Meng hatai caong oh caik ka bhap bini halei eik lipa dalam tuk Tet thun anek sah manuk 2017, karaj dom pakat saong dom gah chuc nag dalam tinh Kon Tum daok kham merat pasang iek, duah thau, padang angan dom baoh sang njauk daong. Di dom huyen bhum atah bayah, bhum ceik car hu rilo urang bangsa takik daok hu rilo baoh sang kan kathaot yau Kon Plông, Tu Mơ Rông, Đăk Glei, karja palei hu brei urang jakar xa nao tal yaok baoh sang, duah thau  raidiuk yaok sang piah ba tame  angan daong lisei huak, khan ao cuk klah la-ar payua brei karaj saong gah chức năng. Ong Lam Quang Huy, Akok UB bhap bini xa Đăk Rơ Ông, huyện Tu Mơ Rông brei thau, oh brei kurang urang oh hu daong, karja xa hu pasang iek rilo mbang, gam pasang iek nao mai di 9 palei, nan ye dom baoh sang njauk daong tuk Tet biak tantu, cambaih laih: 

“Urak ini, khol dahlak hu 77 baoh sang ngan saong 599 urang njauk  daong tapa iek  dalam tuk Tet. Brah mbang dalam tuk Tet hu daong sa bilan. Daok tapa eik tuk jaik si yuak ye daong 128 baoh sang ngan saong 748 urang. Daok dom baoh sang dalam sarak karja hu daong di pakat angaok. Khol dahlak brei pasang tal yaok baoh sang nan ye jia lac Tet ini oh hu baoh sang halei eik lipa, kurang mbang, kurang khan ao ngui cuk.”

Tui kuhria mboh di Uy ban Bhap bini tỉnh Kon Tum, Tet thun anek sak manuk 2017, karaj palei khin hu labaih 16 tỷ đồng piah daong ka dom baoh sang kan kathaot saong jaik kathaot mbang Tet. Anak bruk kadung jien karja tỉnh hu takik, karja saong kapol nyaom dalam tỉnh daok jak ba dom gah tame daong.

Tỉnh Ninh Thuận hu kaoh tabiak meng kadung jien karja tỉnh labaih 13 tỷ đồng piah alain hadiah pandap saong daong jien ka 56.680 urang di sarak karaj, nan lac dom thương binh, baoh sang urang liệt sĩ, baoh sang kan kathaot, urang bangsa takik kan kathaot, urang hu daong bảo trợ xa hoi lac urang taha 80 thun tagok; uranaih metui medhar saong urang taha daok hu raong di dom labik. UB bhap bini tỉnh Ninh Thuan hu jao bruk ka dom urang di UB bhap bini tỉnh saong dom Sở ban ngành padang dom kapol nao rivang saong alin hadiah  pandap ka mikva bhum gaok bala kayua langik tasik. Langiu kadung jien di tinh, dom gah, dom palei, mat tran dom pakat daok jak ba dom doanh nghiep dalam saong langiu tinh yaok ribau paok pandap karei piah daong Tet ka bhap bini dom bhum kan kandah, bhum ceik, bhum atah bayah dalam tỉnh.

Birau ini, Kapol urang nong ban raya HCM pambuak bruk saong Rayo papar binguk ban raya peih danak dak “ Tết ngak pahala” xuan thun anek sah manuk 2017 piah iew bruk rik daong di bhap bini piah daong urang ngak nong kan kathaot uan raok Tet dalam bui sambai…8 thun tapa, danak dak Tet ngak pahala jak ba hu labaih 62 tỷ đồng. Meng kadung jien nan hu ngak labaih 1.190 boah sang anit ranam ka urang nong kan kathaot oh ka hu sang daok, labaih 3 ribau kuang padang ia, yaok rituh ribau the BHXH…

Thun ini, danak dak kuhria  jak ba ka pahu 6,3 tỷ đồng piah daong ka 5 ribau 600 baoh sang urang nong ka kathaot saong labaih 4 ribau baoh sang urang jiak kan kathaot. Dalam nan, daong 150 pandap ngak nong, alin 1.500 paok pandap Tết, 1 ribau 500 paoh jien bac Lương Định Của ka anek kamuan urang nong kathaot…Mbiah tal tuk vak ini, Ban peih ngak Danak dak “Tet ngak pahala” 2017 taduan hu 10 tỉ 502 triệu đồng. Ông Trần Ngọc Hải - Akok jabat lambaok bhum gah meraong Gilang pariak Ngak nong saong Patagok palei pala Viet Nam, sa dalam dom doanh nghiệp daong ka danak dak brei thau:“Thun ini, khol dahlak ngak pahala tapa bruk alin hadiah  pandap, yau sổ tiết kiệm, saong dom paok pandap Tet Đinh Dậu 2017. Ini jeng lac panuac thau dhar phol di gilang pariak khol dahlak ngan saong urang nong, sa dalam dom urang bo Agribank tuk halei jeng nao gam”./.