Bhap bani urang Yuan di tỉnh Rattanakiri, Vương quốc Campuchia hu labaih 500 baoh sang ngan haong labaih 1.000 urang. Yaom lac rai diuk daok gaok ralo kan kandah, min hatai ranam taneh aia palei negar, mikva urang Yuan daok pak ini biak kham merat dalam bruk khik ramik ilamo meng kan di bangsa. Tal bac sap Yuan ka anek kamuan urang Yuan daok pak ini hu peih ngak dalam jaik 2 thun tapa nan lac hu brei mboh ka hatai pamong tal bhummi palei negar, pamong tal halau gha bangsa di dom urang anek daok atah palei. Kadha vak  “Sap Yuan di Rattanakiri” di urang vak  Khoa Điềm, daa mikva saong taong abih gauk tui pang:

Akaok thun 2016 tal bac sap Yuan brei ka anek kamuan urang Yuan daok di tỉnh Rattanakiri, Vương quốc Campuchia hu padang tagok. Yaok harei, dalam baoh sang sinh hoạt cộng đồng di kapul nyaom urang Campuchia asal Việt Nam tỉnh Rattanakiri tuk halei jeng yava tagok sap uranaih bac megru. Atah palei negar Việt Nam labaih 35 thun, amuk Lê Thị Lệ brei thau, rup amuk biak bui sambai tuk yaok harei hu ba dua urang taco di drei nan lac Hiền, Lụa nao bac sap Yuan. Biar harei tuk nao raok kamuan, amuk bhian nao avar jang piah yaom pang kaol ranaih nyu bac kadha. Amuk yau mboh hu diuk rai di bhummi Việt Nam. Sambai jang nan lac tuk mboh anek taco drei bac megru dak harei dak tiến bộ, gam thau akhar huroh gam thau ka ilamo meng kan di Việt Nam: “Urang Yuan drei oh klak hu taneh aia palei negar drei. Gru tagok ini nan bui sambai paje, dua kamuan ini meng nan daok truh pak Nam Vang blaoh dahlak meng ba dua kamuan tagok ini piah bac. Kamuan nyu dahlau diah oh ka nao bac ye mboh nyu oh salut mbut, jhak gheih, hu nao bac gru pato tacei ka nyu meng siam gheih yau ini. Amaik ame nyu cứ điện tagok, amaik leiy merat raong anek dahlak nao, anek nao ngak pah duah jien brei ka amaik ame, Urak ini ong amuk jeng mboh sambai hatai. Nao bac mai vòng tangin sua tangi thưa ong amuk taco nao bac mai”.  

Tukvak bilan 1 thun 2016 tuk tal pato sap Yuan ka anek kamuan urang Yuan daok di  tỉnh Rattanakiri bahrau peih tabiak ye tok hu 14 adei tui bac, urak ini hu tagok tal 41 adei. Piah ka nyu laik haong điều kiện thực tế pak ini, dom adei hu parabha jeng  2 tal. Van page tal 3 saong tal 4, biar harei brei ka tal 1 saong tal 2. Gam haong bruk bac ndom meyai, bac puac sap Yuan, dom adei daok hu gru pato ralo kadha daoh meng sap Yuan, blaoh adat cambat tanarakun ngak ka tal bac tuk halei jeng chreih chai bui sambai. Adei Đào Thị Như Ý, anek saih bac tal 3, brei thau: “Anek mboh biak bui sambai. Anek megru hu dom kadha gru pato. Amaik ame dahlak jeng bui hatai. Dahlak caong khin bac ka nyu naih piah hadei ini nao tapa nội ma-in”.

Gru Nguyễn Văn Nuôi, urang hu tỉnh Kon Tum brei tapa peih tal pato sap Yuan ka anek kamuan urang Yuan di tỉnh Rattanakiri brei thau, dua tal pato sap Yuan di gru dak harei dak hu ralo anek saih, hu dom adei sang daok atah tỉnh Rattanikiri labaih 500km jeng hu amaik ame payua urang randap mai bac. Tui gru Nuôi, baoh jeng siam mekre abih di drei nan lac hu ngak ka dom adei takre bac sap Yuan saong ilamo Yuan: “Drei njauk pato ka dom adei radiec radeic, anak meta nan lac pato nề nếp blaoh lễ phép hadei di nan meng brei ka dom adei bac akhar huroh. Hatung hatai di gru pato dalam tukvak klau thun biệt phái jeng lac ba hatai caong khin di drei ka dom adei daok atah palei negar hu thau akhae huroh, thau hu asal di uran Yuan, ilamo adat cambat di urang Yuan”.

Gam haong dom kham merat di Kapul urang Campuchia asalg Việt Nam tỉnh Rattanakiri, karja dua tỉnh hu chung jalan tapen negar nan lac Gia Lai saong Kon Tum hu daong ba dom kadha siam laghaih di abih piah ka anek kamuan urang Yuan daok di Campuchia hu bac megru sap Yuan. Cambaih laih tỉnh Gia Lai hu daong 84.000USD brei ka Kapul urang Yuan pak ini blei sa lô taneh pak bal Ban Lung prong 264m2 gam ngak jabat Hội, gam lac labik ka anek kamuan hu labik bac megru. Tỉnh Kon Tum hu brei sa gru pato tapa daong ka Hội peih tal pato sap Yuan. Piah ka dom adei hu tapuk siphau, truyện sap Yuan, gah pato megru saong ilamo dua puk palei hu payua blei tapuk ka dom adei. Yaom lac daok atah palei negar min bhap bani urang Yuan saong dom anek saih di Rattanakiri tuk halei jeng mboh bruk daong ba meng bhap bani negar Việt Nam.

      Piah ka anek kamuan urang Việt daok di negar langiu hu labik bac megru siam gheih, ginup abih pandap pandar, puac bilan 8 meng blaoh, dalam nao ngak bruk di  tỉnh Rattanakiri tukvak pahadar 50 thun dak padang talei pambuak bruk nao mai saong Thun hữu nghị Việt Nam- Campuchia 2017, tỉnh Kon Tum hu alin brei ka Kapul urang Campuchia asal Việt Nam tỉnh Rattanakiri 2 duk bac hu yaom 1 tỷ Việt Nam đồng. Hadei di tuk taduan mek phun jien ini, Ban chấp hành Hội saong mikva bhap bani hu peih ngak bruk dak padang duk bac, tui kuhria meda ngak salah blaoh saong ba tame pandar dahlau di Tết Nguyên đán thun ini. Sap Yuan, ilamo Yuan daok hu urang Yuan di tỉnh Rattanakiri, Vương quốc Campuchia khik ramik saong patagok./.