Dahlak oh ka hu mbang halei nao tal sa puk palei bhum glaong halei yau ini. Dahlak takre taom gaok menuac sia saong duah thau ka ilamu. Dahlak hu bac megru biak rilo kadha; hu mboh bruk ngak mbang, ngak huak di menuac sia pak ini; hu maong lingik tasik, taneh riya,ceik glai jeng yau athur raong di labik ini. Dahlak jeng hu mbang var melam dom pandap mbang di palei; po sang biak sangka iek glang khol dahlak; khol dahlak mbang menyum saong urang labik ini melam blaoh. Biak thau dhar phol hu ba mai ka khol dahlak dom bui sambai yau ini.

  Ini lac panuac khan di sa-ai Nicola Robeet, urang tuai kumei mai meng negar Anh tuk hu rivang iek dom palei ilamo dulich di dom tỉnh bhum Tây Bắc. Oh lac ta-eng sa-ai Nicola Robeet, bo rilo tuai damuai, dalam nan hu tuai negar langiu saong tuai dalam taneh ia thei jeng takre yau gauk, bui sambai tuk drei hu tame rivang iek saong hu ba drei tame ilamu di bhap bini pak nan.

 Thau lac dulich bhapbini lac janih dulich pachreih hu rilo tuai damuai di Tây Bắc, dom thun tapa, dom palei dalam bhum hu padang ngak Danak dak patagok dom palei ilamu dulich, kham ngak piah yaok thun taduan hu meng 20 -30% dom tuai mai Tay Bac. Pagap yau Điện Biên –bhum taneh hu rilo inem krung jayak Đien Bien Phu tatuan megei baoh taneh, gam saong rilo ilamu hadah krah di bangsa hu samar cakrok janih dulich bhapbini pambuka saonmg sajayak dakrai. Tapa bruk ngak mboh hu siam mekre njauk uan tabuan. Ong Đoan Van Chì,  Phó giám đốc Sở Văn hóa – Thể thao và Du lịch tỉnh Điện Biên brei thau: Labaih 10 thun dahlau, tuk pahadar 50 thun jayak ĐBP, Sở hu biai likau tỉnh daong jien buh tame ngak dom palei ilamu piah patagok bruk dulich. Tuk nan, tỉnh hu buh jien padang ngak hu 8 palei ilamu. Tapa labaih 10 thun khik ramik saong patagok bruk dui pachreih tuai damuai mai rivang dom palei ilamu, khol dahlak mboh ini lac bruk njauk caik hatai sangka patagok. Kayua yau nan ye, khol dahlak likau tỉnh brei padang 10 palei ilamu tra. Urak ini, dom palei iamu ini hu peih ngak  ye. Khol dahlak caong lac hadei di tuk dom palei ilamu ini hu padang ngak njauk yau bruk ba tabiak  ye meda rik daong oh sit tame bruk dui pachreih tuia mai rivang Dien Bien.

 Hu 30 bangsa adei sa-ai daok diukrai, Yên Bái jeng mek bruk dulich cộng đồng - sa janih dulich daok biak birau di Viet Nam lac sa dalam dom janih dulich di tỉnh. Meng bruk dulich cộng đồng akok meti  thun 2005 di palei  Ngòi Tu, xã Vũ Linh, huyện Yên Bình hu 10 baoh sang tame ngak, mbiah tal harei ini, hadei  di 10 thun tame ngak, dulich cộng đồng hu cakrok tal grauk dom puk palei hu labik mekre saong hu yaom glaong ilamu di tỉnh ngan saong 120 baoh sang ngak dulich bhap bini. Tui mikva labik ini, dulich bhap bini oh lac paglaong raidiuk ka mikva  puk palei, bo daok rik tame bruk khik ramik saong patagok ialmu meng kan di bhap bini dom bangsa.

Sa-ai Hoàng Thị Loan bangsa Thái, sang ngak dulich di palei Sà Rèn, xã Nghĩa Lợi, ban sit Nghĩa Lộ, tỉnh Yên Bái brei thau, yaok bilan, sang sa-ai tadaun hu 100 mbang urang mai mbang, mai ndih daok, padeih padei, rivang ma-in. Mai  tal ini, tuai hu duah thau dom adat cambat tanarakun, hu maong iek lingik tasik gheih mekre, hu tam padai, yuak padai, mbang menyum dom pandap mbang di palei yau: ndiuk 5 sambo mau, dom janih rilo pambu thu saong njam glai; hu daoh saong tamia xòe haong mikva urang bangsa. Sa-ai Hoàng Thị Loan brei thau: Lac sa baoh sang ngak du lich cộng đồng, khol dahlak kham duah saong khik ramik dom pandap mbang di bangsa piah yaih khan saong tuai tuk mai rivang palei, rivang sang dahlak. Dom pandap mbang bangsa Thái di khol dahlak hu tuia biak takre, mbang blaoh hadar miat

Sa kadha njauk uan tabuan lac bruk ngak dulich cộng đồng daok mai kein laba saong lac jalan nao njauk di bhum Tay   Bac, tuk thun 2017, bhum Tây Bắc peih praong hu tal 3 dalam 5 đơn vị homestay di Việt Nam meh hu giải thưởng ASEAN, nan lac homestay Tả Van Giáy 1 (palei Tả Van Giáy, xã Tả Van, huyện Sa Pa, Lào Cai); Cụm homestay xã Mai Hịch (palei Hịch 2, xã Mai Hịch, huyện Mai Châu, Hòa Bình); Dao homestay (palei Nặm Đăm, xã Quản Bạ, tỉnh Hà Giang)./.