Tan bac libik tapeng negar di dom Tuan gru cuk quân ham hijao

Ia R’vê lac xã tapeng negar di huyện Ea Súp, tỉnh Đắk Lắk, libik hu 22 bangsa gam daok. Raidiuk di mikva daok rilo kan kandah,urang oh thau akhar daok hu biak rilo. Taphia bruk daong urang bhapnini patagok kinh te, patruh eik patrun kathaot, Đồn biên phòng 737 – bộ đội Biên phòng Đắk Lắk daok peih dom tan pato akhar haroh, paglaong akaok sahneng ka urang bhapnini bhum taphia negar.  Hương Lý, urang vak di rayo sap ndom VN daok di Tây Nguyên hu kadha vak : tan bac libik tapeng negar di dom urang gru  cuk quân hàm hijao. Daa mikva saong grauk yut tui pang:

Hadei di sa harei ngak bruk glaih glan, min yaok melam amuk Lữ Thị Sáng saong anek kumei di drei nao tal tan bac xóa mù chữ kayua Đồn Biên phòng 737 peih di xã Ia R’vê, huyện Ea Súp, tỉnh Đắk Lắk piah bac. Meng sit tal praong tok randap saong bruk apuh cakak yau nan ye amuk Sáng jeng ye rilo urang bhapbini di libik tapeng negar ini jeng oh thau akhar. Plak tangin chai sạm, dom harei akaok mereip pan mbut biak kan kandah, min meng hu bruk pachreih ba di dom urang lin Biên phòng, amuk Sáng kham merat pasram akhan : Dahlau diah kayua sang kan kandah, sang rilo anek oh hu jien nao bac oh thau khan ye tame  ini ngak mbang, urak ini hu urang jakar biên phòng bộ đội pato xóa mù chữ ye dahlak thau khan,vak hu angan drei, dahlak biak bui sambai. Hadei ini dahlak thau khan, dahlak kham merat bac megru piah patagok kinh te sang.”

 -Daok ông Hà Công Thức, palei 13 xã  Ia R’vê, huyện Ea Súp ye nao bac akhan jeng bruk biak siam. Meng thau khan, ông meda puac hu angan jru khik caga phun pala, tacei pato jalan pandar khak drak piah ngak njauk alamu ky thuat dalam pala drak, raong glang patagok kinh te sang. Ông Thức brei thau: Hu bruk daong di dom saai biên phòng mai pato tapak daong ka mikva thau hu baoh khan dahlak biak chreih bui. Bac megru akhan piah thau ngak mbang kinh te, raong glang kubao limo pato anek mbang bac. Meng tuk thau khan lac nao blei khak blei jru thau hu angan jru, angan khak piah buh tame patagok bein puh sang drei

-Đại úy Trương Văn Hoành, Chính ủy Đồn Biên phòng 737 brei thau, meng thun 2012 tal urak ini, barau peih hu 2 tan ka 62 urang bac. Min piah hu dom tan bac yau nan lac bruk ngak hu meng kham merat di abih đơn vị jeng ye urang bhapbini puk palei. Kayua umo di urang bac rilo meng labaih 40 thun, lac urang ngak mbang raong sang, njauk ngak bruk luac harei, melam mai sang glaih glan jak ba dom urang nan tabiak bac biak kan kandah; rilo urang klak meteh dhi : Piah mikva thau hu kiến thức abih di nyu lac kiến thức sơ đẳng akaok mereip kayua kol dahlak oh ka chuyên sâu ka bruk sư phạm , meng tình cảm trách nhiệm adei saai bac megru jalan pato pakai di gru pato dalam puk palei piah pato siam ka mikva.

-meng hatai anit saong trach nhiem di urang lin Biên phòng, urang jakar, urang lin Biên phòng đồn 737, bộ đội Biên phòng tỉnh Đak Lak hu kak kajap saong mikva xã  Ia R’ve, huyện Ea Súp. Abih di nyu nan lac, ngan saong kapul ngak bruk bhapnini, yaok harei pambuak pagam saong puk palei, gam mbang gam daok saong gam ngak mbang saong urang bhapnini. Taphia nan, peih dom tan xóa mù chữ, daong mikva paglaong dân trí, patagok kinh tế – xã hội piah gam saong bộ đội Biên phòng khik ramik an ninh negar, khik caga khang kajap chủ quyền taneh riya, palei negar./.