Urang nong tathuak ia ka mblang padai 

Jiak sa bilan ni mai, rilo mblang taneh padai Đông Xuân te  di ban Long Phú oh hu ia pruh, daok thu, ka-iu. Rah tui rilo jalan, dom mblang padai daok salih tapa sambo katam ladau, khuah thu, mbaok taneh hamu ra-ai talah, thu lagu .

Duh hatai mong  2 công padai di sang drei  dok metai thu kayua kurang ia,  ong Thạch Hiền daok di palei  Khoan Tang, ban sit  Long Phú khan lac, hadei di tuk drak bloh  padai vụ 3 ya ia mbak njom tame, tal urak ni, mblang padai labaih  30 harei oh hu ia pruh, mbang ni lahik abih. Jeng tui ong Hiền, dahlau di nan, karja palei song dom rayo papar sap  papar binguk rilo mbang hu khan  brei thau ka bruk ia njom mbak thun ni meda mai avar jang saong khang jang, min kayua Đông Xuân te lac vụ pala njauk, pablei hu yaom di abih dalam thun  nan ye ong song dom urang nong brei trun pajaih. Ong Thạch Hiền lac:

Urang nong drei ngak padai hu kein meng vụ 3 ni, tam drak bloh ia njom mbak, oh njuk ia tame hamu hu, nan ye nyu thu abih. Sa bilan dom harei ye, meng tuk tam drak tal ni hu ia njuk tagok, danao thu jiak tal mbat nan ye klaak saoh, jien buh tabiak ngak jeng abih  500 ribau /sa công. Urang nong drei ngak hamu tok caong tame vụ 3, thun bloh njauk lo, hulin ngak  2 công mek hu  48 bao, vụ 2 hu  14 bao. Urak ni lahik bih, thu lo oh hu ia.)

Ong Trần Trí Dũng, Phó Chủ tịch UBND ban sit  Long Phú brei thau, vụ padai Đông Xuân te thun ni dalam ban sit ngak labaih  238 ha, tuk vak ni, rilo mblang taneh hu labaih  20 harei tal  30 harei  mong yau lahik abih kayua ia mbak njom mai biak avar. 

 Mik va trun pajaih tui labik, oh  trun sa mbang haong gauk,  nan lac drei hu jak ba mikva, nan ye mik va thau, trun pajaih bloh mboh oh siam ye klaak, oh trun pajaih gilac tra . Mblang taneh thun ni trun biak rilo , thun dahlau labaih  1.230 ha, thun ni dok labaih 238 ha min. Urak ni mblang padai  25-26 harei  ni njom ia mbak, thu song oh hu ia meda lac lahik abih oh meda ngak hagait hu.

Oh lac ta-eng ban sit Long Phú, bo hamu padai di rilo mblang hamu  di dom  xã karei dalam  huyện Long Phú yau:  Long Đức, Trường Khánh, Tân Hưng jeng  dreih yau nan. Kayua bruk njom mbak tal avar jang  thun bloh jaik sa bilan, độ mbak glong song dui atah ngak ka rilo urang nong havin akaok  . Tui kuhria mboh di  gah ngak nong song patagok palei pala huyện Long Phú, bilan Đông Xuân te thun ni dalam huyện hu labaih  3.700ha, mblang taneh ni trun rilo dut song  labaih  15.000 ha di thun bloh.

Ong Lâm Văn Vũ, urang pan akaok jabat ngak nong song patagok palei pala  huyện Long Phú, tỉnh Sóc Trăng brei thau, meng akaok thun  gah ngak nong  huyện hu panuac brei UBND huyện kakei mik va  oh pala padai  vụ 3; saong brei kuac raok  labaih  23 danak dak krong ribong  piah khik ia pabak ka bruk pala padai song yaok pataom veik dom  tuyến dân cư praong piah  hu jalan pabak ia pandar meyah ia njom mbak dui atah. Min, kayua rilo urang nong oh caik hatai sangka, brei trun pajaih  vụ 3, tal urak ni hu labaih  1.500 ha njauk khat lahik trak, tui kuhria tukvak tal mblang taneh ni daok hu rilo jang, meda lahik abih  mblang taneh  bilan padai Đông Xuân te dalam huyện. Ong Lâm Văn Vũ daok brei thau lac:

 Meng bloh jeng hu dom mbang ia njom mbak trun ala  2 phần ngàn jeng meda mek tame, min dahlau di nan hu khan brei mikva thau lac mek piah pabak ka bruk pajeng ba song yuak padai min, oh mek pruh ka phun pala. Dalam dom mbang ginum biai jang yau nao maong iek tapak, khol hulin jeng hu pathau khan ka bhap bini njui mek pruh nyu khut padai Đông Xuân te ni  song  vụ patui di nan. Bruk ni khol hulin ngak biak khang

Urak ni độ mbak di dom cống dalam huyện Long Phú tagok labaih  6,6 phần ngàn, dalam tuk di dom ribong dalam hamu, ia daok thu song độ mak jeng tagok tal  jiak  3,8 phần ngàn. Gah ngak nong daok tui iek catang jalan ia song duk độ mbak piah samar khan brei bhap bini thau, saong tacei pato ka bilai khik ramik krong ribong peih – kreik ka nyu lagaih, kakei urang nong trun pajaih njauk tukvak, palih pajaih padai tamuh hu dalam mbak padang jlan salih janih phun pala  lagaih hong bruk  biến đổi khí hậu urak ni./.

Urang lang: Hanipha -13/2