Thủ tướng Phạm Minh Chính ba akok kapol urang jakar pakat glong di Viet Nam tagok jalan nao rivang negar Japon

Taduan panuac da-a di Thủ tướng Nhật Bản Kishida Fumio, jala pandiak harei ini 22/11, Thủ tướng Phạm Minh Chính ba akok kapol urang jakar pakat glong di Viet Nam tagok jalan nao rivang negar Japon. Mbang rivang rah tabiak meng harei 22 tal 25.11 lac bruk peih ngak jalan đối ngoại độc lập, tự chủ, kayua hào bình, hữu nghị, pambuak talei rohim saong cak rok patagok hu brei mboh di Nyaom roya Đảng pakat negar mbang XIII. Viet Nam tuk halei jeng lac ayut, gah ngak mbang jia tame di Nhật Bản saong pachreih tui Nhật Bản cak rok patagok lagaih di bhum taneh sang dunya, gam Nhật Bản rik daong ka bruk khik  kajap hòa bình, tani tanat, pambuak bruk saong cak rok patagok di bhum taneh.

Di tuk pahadar dom urang metai kayua bala angaok jalan kayua Ủy ban An toàn giao thông pakat negar peih tabiak di melam blaoh 21/11, Phó Thủ tướng Rajaei Phạm Bình Minh hu panuac ieu yaok urang brei daong gauk, klah rabha, patrun dom pandik harao bo bala angaok jalan mbak ba tal dom urang gaok bala song gauk gar di urang nan. Meng hatai anit dom urang metai lahik bo khk salamat ka dom urang dok duik. Urak ni di taneh ia drei, yaok thun hu jiak 7.000 urang metai kayua bala angaok jalan mbak, labaih 11.000 urang njauk rambuac luac rai. Kuhria dalam 11 bilan tapa, bala angaok jalan mbak nao mai ngak brei labaih 5.000 urang metai.

Page ini, Mentri Quốc phòng peih bruk jao sarak di Akok negar ka 12 sĩ quan ngak bruk khik iek hòa bình  di Cộng hòa Nam Sudan (UNMISS) saong Cộng hòa Trung Phi (MINUSCA), dalam nan hu 2 sĩ quan kumei. Tapa nan, Thượng tướng Hoàng Xuân Chiến, Ủy viên Trung ương Đảng, Thứ trưởng Mentri Quốc phòng, Akok Kapol urang ngak bruk pambuak dom gah, Akok Mban tacei pato Mentri QP ka bruk khik iek  hòa bình LHQ caong khin 12 urang jaik tagok jalan njauk patagok tui thaot binguk “ urang lin Wa Ho”, lac anh hùng meng kan mai di Bol bala bhap bini Viet Nam dalam tuk ngak bruk, ngak siam bruk hu jao brei, jhul pakhang bruk khik hòa bình di Viet Nam dak harei dak naih ghieh, siam lagaih jang.

Dalam 6 harei tapa, Cần Thơ gam gam hu urang njom COVID-19 tagok glong, taeng harei 19/11, urang njom tagok tal 939 urang . Dom urang njom COVID-19 gam gam tagok ngak ka dom labik iek ruak tapa prein. Urak ni, dom urang ruak iek ruak di dom labik y tế lac 3.174 urang, dalam tuk nan prein iek ruak rilo abih di dom labik y tế (abih 3 tal) di pak ni tok lac 3.100 papar ndih.

Tukvak 2 tuk 45 minit page ini 22/11, Bộ tư lệnh Cảnh sát tasik bhum ka 4 taduan hu panuac ieu daong chip sa urang nao tasik daok pandik tian, medil lac pandik pruac tuk daok taong chap ikan di kapl gilai KG 95630TS di tasik Tây Nam atah di gah meraong kaoh pulao Phú Quốc labaih 40 hải lý. Samar chip, Bộ tư lệnh Cảnh sát tasik bhum 4 brei gaiy 622 daok khik iek tasik peih tabiak tasik, pataok tame gilai ikan  ba urang nao iek ruak chip di Sang iek ruak đa khoa ban Phú Quốc.

Meng harei 10 tal harei 12/12 anak tal, Anh meda dang akaok 1 nyaom biai pakat glong di abih, hu mbaok di Ngoại trưởng song akaok mintri patagok di nyaom 7 negar ngak cong patagok abih di dunya (G7) song dom taneh ia ASEAN di Liverpool. Ni lac mbanh camereip nyaom biai hu pataom mbaok dom negar ngak cong dang akaok dunya song dom taneh ia ASEAN yau Ma-lai-xi-a, Thái Lan song Inđônêsia. Nyaom biai hu ginum biai dom bruk lagaih haong kinh tế hadei di jit Covid-19, y tế dunya song bruk quyền anek menuac. 

Mentri Ngoại giao Nga daok caga tani tanat ka mbang taom gaok pakat glong di Tổng thống Vladimir Putin saong Tổng thống Mỹ Joe Biden. Urang brei panuac di Điện Kremlin brei thau,  hu bruk ndem meyai nao mai tapa phone di Thư ký Hội đồng an ninh Nga saong Cố vấn an ninh negar Mỹ. Dua gah ginum biai ka dom bruk hu njauk gauk blaoh dalam mbang taom gaok pak Geneva (Thụy Sĩ) di Tổng thống Putin saong Tổng thống Biden di bilan 6 blaoh,  dom jalan ndem biai urak ini dalam bruk khik tani tanat suai lavik saong an ninh mạng gam haong dom bruk karei daok rah tabiak yau ye Ukraine, bruk sraw kadau urang di cư di labik taphia negar  Belarus - Ba Lan.

Mbang tamuh jit COVID-19 di Trung Quốc dok dalam tuk puac di abih. Urang brei panuac di Ủy ban Y tế negar Trung Quốc, ong Mi Feng brei thau, dalam 14 harei tapa, 8 labik pakat tỉnh njauk kan kandah kayua mbang tamuh bahrau abih min oh hu urang halei njom Covid 19 dalam bhap bini. Bruk jit ruak di dom jalan tapen negar di Trung Quốc hu pacang cakak siam lagaih. Urak ni Trung Quốc hu ngak salah bruk klauk jru pacang COVID-19 ka jiak 77% menuac sia. Dalam dom kham merat pacang cakak jit Covid-19 tamuh veik, Trung Quốc dok ngak iek angaok menuac rilo janih jru pacang caga Covid-19 karei di gauk.

Urang lang: Hani Pha – Bhumi – 22/11 19:00:00