Phan Duy Phương,  umo 20 thuni, daok di xã Thân Cửu Nghĩa, huyện Châu Thành, tỉnh Tiền Giang, yau rilo urang ngak di Công ty Hoan Vinh, dahlau daih lac urang njeil jru phiel. Meng hu gauk gar ba tame ni b ac jhik, hu po DN pato pakai, cảm hóa, pato bruk ngak, brei bruk ngak, urak ni  Phan Duy Phương hu tani tanat bruk ngak song klak jalan nao suan di drei. Yaok bilan, adei hu jien bilan labaih 6 triệu đồng piah dong ka amaik ame. Ndom ka bruk ngak di Công ty Hoan Vinh, Duy Phương brei thau:

Bruk jhik ni lagaih song adei biak siam, công ty Hoan Vinh biak siam haong adei, duah hu jien tani tanat. Yaok bilan adei duah hu labaih 6 triệu đồng. Anai cei di labik ni anit ranam yau amaik ame. Dahlau deih adei mbang ma-in, mek janeh,  adei biak aih aok hong amaik ame, adei sinya klak abih song hu anai cei ranam lo. Adei cong khin dom urang halei njien jru phiel njauk samar klaak, pasiam veik 

Công ty Hoan Vinh hu padang tagok di thun 2005, jhik gia công pablei tapa darak pasa  Mỹ. Urak ni  doanh nghiệp hu labaih 600 urang ngak, dalam nan hu jiak  100 urang ngak lac dom urang dahlau deih  njien jru pheil , klauk ma túy, dam dara klak bac . Gam song nan lac dom likei kamei njauk tai nạn lao động, njauk jaoh jo… Ngan song dom urang njien jru pheil tame ni hu po doanh nghiệp kham merat pasiam veik, pato pakai meng hatai  anit ranam; peih bruk pato jhik . Tapa nan hu dong ka rilo adei klaak jru phiel, dom bruk kanjah jhak,  đạo đức siam tagok jeng urang ngak gheih.. Daok dom urang jaoh jo, DN oh phân biệt đối xử, brei bruk ngak lagaih, daong ka urang sahanang hatai ngak bruk, kak kajap suai lavik song DN. Saai   Nguyễn Thị Minh Châu, umo  34 thun daok di xã Phú Kiết, huyện Chợ Gạo jaoh jo di takai tame ngak hu 2 thun ngan song jien bilan labaih 6 triệu đồng sa bilan. Meng hu bruk ngak song jien duah hu tani tanat, saai tok pasang song ngak hu sa boh sang siam mekre.

Meng harei adei tame ngak di công ty Hoan Vinh mboah biak lagaih, rai duik biak siam. Adei hu jien piah dong ka pasang likei iek glang ka adei. Adei nao mai kan kandah ye anai po brei urang ba lisei ka adei huak, adei oh tagok lầu. Anak tal adei kham ba abih pren yava piah dong ka công ty, hu dong ka adei  

Urang dang akaok  Công ty Hoan Vinh mong iek urang ngak yau menuac dalam sang, ba hatai ranam tabiak piah klah rabha, cảm hóa. Meng nan urang ngak ba abih pren di drei kham merat piah  ngak bruk siam ka công ty song ka rup drei. Ong Nguyễn TấnThanh, Akaok Hội đồng thành viên công ty Hoan Vinh lac:

Drei mek dom anek kamuan tame, pato pakai saong iek glang rai duik kol nyu. Dom anek kamuan mboh drei kuhria ka kol nyu yau nan, bloh pabak veik hatai anit ranam di drei, bloh  drei tacei dom anek kamuan mboh bruk kanjah jhak di jru pheil. Tapa nan dom anek kamuan mboh hu tác hại , nguy hiểm ka rup drei song ka xã hội bo ngak siam bruk ngak

Meng hu kapul urang ngak takre bruk ngak, gheih tangin ngak nan ye bruk xuất khẩu pandap jhik  tapa darak pasa  Mỹ  di  công ty Hoan Vinh tuk halei jeng hu siam mekre. Yaok thun, doanh nghiệp tagok doanh thu  labaih 20%, buh tame kadung jien karja  labaih 4 tỉ đồng; kham merat hu mbaok tame bruk ngak pahla, xã hội. Bruk njauk biai nan lac, công ty hu chế độ, sarak  daong urang ngak naih gheih. Yaok urang ngak tuk ngak bruk ka  doanh nghiệp hu 3  thun gam,  hu alin brei  1 chỉ meh 24k dalam tuk tame thun bahrau.  Tuk Tết Đinh Dậu meng bloh , Hoan Vinh hu alin brei abih tih  410 chỉ ameh ka  410 urang ngak bruk naih gheih song ngak bruk  suai lavik dalam công ty, lingiu di nan, doanh nghiệp dok hu brei pandap ka dom urang likei công nhân nao nghĩa vụ quân sự thun ni  song jao  3 boh sang “Mái ấm công đoàn” ka dom urang ngak hu rai duik kan kandah.  Urak ni Công ty Hoan Vinh dok kham merat paglong chất lượng pandap tui jalan meriak gauk; saong daok taduan pato pakai  pasiam, pato bruk ngak, ba bruk ngak  ka dom dam dara hu rai duik kan kandah  , urang nao suan jalan, piah jeng dom urang ngak gheih, duik rai hu kein laba ka xã hội./.