Karja ban Hà Nội dut iek khí thải radaih patuh

Tapa pasang iek di 6 tỉnh, pataom abih harak pathau khan di 40 tỉnh, ban saong harak pathau khan di Ủy ban bangsa brei mboh dom sang kathaot viek samu  5% dom sang kathaot, dom sang kathaot bahrau tamuh tabiak samu labaih ¼ dom sang kathaot. Ủy ban ka brom bruk xã hội di Quốc hội hu panuac caong rajaei tui viek pasang iek, pataom veik sarak, prein yava jien padai, patagok bruk mbang tui sarak di sang kathaot, sang jaik kathaot, sang bahrau tabiak truh kathaot. Gam tui di nan, hu jalan daong dahlau dom sang kathaot lac sang hu buh prien ka cách mạng, khik  sang hu urang buh prien ka taneh ia hu raidiuk samu atau glaong jang raidiuk di bhap bini daok pak nan.

Meng sa sang iek ruak sit sot, pandap panda klak, menuac ngak takik saong kurang ilamu, meng hu bruk daong di Rajaei, di sang iek ruak pakat angaok, bruk sangka daong ba di tỉnh saong abih di nyu nan lac bruk kham merat di kapol urang y, bác sĩ, dalam 5 thun tapa, Sang iek ruak Đa khoa tỉnh Ninh Thuận hhu ralo salih birau. Harei ini, Sang iek ruak Đa khoa tỉnh hu 1.000 gaiy laneng ndih iek ruak; 36 khoa, jabat, hu 9 bilik chức năng, 7 khoa cang jru ruak, 20 khoa ndih taong ruak saong 5 đơn vị jru ruak, dak harei dak pabak hu bruk iek ruak ka bhap bini. 5 thun dahlau, Sang iek ruak Đa khoa tỉnh Ninh Thuận hu 600 urang jakar min, dalam nan hu 100 bác sĩ, tal urak ini hu labaih 1.000 urang jakar, viên chức, dalam nan hu labaih 200 bác sĩ chuyên khoa II, chuyên khoa I ilamu naih joi. Sang iek ruak Đa khoa tỉnh Ninh Thuận lac labik hadah krah dalam bruk pakacah gauk anit ranam taneh ia 5 thun (2015-2019) di tỉnh saong hadah mbaok metai hu tame Nyaom roya pakacah gauk anit ranam taneh ia pakat negar mbang X anak tal. Sang iek ruak daok kham merat ngak bruk piah jeng sang iek ruak dhi I di puac thun 2020.

Karja ban Hà Nội hu brei bruk ka dom Sở Tài nguyên - môi trường, Jalan mbak pajeng ba, Jien padai haong dom quận hu pambuak tal njauk gauk ka bruk ngak iek, dut iek khí thải radaih patuh saong daong salih radaih klak mek radaih bahrau piah pathau khan UBND ban HN dahlau di harei 15-9. Tui nan, tuk bhap bini ba radaih mai dut iek khí thải ye hu daong pandap yaom 300.000 đồng. Daok urang halei khin salih radaih, tui kuhria hu daong 2-4 triệu đồng. Sa danak dak dreih yau nan jeng pamaong tal bruk patrun khí thải ngak brei nerak langik tasik daok hu ngak di ban raya HCM. Min jalan ngak di TP.HCM lac pachreih pataom mek radaih klak oh siam, oh salamat piah pasang iek khí thải. Gah ngak radaih meda mek veik radaih saong daong pabak  ka bhap bini, oh lac salih radaih.

Tame thun bac birau, Kadung jien daong uranaih tỉnh Lâm Đồng hu alin 100 triệu đồng daong ka dom anek saih sang kan kandah di Sang bac Tiểu học Đưng Knớ, xã Đưng Knớ, huyện Lạc Dương, tỉnh Lâm Đồng. Sang bac tiểu học Đưng Knớ  hu 285 anek saih, dalam hu labaih 90% dom adei bangsa takik. Ini lac bhum atah bayah, rilo kan kandah. Baoh sang kathaot ralo yau nan ye bruk nao bac di dom adei gaok biak rilo kan kandah.

Nhà văn Vũ Tú Nam metai di Hà Nội di umur 92; Harei rivang, pahadar saong ba nao kubo nhà văn Vũ Tú Nam rah tabiak di dah page ni 12/9 di sang ngak ndam metai pakat negar labik ka 5 jalan Trần Thánh Tông (Hà Nội). Dalam bruk vak văn chương, nhà văn Vũ Tú Nam hu ngak ka urang puac tapuk kanal hadar tapa rilo truyện, ký yau ye: "Tapen jalan 12", "Quê hương", "Bhap bini yam tagok”…Ong jeng lac sa urang vak rilo ka uranaih, hu kadha hu ba tame pato dalam sang bac. Meng dom rik daong ka bruk cak rok patagok văn học Việt Nam, nhà văn Vũ Tú Nam hu pok brei Giải thưởng kanja ka Văn học Nghệ thuật thun 2001.

Tổng thống Mỹ Đô-nan Trăm (Donald Trump) khan lac, ong thau virus SARS CoV-2 ngak metai manuac saong njom mbak yau halei min oh khan brei  urang Mỹ thau kayua oh khin ngak urang huac, having havang. Tổng thống Đô-nan Trăm njauk urang pakacah tame ngak Tổng thống anak tal di Đảng dân chủ lac Giâu Bai-đơn ndem puac lac rajaei ngak bruk suai damuai anak jit Covid-19. Mbiah tal urak ini, ông Đô-nan Trăm oh taduan bruk ngak di drei kayua oh trun hu bruk urang metai di Mỹ  tuk tagok tal jaik 200 ribau urang, yaom lac bruk urang metai bhian hu dom urang ilamu brei thau dahlau meng mô hình.

Pasak ruak Ung thư negar Nhật Bản (NCCJ) bahrau peih danak dak pambuak bruk haong 5 negar Đông Nam Á (lac Việt Nam, Malaysia, Thái Lan, Indonesia saong Philippines) piah ngak jru taong ruak ung thư saong dom jru bahrau karei piah taong ruak siam jang ka dom urang ruak. Langiu di nan, danak dak hu angan Atlas ni daok piah daong dom jalan taong ruak ka dom urang ruak ung thư kan mboh, daong ka dom urang ruak di dom taneh ia ini hu iek ruak tui jalan bahrau. Tui NCCJ, urak ni rilo negar dalam bhum Đông Nam Á jeng daok kurang gah y tế piah taong ruak ka rilo urang ruak ung thư kayua bruk tagok rilo menuac sia saong cak rok patagok kinh tế.

Thủ tướng Đức Angela Merkel saong Tổng thống Pháp Emmanuel Macron sahaneng yau gauk lac dom taneh Liên minh châu Âu (EU) meda taduan labaih 400 uranaih dam dara meng labik tị nạn Moria birau njauk apui khuah di Hy Lạp. Labik tị nạn  Moria biak jhak tuk labik nan njauk apui khuah abih. Labik ini hu padang tạm ka labaih 3.000 urang, min biak di nyu hu tal labaih 12.000 urang tị nạn daok. Tui dom urang ngak praong di Hy Lạp, dom urang tị nạn di labik ini ngak brei apui khuah tuk camereip saong hadei di nan pui khuah pambak praong./.

Urang lang: Thu Thảo – Ái Nghiêm – 12/09 08:00:25