Quán café hu angan “Không Tên” daok dalam sa baoh hẻm angaok jalan Phạm Văn Thuận, phường Tân Mai, ban sit Biên Hòa, tỉnh Đồng Nai. Ini lac labik urang likei ndih tapui thun 1988 Đinh Minh Quyền saneng mboh saong tabiak rai Talks Café 100% English akaok meti. Tuk Harei, ini lac quán café yau dom quán café karei, min tal melam mai, quán hu jeng sa “sang bac” biak karei.

Anek saih pak ini ginup abih umo thun, hu anek saih “ranaih” tok jaik 10 thun saong jeng hu anek saih “taha” tal 50 thun, min kadha biak karei nan lac taong abih thei jeng ndom sap Anh. Hu urang ndom lang luan, hu urang ndom gak gar, njauk caik hatai tui pang tuk thei nan ndom sa câu biak atah. Min oh hu bruk huac kanda bhian mboh di urang oh naih jioy sap Anh. Dom urang ini caik hatai tui pang, kham merat ndom puac,  cih vak veik dom kadha njauk caik hatai, blaoh klao sambai tuk mboh drei bahrau ndom suan.

Saong nan lac bí quyết di Talks Café: tah klak kadha huac kanda, paga pacang prong abih di urang bac sap Anh. Adei Võ Thị Xuân Đào, aneik saih bac tal 11 di bal Biên Hòa mai haong Talks Café tapa ayut sahabat, adei hu mbaok tame ini piah pasiam veik bruk pang ndom saong Xuân Đào brei thau lac, drei palih ruah njauk: Hadei di labaih sa bilan bac, adei meda ndom hu sap Anh, adei meda thau hu urang negar langiu ndom biai haong gauk. Siam jang biak rilo! Adei mboh biak thoải mái, bac bo yau oh bac, oh mboh lac drei daok bac, drei mai ini ndom biai haong gauk, xả stress min bac hu biak rilo kein laba ka drei, meda ndom hu sap Anh biak siam.

Di Talks Café, yaok tal nyaom tok hu 5 urang dalam nan hu gam gru pato saong anek saih, gru pato hu gam urang Việt Nam saong urang negar langiu. Oh lac tok hu pren khang ka talei pambuak bruk nao mai di urang pato saong urang bac dalam sa nyaom sit, bruk siam gheih meng pambuak gauk di mặt bằng, cơ sở vật chất laneng lanoi di quán ngan haong pren khang di Talks nan ye jien bac pak ini tok hu 65.000 đồng ka sa van bac, nan lac lap jang 50%  tal labaih 70% dut haong dom pasak pato bac karei.

Hadei di tuk oh ka tal meteh thun kuhria meng tuk jak ba phun jien meng Shark Tanks, hệ thống Talks Café hu peih prong jeng 4 dhar, nan lac 4 quán café sap  Anh di bal Biên Hòa (Đồng Nai), ngan haong 40 gru pato Việt Nam (IELTS tối thiếu 6.0), 5 gru pato urang negar langiu saong labaih 300 urang bac. Jien ndo buh tabiak brei ka dom dhar ini di sa-ai Đinh Minh Quyền, CEO di Talks Café tagok tal  sa tỉ đồng.

Minh Quyền jeng brei thau, urak ini di Talks saong Shark Tanks hu ginum biai blaoh saong daok cang ngak salah blaoh dom harak gar piah giải ngân yaom jien 5 tỷ hu jaik ba rik pataom blaoh blai. Saong tuk hu giải ngân, Talks Café meda ba tangin tame bruk peih prong hệ thống, dahlau di abih nan lac di bal raya Hồ Chí Minh, labik hu biak rilo pren khang. Hatai caong khin di Đinh Minh Quyền dalam thun 2019 nan lac yaok bilan peih hu sa dhar Talks, hadei di yaok 3 bilan hu bahrau 80 anek saih tui bac.

Jeng haong baoh camin tapal saong cambuai khim klao, meng sap ndom dhal hanjul min quyết đoán sa-ai likei CEO ndih tapui thun 1988 tuk halei jeng brei mboh hatai biak takre tuk ndom tal Talks Café. Ngan haong Minh Quyền, Talks Café oh lac bruk pablei salih biak hấp dẫn bo daok pamaong tal dom kadha siam gheih hu yaom glaong ngan haong urang Việt: pasiam bruk ndom puac sap negar lingiu: Bruk akaok meti daok pamaong tal tuk drei ngak nan lac yaom lap min hu chất lượng. Drei daok ngak brei salih kadha bhian randap di sinh viên Việt Nam, melam mai salih kabruk nao ma-in, menuym trà sữa ye ayut drei njauc mai haong hệ thống ini, piah drei ndom puac, pambuak pagam haong dom urang tích cực. Nan lac pren khang biak prong. Drei mboh  bruk drei ngak hu daong biak rilo ka rahra, daong ka yaok urang. Meyah dalam taneh aia drei ini sinh viên ndom hu sap Anh ye taneh aia drei meda cakrok patagok.

Bac sap Anh yaok harei ngan haong jien buh tabiak tok samu sa ly café pamaong tal urang daok ranaih, jak ba rik pataom hu 5 tỷ đồng. Meda ndom lac dalikan di urang likei 8x Đinh Minh Quyền hu ba mai sa chreih chrai bahrau ka cộng đồng start-up Việt, oh padeih veik di bruk kein laba bo daok pambuak pagam siam  triết lý kinh doanh haong giá trị cộng đồng./.