Rilo labik peih ngak labik pablei pandap 0 đồng 

Yaok harei, tal tukvak 9 tuk page, sruh radaih bánh mì anit ranam mai pataok di labik ka 5, jalan Đồng Khởi, phường Tân An, quận Ninh Kiều, bal Cần Thơ, piah ka urang ngak di balai Bánh mì Bei Gon ba tagok jaik 3.000 baoh har, pajeng ba nao tal labik hu urang gaok kan kandah kayua jit ruak Covid-19. Piah hu ginup har brei thaoh ka mikva, kapul urang ngak di balai Bánh mì Bei Gon medeih meng avar, tapat tapung, am cuh, ngak habar piah ka baoh har tal tangin mikva  jeng daok pandiak, bangi.

Ong Đỗ Quốc Hận, urang khik iek Hệ thống Bánh mì Bei Gon brei thau, meng tuk peih bruk brei daok atah gauk tui Sarak 16 di harei 12/7, cửa hàng brei padeih pablei piah ba tangin tame pacang caga jit. Min tuk mboh bruk caong hu bánh mì piah mbang di mikva kan kathaot biak rilo, nan ye brei parabha jeng yaok ca sit ka urang ngak nao ngak, gam daong ka urang ngak duah hu hasit jien, gam daong ka bol bhap rahra. Tuk akaok mereip, yaok harei cửa hàng tok ngak 1.000 – 1.500 bánh mì sandwich aia tasau; sa adit ini mai yaok harei ngak 3.000 bánh mì ginup janih, yau ye: bánh mì bak hatai, sandwich klaih… Ong Đỗ Quốc Hận daok brei thau lac:

"Pak ini, drei jeng hu dom labik pambuak bruk pabak brei pandap tamo piah ngak, drei hu urang ngak, pandap ngak, ghing am ghing cuh piah peih bruk ngak pahla. Mboh mikva kan kandah  dak harei dak kan kandah jang, ye drei kham merat ngak abih tukvak peih bruk brei daok atah di gauk ini".

Sruh radaih hu caik angan “Bánh mì Cần Thơ zero đồng sa baoh” hu nao tal tangin dom urang kan kandah meng hu bruk pambuak gauk biak prong di sa-ai Phạm Đỗ Minh Trung, urang vak di Tạp chí Nhịp sống miền Tây saong lac urang halar hatian abih drei ka bruk ngak pahla di puk palei. Sa-ai Minh Trung khan lac, hệ thống Bánh mì Bei Gon jao sruh radaih ini ka sa-ai. Sa-ai gam nduac radaih, gam ba tabiak dom labik meda brei har yaok harei. Labaih dua adit tapa, sa-ai hu ba bánh mì tal tangin sinh viên Đại học Cần Thơ; urang ruak daok lọc thận – Sang iek ruak đa khoa Trung ương; dom kapul urang daok khik iek dom balai pasang iek ruak; mikva daok dalam dom labik pacang veik di quận Ninh Kiều, Cái Răng, Bình Thủy…:

 Yaom lac bruk ngak glaih glar hasit, min dahlak mboh biak bui sambai kayua drei hu rik hasit prein yava tame daong patrun meneng kan kandah ka mikva dalam tuk jit ruak"

Dalam tukvak ini, yaok baoh bánh mì tal tangin urang ngak kan kathaot, mikva kan kandah lac mboh biak hu yaom. Bruk ngak di “Sruh radaih bánh mì anit ranam” hu pabak tame kadha bahrau dalam bruk halar hatian ngak pahala  bo taong abih labik dalam bal Cần Thơ daok ngak dalam bruk mesruh pacang jit Covid-19./.

Urang lang: Jasi -2/8