Urak ni dalam xã Tân Phú, huyện Tân Châu, tỉnh Tây Ninh hu 836 urang hội umo taha, dalam thun patagok hu 14 urang hội bahrau, patagok urang hội hu abih tih 850 urang. Dalam dom thun tapa, karja hu tabiak rilo harak peih ngak dom sarak ka urang umo taha, quyền song bruk ngak di urang umo taha dak harei dak hu peih prong song hu tacei tabiak cambaih laih dalam Hukum urang umo taha. Meng nan ngak jeng adat hukum ka dom bruk ngak dong ka urang umo taha dak harei dak siam jang, dong pasiam paglong rai duik mbang ngui daok dang di urang umo taha, palagaih ka urang praong thun patagok hu labik dang di drei dalam boh sang jang yau hu mbaok tame dom bruk XH di puk palei.

Ong Phạm Xuân Dọc, Phó Akaok kapul urang umo taha xã Tân Phú, huyện Tân Châu, tỉnh Tây Ninh brei thau:

Dalam sa nhiệm kỳ jeng iek glang ka urang taha umo. Min thun 2015, Kapul urang taha umo xã Tân Phú hu padang jalan ngak meng di akaok thun, jeng lac jalan ngak dalam thun song yaok quý piah iek glang ka urang taha. Dahlau di abih, njauk ndom lac hu adat song bruk dong di Đảng ủy, UB bhap bini xã Tân Phú yau nan ye thun bloh kapul urang umo taha  biak khang kajap dalam bruk iek glang ka urang umo taha. Yaom lac jien di UB bhap bini hu takik min kapul urang umo taha hu panuac cong njauk ngak dom bruk hagait ka urang umo taha, ye UB bhap bini sangka daong palagaih brei kapul urang umo taha ngak siam.

Lingiu di nan, xã hu padang dom kapul nao rivang, tadhau yuh urang taha dalam harei urang prong thun VN (6/6) song harei dunya urang prong thun (1/10) ka 104 ong, muk taha, tui yaom jien abih tih 35.800.000 đồng. Bruk iek glang pren yava tuk camereip ka urang prong thun di labik daok hu puk palei caik hatai sangka song 71 ong muk taha hu dong 7.100.000 đồng. Dom sarak dong ka urang prong thun hu iek prong meng bruk tangi sua urang ruak kik pandik harao, tangi sua boh sang hu urang taha metai, brei 150 urang hội mesraiy jien piah ngak mbang abih tih 150.000.000 đồng.

Ong Sa Lế, urang hội Kapul urang prong thun bangsa Chăm palei Tân Châu, xã Tân Phú, huyện Tân Châu, tỉnh Tây Ninh brei thau:

Băng tiếng Chăm:

Langiu di bruk iek glang siam rai duik mbang ngui daok dang ka urang prong thun, dom gah dom pakat meng xã tal cơ sở hu dong palagaih ka urang prong thun hu patagok bruk ngak di drei. Dalam xã hu 157 urang taha dok hu mbaok tapak tame bruk ngak mbang pala drak, rilo meng lac pala bei plom. Kayua hu jien meng bruk pala bei plom, nan ye rai duik mbang ngui daok dang di urang taha dak harei dak tagok. Peih bruk jak ba “ Tong abih bhap bini jum pataom dak padang rai duik ilamu”, Kapul urang prong thun meng xã tal chi, tổ hội peih bruk pataom mbaok saong pablak tame bruk pakacah “ Urang taha hadah krah” dak harei dak tagok./.