Urang phương Đông jeng ye urang Việt Nam iek praong talei rohim dalam sang, oh lac menuac daok diuk bo daok brei ka ong muk, ong kei, dom menuac lahik bloh. Nan lac đạo hiếu, lac jalan diukrai siam mekre di urang Việt, nan ye bruk iek praong, pok kakuh ong muk, ong kei lac bruk hiếu đạo, lac ilamu meng kan biak njauk pok meyaom. 

Min am cuh glau yau habar piah brei mboh hatai iek praong bo oh mê tín, oh palai pajoa lac bruk njauk ramik veik pasiam. Brei mboh hatai iek praong yau habar ka nyu njauk? Đại đức Thích Chí Giác Thông - phó ban gam lac chánh thư ký mBan Văn hóa Phật giáo TP.HCM, lac:: “Tui dahlak, pandap paling oh cang praong, hatung hatian thau dhar phor nan lac hu paje, oh lac blei rilo bingu, cuh rilo glau meng lac iek praong.”

Nao tal baha jeng yau nan, menuac nao baha bhian khin eng drei cuh glau, pok bingu ka Phật nan ye thei jeng caga bingu sa paok, hu urang daok blei gom am cuh. Min harei ini, dom janih nhang bhian hu ngak meng hóa chất, am cuh tagok nyu tabiak thak oh siam ka môi trường, jhak ka pren yava. 

Bruk ban thei thei cuh nhang dalam chánh điện atau dom labik thờ tự biak mbuan ngak brei pui khuah. Kayua yau nan ye, dom baha jeng hu kakei phật tử njauk takik cuh nhang, tok mai lễ Phật haong abih hatai jai lac hu paje.

Lingiu di nan, dalam nhà thiền, praong di abih lac hatung hatian, lac "hương lòng" atau "tâm hương", yau urang roh duah Trần Đình Sơn khan lac "ngũ phần hương", … tuk nao tal baha jeng ye dalam raidiuk yaok harei meng lac “glau” pok kakuh siam di abih.

Piah ngak ka bruk ini hu tame dalam akaok sahneng, brei hu bruk kham merat di yaok baha, yaok ong bhik, yaok sư cô trụ trì, urang dang akaok cơ sở tâm linh. Daok dahlak, tuk ndom biai haong phật tử, haong urang nao baha jeng hu ndom tal bruk takik am cuh nhang. 

Tal baha brei hu hatai kandang joa, klaak abih dom duh hatai, dom khin hava tabiak gah lingiu. Đạo Phật tui jalan daong ka anek menuac pasiam meng jalan sahneng tal bruk ngak yaok harei, oh pato iek praong giáo chủ, oh pato cúng rilo pandap lac siam, lac ginreih

Thun 2019, mBan Văn hóa Phật giáo TP.HCM meda ngak saong tabiak mbaok sa bộ quy tắc ứng xử njauk tuk nao tal baha: meng ngui cuk, nao mai daok dang, ndom biai, cuh nhang, lễ Phật, salam thầy trụ trì yau habar… Caong ini lac cẩm nang caik kadung daong ka phật tử saong urang nao baha thau jang ka bruk nao baha, pambuak bruk haong baha ngak jeng jalan diukrai bahrau, siam mekre.

Bruk abih hatai pamaong tal Phật thánh, ong muk, ong kei hu brei mboh oh lac tapa bruk ngak bo daok lac patabiak meng dom bruk ndom puac, daok dang, dom bruk oh suan haong hatung hatian, oh suan adat hukum. Meng dom bruk ngak siam, meng dom panuac gheih, hatai sahneng mekre, hadah, meng lac dom mbaik gilau pahe pok tagok ka Phật thánh, ka ong muk, ong kei./.