Di bhum Tây Nguyên, urak ini daok caong pah hu rilo menuac paik cà phê  kayua daok tame bilan paik ca phe. . Anak meta mboh lac yau dom thun dahlau, thun ini urang pala cà phê di Tây Nguyên daok dang anak bruk kan duah hu menuac piah pah paik ca phe saong njauk urang pah kateik yaom tagok. Urang vak Khoa Điềm brei thau ka bruk ini di huyện Đăk Hà, tỉnh Kon Tum, labik hu labaih 8.400ha cà phê, dalam nan labaih 5.500ha daok dalam tukvak paik pablei.

Meng dom harei puac bilan 10, di dom xã pala phun cà phê, yau Hà Mòn, Đăk Mar, Đăk Hring, ban sit Đăk Hà… dalam huyện Đăk Hà, tỉnh Kon Tum daok tamuh tabiak dom darak urang ngak pabak ka bruk paik cà phê. Sang hu jaik 3ha cà phê, thun halei jeng pah menuac paik, ong Đào Xuân Liêm, palei Thống Nhất, xã Hà Mòn brei thau, bahrau tame bilan paik bo yaom pah daok tagok meng 75.000 đồng tal 80.000 đồng ka 1 tạ baoh that: “Menuac nao ngak pah urang daok tagok yaom. Tagok yaom min dom sang pala rilo ca phê njauk pah. Sang hu rilo menuac ye ba gauk paik, daok sang pala rilo min takik menuac ye njauk pah tui yaom urang ndok”.

Piah paik jaik 1.700ha cà phê, lingiu di mennuac dalam sang, labaih 1.200 sang pala ca phê di xã Hà Mòn, huyện Đăk Hà caong pah labaih 1.300 urang ka bilan paik ini. Tui yaom pah 80.000 đồng sa tạ baoh that yau urak ini, meyah yaok harei yaok urang paik hu meng 6 tal 8 tạ baoh, ye jien pah yaok urang lac labaih kurang 500 ribau đồng. Gam saong bruk bayar jien pah ka urang paik ca phe glaong yau nan, pô bein daok brei ndom biai bingi pang haong urang paik, saong brei pachreih ba, pok meyaom tra.  Ong Nguyễn Thái Lâm, Phó akaok UB bhap bini xã Hà Mòn, brei thau: Pô bein brei ndom biai bingi pang haong urang paik. Tuk paik bloh nao sang jeng hu pandap ini pandap daih alin ka urang piah urang pachreih ngak ka drei. Daok meyah pô bien ndom biai oh njauk hatai ye urang klaak nao. Bruk ini lac biak kan ka urang pô pah menuac paik ca phe. Lingiu di nan, hu sang caong paik ka nyu salah samar nan ye urang pah tui nan bo ndok tagok yaom.

Piah hu ginup menuac paik labaih 5.500ha cà phê, plaih bruk kurang menuac saong ndok tagok yaom, meng puac bilan 9, UB bhap bini huyện Đăk Hà hu kuhri kuhria ka bruk ini. Dalam nan hu panuac pandar UB bhap bini dom xã, ban sit caong hu menuac paik jeng ye pabak menuac paik, njauk pambuak bruk khang kajap piah khik caga an ninh puk palei, khik hu kein laba ka dom gah. Lingiu di nan, karja  palei jeng hu padang yaom pah menuac paik cà phê piah bhap bini hu thau. Tui nan, di labik taneh samu tapak, nao mai dalam 5km, yaom pah lac 80.000 đồng sa tạ cà phê that;  di labik mbuan ceik hu độ dốc 20%, cnao mai meng 5 tal 10km lac 85.000 đồng; labik mbuan ceik hu độ dốc meng 30% trở lên, nao mai meng 10 tal 20km lac 90.000 đồng. Yaom lac kuhria mboh dahlau, min tui ong Nguyễn Tường Thắng, akaok jabat ngak nong saong patagok palei pala huyện Đăk Hà, bruk pah menuac paik cà phê thun ini jeng daok gaok biak rilo kan kandah: Menuac pah paik ca phe vụ ini jeng daok kan kandah, kayua dom thun dahlau, hu menuac meng gah brak tame, meng bhum taneran tagok. Min 2 vụ meng bloh, di bhum taneran saong gah barak hu rilo công ty, doanh nghiệp taneh ia lingiu pah urang ngak, nan ye menuac meng dom labik nan mai ngak biak takik. Thun ini mboh lac daok kan kandah. Yaom pah urang paik di Đăk Hà thun ini meda trun tagok meng 80 tal 90 ribau đồng ka sa tạ that, glaong jang thun bloh”./.