siam di abih gah, urak ini tinh Soc Trang hu 19/80 xã ngak hu blaoh 19 tieu chi padang ngak palei pala barau, meblah 14%. Dom xã daok veik jeng ngak hu meng 13 tieu chi tagok. Duk saong bruk ngak dalam taneh ia, Sóc Trăng tagok 4% dom xã ngak hu chuẩn palei pala barau. Meng dom bruk ngak hu, mban tacei pato palei pala barau tỉnh Sóc Trăng daok pamaong tal bruk ngak barau glaong jang ka tukvak 2016-2020, nan lac : kham merat hu 2 huyen saong 50% dom xã tagok ngak hu chuan palei pala barau, dom xã daok veik hu meng 15 tieu chi tagok. Ông Nguyễn Trung Hiếu, akaok Ủy ban bhapbnini tỉnh Sóc Trăng lac : Gah trach nhiem di uy mban, kol dahlak daok pasang iek, anak tal pandar Sở ngak nong iek veik saong dak padang sarak ưu đãi, pachreih doanh nghiep buh jien tame ngak mbang gah ngak nong, palei pala, ngak jeng kinh palei pala. Ini lac bruk bo kol dahlak daok tacei pato ka Sở ngak nong saong samal pasang iek bruk ini, piah tapa nan, hu rilo mo hinh sản xuất barau pambuak pagam saong bruk peih ngak đề án rami ramik veik gah ngak nong, pambuak saong bruk pablei tabiak, khik caga kein laba ka urang nong.

Padang ngak palei pala barau lac sa bruk ngak suai lavik, gam gam piah puac di abih lac ba mai kein laba ka bhapbini palei pala. Meng bruk mbeik drei salih bahrau yaok harei di bhum palei pala, mikva tỉnh Sóc Trăng daok ba hatai jia lac dankadak daok ba mai dom jalan nao barau, dom jak jeng barau piah samal ba raidiuk bhapbini palei pala tagok glaong, mai jaik jang labik thành thị./.