Urang gaok bala hu ba tame cap cuu di sang iek ruak 

Bruk klauk biển báo, biển tacei pato nao mai bal glai bal klo hu rah tabiak rilo thun tapa angaok rilo canah jalan. Di bal raya, sap janih  biển báo, biển tacei pato jalan nao mai, baoh ini pacang baoh diah mboh biak rilo. Taphia di nan, dom  biển phụ hu mek pagam biển báo, pakauk oh brei nao ngan haong radaih taxi tui tukvak, menyek bhong nao tapak, atau brei vaih gah hanuk, gah iuw min pakauk oh brei pa-yeng akaok..vv.. daok ngak ka urang nao mai angaok jalan mboh having akaok. Sa urang nao jalan duh hatai ndom lac:

"Biển báo angaok jalan kateik angaok gauk kan si mong mboh abih, biển biak sit. Yau jalan vaih tame mblang kapal haok Nội Bài canah tapa tatua Đông Trù biak sit kan mong iek hu".

Biak di nyu, biển tacei pato jalan nao mai, biển meyah khan hu jao ka rilo pakat, rilo ngành karei gauk peih ngak. Jalan tỉnh lộ hu jao ka puk palei, jalan roya kaya Tổng cục Jalan  mbak Việt Nam khik iek. Dalam bal, dom biển báo saong biển tacei pato jalan nao mai kayua Sở pajeng ba nao mai khik iek, vỉa hè, jalan sit kayua quận, huyện padang caik biển tacei pato, băng rôn meyaih khan kayua gah ilamu dang ngak. Ini lac makna ba tal bruk tamuh bak biển báo, biển tacei pato yau urak ini.

Quy chuẩn 41 bahrau pandar ka taong abih dom canah jalan meng jalan roya, tỉnh lộ tal pakat xã, jeng yau tiêu chuẩn dunya bo Việt Nam hu mbaok tame, dom jabat peih ngak bruk padang caik biển báo njauk ngak tui quy chuẩn. Yau nan min, meng rilo thun ini mai Quy chuẩn 41 jeng oh ka hu peih ngak biak biai, kadha pambuak bruk di dom pakat, dom gah piah peih ngak njauk tui quy chuẩn daok tavak tave. Jaik di ini, manuac sia biak duh hatai ka bruk nao radaih kadul likuk, gaok tuk mai nao cagar jala angaok jalan cao tốc. Yau ye bala pandik harao di angaok jalan Cao tốc Hà Nội- Thái Nguyên kayua peih radaih nao kadul likuk, ngak ka 5 urang metai, 5 urang njauk rambuis. Sa urang hu mbaok nao mai angaok jalan brei thau hatai saneng di drei:

"Angaok rilo canah jalan cao tốc biển báo cih vak địa danh yau angaok canah Pháp Vân- Cầu Giẽ vak tanut pagam Vực Vòng, Liêm Tuyền ngak kan thau, njauk di nyu vak tanut pagam Đồng Văn, Phủ Lý…. Atau yau tanut pagam nao tame bal Yên Bái vak lac Văn Phú ngak ka rilo urang oh thau nan ye rah tabiak bruk radaih kadul likuk, atau nao cagar jalan".

Tổng cục Jalan mbak Việt Nam bahrau hu harak pandar dom Sở, Cục khik iek jalan mbak, dom Ban QLDA, urang buh jien tame ngak BOT peih ngak Quy chuẩn negar ka báo hiệu jalan mbak. Tui nan, brei thau biển báo, vạch sơn, brei khik tamo tui quy chuẩn daok pandar, min ramik veik tui jalan cambaih laih jang, patrun bruk saneng meluk, saneng oh njauk, taphia di nan pataom mek dom kadha dom bruk bahrau tamuh tabiak. Ong Vũ Ngọc Lăng, Akaok Vụ An toàn giao thông (ATGT) Tổng cục Jalan mbak Việt Nam, brei thau:

"Dalam Quy chuẩn 41 brei thau biak rilo biển báo, khaol drei sangka tal biển báo tacei pato địa danh piah ka urang nao mai angaok jalan klah di meluk. Địa danh jalan quốc lộ njauk pandar angan bhian randap  hu rilo menuac thau, juai pandar địa danh tok hu sa nyaom urang thau. Biển báo njauk brei thau cambaih laih gaok mai njauk khan gilac 2-3 mbang anak jalan tabiak piah plaih di meluk, gaok mai nao kadul likuk. Khaol dahlak hu dom harak tacei pato ka dom puk palei". 

Quy chuẩn 41, ramik pasiam pabak di thun 2019 bahrau hu ba tame pandar meng harei 1/7/2020, min tal urak ini jeng oh ka hu dom jabat pagam tal peih ngak siam. Bruk suai peih ngak samu gauk Quy chuẩn 41 oh lac tok ngak ka urang peih radaih kan si thau adat hukum hu tacei pato angaok biển báo, ngak kan kandah ka gah chức năng tuk xử lý urang ngak suan bo daok mbuan ba tal bala angaok jalan mbak nao mai./..

Urang lang: Jasi -11/10