Urak ini bruk test samar biak mbuan, bhap bani meda eng drei ngak test samar di sang

Tui dom urang ilamu gah y tế, test samar tuk urang njaom ruak dalam tukvak ruak tamuh khang di abih, mbuan ba tal njaom mbak. Nan lac, meyah tapa test samar mboh dương tính ye bruk njaom mbak lac biak glaong, saong urang ini mbuan njaom mbak khang ka urang karei.

Yau nan min, test samar bhian oh mboh hu urang bahrau njaom atau hu njaom tapa Covid-19 min abih blaoh, ini lac kadha lagaih di test samar dut haong jalan dut iek RT-PCR. Di phương Tây, labik hu cúm mùa daok tamuh, test samar meda brei mboh dương tính ja, nan lac urang njaom sa janih virus cúm mùa karei, oh njauk lac nCoV.

Langiu di nan, RT-PCR  lac "tanut ameh" piah duah mboh  Covid-19, hu pandar piah ba tame sang iek, taong ruak saong hu makna gah adat hukum ngan haong dom urang blei bảo hiểm. Yaom lac yau nan, meyah test samar mboh lac dương tính, urang ini njauk sahneng lac drei F0 saong njauk daok karei di sang, khan brei ka dom pasak y tế thau piah hu jalan langyah patui di nan.

Urak ini bruk test samar biak mbuan, bhap bani meda eng drei ngak test samar di sang tuk mboh yau njauk Covid-19, abih di nyu lac pandiak, patuk, kan suak yava, atau taom gaok haong F0, atau dom menuac mboh yau njaom ruak. Ngan haong uranaih bhian hia caok ye urang dalam sang njauk caik hatai jang, atau dom urang daok nduac darah idung ye drei jhui  ngak chip.

Urang mboh yau njaom ruak meda eng drei mek mẫu ka rup drei, meyah oh mek hu jit tỵ hầu, ye mek jit di idung jeng hu.

Meyah mek daong ka urang karei dalam sang, menuac mek mẫu brei hu harum tangin, siuk pabang mbaok, kreih pacang aia parah, meyah hu khan ao pacang khik rup pakat 1, pakat 2 ye dak siam piah plaih njaom mbak. Piah khik siam mekre ka urang mek mẫu, menuac hu mek mẫu njauk cuk siuk pabang mbaok pacang cambuai, tok mblo idung. Urang mek mẫu dang sa gah urang medhil lac njaom ruak, plaih bruk urang nan dhung phar tapak mbaok. Tuk mek mẫu blaoh, rao tangin meng cồn 70 độ piah pametai anek ruak. Hareik klaak hadei di tuk mek mẫu njauk buh abih tame kadung nilon, kak khang kadung caik karei tame dhung hareik y tế.

Yaok bộ test kit hu gai mek mẫu, klaok dung dịch saong khay thử. Bruk mek jit  di tarakon hu ngak yau ini, ba gai njuan njac tame tal tuk mboh lac gaok tỵ hầu ye padeih, pa-yeng dhan mbaik gai meng 5 tal 10 vòng blaoh suak tabiak. Klauk mbaik gai tame klaok dung dịch, tanuak klaok veik, atau tapat catang  pabah kalaok veik, pa-yeng dhan 5-10 vòng, blaoh tanjaoh dung dịch tame khay.  Meng 15 tal 30 minit ye brei thau kết quả.

Jalan puac kết quả: Khay test brei mboh vạch C (control), meyah oh yau nan lac drei test suan, njauk ngak veik. Meyah khay tok brei mboh vạch C (sa vạch) lac âm tính, urang ini oh njauk Covid-19. Meyah khay brei mboh dua vạch lac vạch C saong vạch T (test), ye lac urang nan dương tính, urang nan meda  njauk Covid-19 saong samar drah brei daok karei di sang, khan brei y tế puk palei thau./.

Urang lang: Jasi – 09/09