Urang Cam tui rilo Yang, pambuak pagam haong tasik, yau nan ye urang Cam thờ Po Riyak, Yang Tathik. T trun tasik ndik glai gaok ralo cuang kandah, mikva urang Cam tuk halai jeng caong tame Yang tasik daong pacang. Sap ndom yaok harei bhian lac yau nan, dalam ilamo nghệ thuật Chăm tasik hu mboh veik biak cambaih laih. Tui ong Bố Xuân Hổ, urang Cam hu ngak tabiak dom ragam tamia dreih yau bruk ngak mbang ngak huak yaok harei, yau: katung njuan, nao tasik, parah jan, ndua buk,… piah duh ka dom adat cambat saong ka rai diuk ilamo tinh thần di drei. Saong tamia lac sap ndom di urang Cam payua nao tal po yang, jeng yau dom caong khin di drei tapa dom ragam tamia nan. Urang Cam hu 80 ragam tamia samu haong 80 po yang di drei, dalam nan hu ragam tamia Vakgaiy Pô Tang Ahaok.

Langiu di ragam tamia bhap bani, dalam dom kadha daoh bhap bani Cam jeng brei mboh rai diuk di urang Cam meng kan hu pambuak pagam haong tasik. 

Panuac daoh lai la-ar, bak makna pok meyaom urang nao tasik khik iek chủ quyền pulao tasik tuk halei jeng ngak ka urang pang mboh drut droi saong mboh hu bruk tari tareng ngak mbang, ranam tasik. Nan lac panuac daoh dalam kadha daoh bhap bani Cam “Mek jan”.

Urang Cam anit ranam tasik, takre nao tasik min jeng mboh huac tuk tasik "kateik drei". Kayua yau nan ye, tuk tabiak tasik, kadha oh kurang hu nan lac adat hạ thủy ghe gilai ngan haong dom pandap paling yang saong bài phù chú. 

  Meng blaoh nan lac panuac meroi trun gilai. Yaom lac urang Cam oh daok nao tasik tra, min jeng daok khik talei pambuak bruk khang kajap haong urang nao tasik lac urang Yuan meng bruk ngak adat trun gilai ka urang Yuan. Urak ini di Ninh Thuận jeng daok khik adat cúng po riyak, yang tasik hu brei mboh ilamo gheih mekre meng kan mai dalam hatai jia di bhap bani Cam.

Urang Cam daneiy angan haong bruk padang ngak bimon kalan meng kiak cuh, hu dunya thau tal ngan haong padai Chiêm katut harei, atau lac bangsa hu padang ngak jalan ba aia tame hamu biak hiện đại, min bruk nao tasik nyu ngak jeng ilamo tasik gheih ghang dalam rai diuk di bangsa Cam./.