Tal bac sap Chăm daok di palei 10, xã Bình Sơn, huyện Long Thành,tỉnh Đồng Nai, kayua ong Đô Hô Sên song mik va dalam palei peih tabiak, dok jiak sang ilamu bangsa Chăm. Ni lac labik kayua karja buh jien tabiak ngak piah mik va bangsa takik hu labik taom gaok song khik ramik dom yaom glaong meng kan. Tal bac hu  bảng trắng, bàn ghế, hu gom điện, song sa tu tapuk. Dom “giáo trình” bhian kayua ong Sên roh duah  song ngak veik  tui  tài liệu pato sap Chăm di urang Chăm  An Giang, Ninh Thuận, Bình Thuận. Tal bac oh cố định tuk vak, hu harei 2 mbang, hu harei 3 mbang meng pato hu abih dom anek saih. Yaok mbang pato bhian dui atah  meng 45 minite tal 1 tuk. Oh lacuranaih saoh, hu menauc umo 30-40 atau jiak 60 jeng nao bac. Langiu di bruk pato haroh,, pato ilamu  meng kan di urang Chăm, ong Sên dok pato “anek saih” jalan ngak menuac , dom ilamu, dom bruk xã hội bo ong thau gam tal rai duik yaok harei...

Ong Sên khan lac,  bhian di nyu bac mbang1 meng 7 tuk mesup, tuk amaik ame nao ngak jeng lac tuk dom adei nao bac, kol nyu bac tal mon 8 bloh padeih nao sang. Mbang 2 meng 3 tuk bier harei. Saong rilo di abih, bui sambai di abih lac tuk melam, meng 19 tuk. Mbang bac ni oh lac dom anek saih tiểu học, trung học, bo dok hu rilo urang umo prong, hu gam adei saai , amaik ame, ong muk dom adei. Mbang pato melam hu 2 gru song pabha jeng 2 tal bac.

Palei  Chăm Bình Sơn urak ni hu  97 boh sang Cham song 375 urang. Dalam nan, hu labaih  60 urang tut angan bac haroh Cham. “Mboh dom ayut, dom kamuan ndom nyai hu cambaih laih sap bangsa, cih vak hu haroh di bangsa drei, hulin uan tabuan lo. Rilo dam dara urang  Chăm nao ngak di dom công ty, xí nghiệp jeng thau puac, vak angan drei tame  bản hợp đồng. Nan lac bruk pachreih dong ka hulin daok khik tal bac. Hulin daok suh sah ka ong Amad, ong nan mai ni pato akhar haroh  rilo thun ni, min daok dok dalam boh sang taih tahak kayua mik va ngak brei. Yaok bilan atau dom thun, hulin jak ba mik va rik pataom hasit sarak, jien atau brah brei ka ong nan” ong Sên khan lac yau nan.

AdeiShari Fah, umo 11 thun, tui bac hu 4 thun , oh lac puac hu, vak hu haroh Chăm , bo sap Yuan jeng ndom hu cambaih laih ( yaom lac adei oh hu nao bac), Fah brei thau: “Dahlau di tuk hu nao bac, adei ndom biai hu sap Chăm min oh thau vak. Urak ni, adei meda pato haroh ka adei di drei ye, Tabiak gah langiu adei dok puac hu jiak abih dom biển quảng cáo tra”.

Akaok  Ủy ban bhap bini xã Bình Sơn Trần Quốc Tuấn brei thau, bruk ngak di ong Sên biak hu makna. Nyu dong khik ramik ilamu di urang Chăm Bình Sơn, daong ka anek kamuan urang bangsa takik dok dalam xã paglaong bruk hu thau, diukrai njauk tui adat hukum, yam tagok patagok KT. Oh lac urang hu angan je di mik va bangsa, ong Sên dok lac “urang jakar palei” ami samar, hadah krah. Rilo mbang hu karja dom pakat pok brei harak meyaom kayua hu rik dong ka bruk pataok puk palei, tani tanat rai duik bhap bini, khik ramik song patagok dom yaom glaong ilamu meng kan. Ong  Tuấn daok brei thau lac, karja xã bhian sangka daong palagaih  song dong jien padai ka urang bangsa takik dalam xã bac megru paglong ilamu, akaok thun bac bahrau jeng hu brei harak tapuk, pok jien bac ka anek saih, peih dom tal pato bruk ngak, dong duah bruk ngak di dom khu công nghiệp ka dam dara, urang kamei bangsa Chăm. Rai duik di mik va urang Chăm dak harei dak hu salih bahrau  song patagok./.