Rilo labik peih bruk pato ka urang ngak 

Tapa danak dak pambuak gilang pariak saong doanh nghiệp,  hu 11 gilang paraik di dalam ban raya HCM tut angan hu mbaok tame paok brei mesraiy daong doanh nghiệp ngan haong paok jien tut angan brei masraiy abih tih lac labaih 312.000 tỷ đồng dalam thun 2021. Jien laba brei masaiy glaong abih oh tapa 4,5%/ sa thun ngan haong brei masaiy katut harei saong tui kuhria lac  9% sa thun ngan haong masaiy mbaih, atah harei jeng yau dom jalan daong trun jien laba ka pok jien masaiy.

Dalam 9 bilan tapa, di tỉnh Cà Mau trun hu 4 xã bhum  III song  24 palei biak kan kandah  dut song tuk vak akaok thun. Tal abih bilan 9, ngan song sarak dong patagok KT-XH bhum bangsa takik, mban bangsa tỉnh hu daong ka UBND tỉnh tacei pato peih ngak song brei mesraiy  hu labaih 39 tỷ đồng meng kadung jien karja Trung ương, mek hu 92,71% dut song bruk jao brei. Thun 2021, boh sang kan kathaot dalam bangsa takik di  tỉnh trun meng  2 - 3% , daok dom labik KT-XH biak kan kandah  ye bruk ni lac meng 4% tagok. Dom danak dak, sarak bangsa hhu peih ngak njauk tuk, siam lagaih rik dong prong tame bruk ngak salah bloh dom tanut patrun kan kathaot khang kajap di bhum bangsa takik  .

Meng akaok thun tal urak ini, Liên đoàn Lao động tỉnh Kiên Giang hu daong 57 “baoh sang Công đoàn” ka dom đoàn viên; dalam nan padang ngak bahrau 47 baoh sang, ngak pasiam viek 10 baoh sang. Nao gam haong đoàn viên njauk kan kandah kayua jit COVID-19, Liên đoàn Lao động tỉnh hu daong ka 35 đoàn viên Công đoàn lac F0 saong F1 di dalam ban Rạch Giá, tui yaom daong urang F0 lac 3.000.000 đồng sa urang saong F1 lac 1.500.000 đồng sa urang.

Mai meng bruk klah rahba song urang meng bhum jit mai, daok brei dok karei, Kapul urang kamei Bộ đội biên phòng tỉnh Sóc Trăng ba tabiak bruk rik dong jien mbaok  song pandap piah tanek lisei , ba tal tangin mik va di labik brei dok kare. Meng akaok bilan 10, yaok harei dom saai tanek  meng  250 - 300 pok lisei, ba tal labik dok karei di phường 10 song dom urang jakar, urang ngak bruk di dom bilai pasang iek.

Ong Lê Hữu Hoàng, Phó akaok UBND tỉnh Khánh Hòa brei thau, tỉnh daok caga piah raok tuai mai rivang main tuk hu 97% bhap bini umo mangaok 18 thun hu klauk vắc xin caga Covid-19, 30 ribau urang ngak dalam gah du lịch hu klauk 2 mbang vắc xin. Tỉnh Khánh Hòa jeng hu ba tabiak Bộ tiêu chí taong yaom salamat labik rivang main meng labik daok, lữ hành, labik rivang iek ngak jeng “du lịch hijao” khik salamat ka tuai rivang main.

Hội đồng karja Ai Cập hu urang kamei thẩm phán camereip abih hadei di 75 thun. Nyaom urang kamei camereip dalam Hội đồng nan hu 48 thẩm phán ngak bruk trợ lý cố vấn song  50 thẩm phán ngak phó cố vấn. Ni lac dom urang kamei thẩm phán camereip di sa dalam dom jabat  tư pháp prong di taneh ia Bắc Phi ni. Dom urang kamei  thẩm phán bahrau nan, meda ngak bruk dreih yau urang likei  piah khik kajap bruk peih ngak adat hukum  song langyah dom bruk meriak gauk  dalam tong abih dom tòa án trực thuộc. 

Mbang camriep dom urang roh duah di Mỹ pagam hu baoh thận di sa drei pabui biến đổi gene ka sa urang matai glo bo oh njauk hagait, tapa nan peih tabiak jalan pagam tạng ka dom urang daok cang alin tạng. Drei pabui hu thận pandar dalam mbang blaic raih hu ramik viek gene piah ka dom mô di nyu oh hu phân tử hu prein  phản ứng thải ghép chip. Yaom lac yau nan, baoh thận tok hu khik ramik bruk ngak dalam 3 harei piah ka dom urang roh duah pasang iek saong taong yaom bruk pagam ini. Kayua yau nan ye, dom urang roh duah njauk yam tapa dom kan kandah meda gaok dalam dom mbang ngak iek di harei hadei.

Dom urang halei daok njauk stress atau gaok bruk gah hatai sahneng saong khin langyah... meda vaih tame rivang“ balik he” di ban ine Madrid di Tây Ban Nha. Balik hu caik rilo pandap siam piah dong tuai he , xả stress atau yam tapa dom bruk oh lagaih gah hatai sahneng. Urak ni, dalam yaok 10 dam dara Tây Ban Nha ye hu sa urang mboh lac njauk ruak gala, dalam tuk 5,8% urang ruak  duh hatai. Kayua yau nan ye, meng di tuk tabiak mbaok “balik he” hu biak rilo tuai duah tal. Rajaei Tây Ban Nha dok jhul pakhang bruk iek glang pren yava hatai sahneng ka bhap bini. Adit dahalau , Thủ tướng Tây Ban Nha Pedro Sanchez khan lac bruk dong iek glang pren yava hatai sahneng hu yaom 100 triệu euro, dalam nan hu dom janih dịch vụ yau jalan talei phone dong 24 tuk./.

Urang lang: Hanipha- Thu Thảo -23/10