Talaih kurang ia bhum thu taneh Mũi.

       Xã Tân Bằng, Biển Bạch, huyện Thới Bình hu thau tal lac libik thu di Cà Mau. Rilo thun tapa, urang bhapbini di ini njauk diukrai dalam eik ia. Tal bilan thu, caong khin hu ia hacih piah pandar di yaok rabau sang bhapbini di ini catang rilo jang duk saong dom tukvak halei. Barau blaoh, cong trinh sang mac ia Tân bằng hu ba tame pandar, mikva ye bui sambai biak rilo. Mbang akaok mereip dalam rai dom urang ini hu taduan mek ia mat di puk palei drei. Khánh Hưng urang pambuak bruk di rayo sap ndom Vn daok di Cà Mau hu kadha vak brei thau ka bruk ini:

     Kol dahlak duah nao ấp 18, xã Biển Bạch dalam lingik pandiak catang di var dala hè. Karei di yaok thun, dom panuac meyom, bruk kanying meta, mbaok kayua dom lu ia hajan di sang pataom hu thu urak ini oh daok veik.

        Amuk Dương Thị Soan daok di xã Biển bạch brei thau : sang amuk meng gah Brak mai pak ini daok labaih 20 thun paje. Dom thun nan, amuk jeng randap sang bruk lac sa kathor ia pandar ka 2 tal 3 bruk. Abih di nyu nan lac, di bilan thu, ia hu pandar patak pataom rilo abih. Hadei tuk rao njam, caik piah rao ikan, rao blaoh mek pruh ka dom njam pahe pala likuk sang. Kayua, dom thun nan, sang amuk njauk blei ia pandar yaok harei. Bo yaom ia oh njauk tuk halei jeng tok 25 rabau dong sa lu ( 2 lu sumu 1 met khối ia) ye dom bilan dahlau sang amuk daok blei. Dom thun dahlau, hu tuk njauk salih yaom tal 50 rabau dong sa lu. Oh kuhria tal rilo tuk oh hu ia piah salih : ia oh hu, kayua ia nyu phèn. Yaom lac biak sat. Dahlak salih sa lu 50 rabau đồng. Dak harei trun daok 25 rabau, 3 lu lac 75 rabau”

        Oh hu khá giả ye dom sang karei di puk palei, sang amuk Lâm Thị Khoa daok di ấp kênh 9, xã Tân Bằng daok hu ia halei piah pandar. Yaok harei, amuk njauk nao jaik 300 met tal sang gam puk paga nong ia. Bo halau ia njan, khoan di puk palei hu dahlau hadom jeng gaok ám vàng, chát, mbak oh hu thanh, limen ye dom libik karei. Yau nan ye mikva di ini jeng oh pandar halau ia ini dalam pah menaiy min, daok mbang menyum lac nao blei ia. Sang amuk Khoa biak kan kandah yau nan ye dom thun ini njauk pandar ia chát ngak mbang yaok harei.

      Anak bruk bui sambai hu ia hacih, amuk Khoa uan tabuan khan lac : tuk sang mac ia barau ba tame pandar, sang dahlak hu tut angan lắp đồng hồ ba ia mai. Urak ini, sang hu pandar ia hacih ngak mbang ngak huak ye dahlau. Amuk Khoa chreih chrai ndom lac : “ urak ini hu jalan ia lac dahlak biak uan. Ngak huak lisaiy bingi, mbon; trun ia menyum jeng bingi. Raong menuk, ada nyu jeng siam. Kathor praong, anek dahlak nduac tame menay, nyu ndom amaik lei mat lô ia trơn oh rít ye yaok mbang veik”.

Ông Nguyễn Hạnh Phúc, Giám đốc pasak ia hacih saong hacih sat alam moi truong palei pala Cà Mau brei thau: rilo thun paje maong ye dom urang bhapbini xã Biển Bạch saong jaik meteh sang bhapbini xã Tân Bằng jeng daok dalam cảnh kurang ia. Baok số ini kuhria tagok jaik rabau sang. Tuk cong trinh sang mac ia Tân Bằng hu ba tame pandar hu makna biak praong saong siam lagaih ka bhapbini puk palei. Cong trinh oh lac daong urang bhapbini siam lagaih di ngak mbang ngak huak yaok harei bo bruk patagok pala drak, rong glang quy mo jeng biak mbuan lagaih.

Jeng tui ông Phúc, ini lac công trình ia hacih palei pala praong abih tỉnh, hu jien padang abih 30 tỷ đồng. dalam nan, 18 tỷ hu gilang pariak dunya daong, daok veik kayua tỉnh đối ứng. Urak ini, cong trinh sang mac ia Tân Bằng hu ba mai bui sambai hu ia hacih ka jaik 2.300 sang bhapbini dua xã nan. Bruk hu mboh, ngan saong công suất 60 m3 sa tuk, công trình ia hacih ini daok dau tu peih praong bruk ba ia ka jaik 2000 sang bhapbini veik..//