Pathau mikva saong taong abih gauk!

Akhar huroh Khmer hu mintri pato megru ba tame pato dalam danak dak  phổ thông di dom tỉnh, ban hu ralo bhap bini bangsa Khmer  daok. Di quận Ninh Kiều, Cần Thơ, mikva Khmer hu oh ralo, nan ye dom sang bac phổ thông oh peih pato akhar huroh Khmer hu. Kayua yau nan ye, tuk baha Munirăngsây peih tal pato akhar huroh Khmer, dom baoh sang Khmer daok di pasak ban Cần Thơ biak chreih chrai ba anek mai bac. Ngọc Tươi – urang vak di rayo sap ndom VN daok di bhum taneran kraong Cửu Long hu kadha vak brei thau ka bruk ini. Daa mikva saong taong abih gauk tui pang:

Dom thun jaik di ini, tuk bilan hè mai lac tal pato akhar huroh Khmer hu chreih chrai tagok. Ini lac hatung hatian di Thượng tọa Trần Sol, Sư cả baha Munirăngsây, piah rik daong khik ramik ilamu, sap ndom, akhar vak di bangsa drei.

 Di quận Ninh Kiều, mikva Khmer hu takik, ralo meng lac urang jakar, viên chức, sinh viên meng dom puk palei karei mai ngak bruk saong bac daa. Tuk baha peih tal pato akhar huroh Khmer brei ka dom adei  umo tiểu học saong THCS, tukvak bac lac biar harei meng harei som tal harei suc yaok adit, dom amaik ame biak bui sambai kayua anek bhik di drei hu labik bac piah thau akhar huroh di drei.

Saai Huỳnh Đa Lin chreih chrai lac: “baha peih tal pato akhar huroh Khmer lac biak quý, kayua di sang bac dom kamuan tok hub ac sap phổ thông. Dahlak biak sambai kayua baha peih tal pato huroh Khmer yaok thun di tuk hè ka anek kamuan di ban Cần Thơ, meng nan dom adei hu thau ka ilamu meng kan di bangsa drei”. 

Sư Thạch Điệp, iek gah pato akhar huroh Khmer, taong yaom: dom baoh sang jeng ndom meyai hong gauk meng sap Khmer di sang, dom adei ndom meyai biak siam nan ye bruk bac akhar huroh jeng samar jang. Dom adei kham merat bac, nan ye thau hu biak samar. 

Oh lac pato akhar huroh ka anek saih phổ thông dom pakat, baha daok peih tal pato tuk melam ka dom sinh viên, urang praong caong hub ac akhar huroh Khmer. 

 Bruk peih pato akhar huroh Khmer di baha hu rik daong khik ramik dom yaom glaong ilamu di bangsa. Kayua lac tuk dom adei hu thau akhar vak saong sap ndom di bangsa drei, nyu daong dom adei khik ramik siam jang dom siam mekre ilamu bangsa./.