Urang pal akaok mai pathau khan ka bhap bini thau ka bruk palih ruah anak tal 

Rah tapa 5 kadha haong 3 mbang hiệp thương gam haong dom mbang taom gaok cử tri hu peih ngak biak catang, dân chủ, tani tanat, dah page harei 14/5, kapul pilih ruah pakat negar hu brei thau angan 868 urang tabiak mbaok piah pilih ruah ka QH mbang XV di 184 labik pilih ruah dalam negar piah pilih ruah tabiak 500 urang ka Quốc hội mbang XV.

Tal tuk vak ni, huyện palao Phú Quý, tỉnh Bình Thuận hu ngak salah bloh bruk caga ka  harei palih ruah urang ka  Quốc hội song urang ka Hội đồng bhap bini dom pakat cấp. Dalam huyện palao Phú Quý hu  7 labik palih ruah urang ka Hội đồng bhap bini  huyện song 20 labik palih ruah urang ka Hội đồng bhap bini xã. 

Piah khik hu siam mekre bruk pacing caga jit Covid-19, meng maong 12 melam 15/5, taong abih dom sruh radaih pajeng tuai meng TPHCM meda oh padeih, rok saong trun tuai di dom labik hu jit di tinh, bal (bhum hu jit) tui pathau khan di mintri y te saong brei tui iek, peih ngak catang dom jalan ba tabiak dalam bruk pajeng tuai di tinh, bal hu pambuak tal. Dom gah brei ngak njauk bruk pajeng tuai rilo abih oh tapa 50% prein pajeng di radaih, rami ramik tuai daok angaok radaih atah di gauk sa baoh kik atau atah dig auk 1 mét saong oh tapa labaih 30 urang, dalam nan hu gam urang peih radaih saong 1 urang ngak di dalam radaih nan.

Anak bruk jit Covid 19 rah tabiak srau kadau,  Uỷ ban bhap bini tỉnh Long An tacei pato gah pato megru  brei anek saih, menuac bac, sinh viên padeih bac meng harei 17/5/2021.  Piah bac salah danak dak, tamat thun bac, dalam vaktu padeih bac di pakat mầm non, gah pato megru palih ruah dom kadhanjauk bac, tacei ba amaik ame  pabak ka uranaih di sang. Daok dom tal 9 song 12,  dom sang bac brek ka anek saih ôn tập, caga ka mbang pakacah tame tal  10 song pakacah tamat trung học phổ thông.

Yaom lac jit Covid-19 daok rahtabiak sarau kadhau, bruk pablei cao su Việt Nam tabiak negar lingiu jeng daok tagok glaong meng hu bruk caong pandar daok tagok di Mỹ saong Trung Quốc, ba tal yaom katak cao su jeng tagok tui. Tal akaok bilan 5, yaom katak cao su tamo di dalam negar daok tagok khang. Harei 10.5, yaom blei katak ia di Bình Phước lac 390 đồng sa độ. Yaom bleii katak tạp lac 300 đồng/độ, tagok 30 đồng/độ dut saong dom harei akaok bilan 5/2021.

Mỹ song Hàn Quốc brei mboh hatai pachreih tui bruk ngak di  ASEAN piah ba Myanmar mai veik jalan dân chủ, saong hu panuac ieu bol bala Myanmar padeih, patrun bruk tong paoh song peih palao dom urang njauk chap khik . Mỹ song  Hàn Quốc jeng ndom lac ASEAN njauk ieu bol bala Myanmar ngak tui 5 pakak hu urang pal akaok  ASEAN brei tapa di harei 24/04. 

Bruk pasang iek rahra 10 thun sa mbang di Trung Quốc hu khan brei thau di harei 11/5 brei mboh rahra di dalam negar ni tagok tal 1 ty 410 triệu urang di harei 1/11/2020. Ni lac tanut tagok suai abih kuhria meng dom thun 1950. Tui chuyên gia kinh tế di ANZ, bruk taha di rahra di Trung Quốc meda ngak srau kadau ka chuỗi cung ứng dunya, kayua bruk nan di dunya daok pagam pambak rilo tame kinh tế praong ka dua di dunya ni.

Kapul Chữ thập đỏ dunya hu panuac lac urang njom  nCoV dok tamuh di  châu Á - Thái Bình Dương, ngan song labaih 5,9 triệu urang dalam 2 adit tapa, prong jang rilo labik karei karei . Bruk nan hu kapul Chữ thập đỏ iek tui bruk urang njom dalam 2 adit tapa di bhum châu Á - Thái Dương brei thau ka dom urang njom gam gam patagok, meda ngak brei dom sang iek ruak  song bruk  y tế pak ni tal labik glut jaleih. Kapul ni daok brei thau lac hu 7 dalam 10 negar di dunya dok tagok jang 2 mbang urang njom  nCoV samar abih jeng daok di châu Á - Thái Bình Dương. Lào dalam 12 harei tagok jang 2 mbang urang njo, dalam tuk urang njom di  Ấn Độ tagok jang 2, lac labaih 23 triệu urang dalam oa ka tal 2 bilan  ./. 

Urang lang: Hanipha- Thu Thảo -15/5