Nai gru Hà Ánh Phượng nan lac sa dalam 10 urang Viet Nam ranaih umo naih gheih thun 2020

  Kapul dam dara Hồ Chí Minh pakat negar, Kapul pasang iek brei giải thưởng Mbaok meta dam dara Viet Nam hadah krah thun 2020 birau peih bruk Ginum biai mbang ka dua palih ruah 10 dam dara Viet Nam hadah krah saong 10  dam dara Viet Nam naih gheih thun 2020. Tui nan, 10 dam dara Viet Nam hadah krah thun 2020 hu palih ruah di dom gah bac megru, roh duah, ngak tabiak  pandap panda, an ninh trật tự, padhih  thể thao, ngak mbang pablei salih padang mbang ngui, ilamu nghệ thuật saong bruk ngak pahala daong ka manuac sia. Tui kuhria, bruk pok meyom hu peih tabiak di harei 21/3 anak tal.

Mesup ni (9/3), Pasak pasang iek ruak kik tỉnh Ninh Thuận brei thau, tapa dut iek  224 urang Việt Nam meng Philippines mai palei  negar daok hu brei dok karei pataom gauk di Ninh Thuận, hu  7 urang dương tính song SARS-CoV-2. Urak ni, pren yava di dom urang ruak oh mboh hagait karei. Dom urang dok veik  dok hu tui iek. Di  Tiền Giang, Sở y tế  tỉnh bahrau mboh 1 urang mai meng  Malaysia dương tính song  SARS-CoV-2.

Page ini, dom kapul di Mintri Bộ Công an, Công an dua tỉnh: Bình Dương saong Đồng Nai peih bruk pasang iek di dua labik tuh xăng Vân Trúc, daok dalam phường Bình Hòa, ban sit Thuận An, tỉnh Bình Dương, kayua pambuak tal bruk ngak xăng ja biak praong di Đồng Nai. Dahlau di nan, công an taong tayah jalan pablei salih, ngak tabiak labaih 200 trieu lít xăng menyek ja, pablei tabiak darak pasar; mbiah tal urak ini hu chap mek labaih 40 urang pambak tal.

Sở Y tế Kon Tum bahrau pathau khan ka  3 urang metai  kayua “ruak takik mboh” di palei Kon Kum, xã Măng Cành, huyện Kon Plong hadei di tuk mbang menyum di harei rija “tết var kubao” rah tabak harei  17/2 di palei ni. Hadei di rija bloh, rilo urang njauk pandik akaok, pandik tain, taglaoh taaok , Urak ni hu  3 urang metai; 3 urang mboh dalam rup dreih yau nan daok hu iek ruak di sang iek ruak, 18 urang hu iek glang di pasak y tế huyện. Gah y tế tỉnh Kon Tum dok tui iek duah thau kayua halei rah tabiak bruk nan.

Meng Tết Nguyên đán mbiah tal ini, bhum tapen tasik tỉnh Bạc Liêu hu mboh anek drum biak rilo, pachreih yaok rituh gaiy gilai mai koa mek drum. Urak ini, urang blei drum that yaom 12.000 -15.000đ/kg, drum thu yaom meng 45.000 tal 50.000 đ/kg. Yaok harei, yaok gaiy gilai chap mek drum duah hu meng 6 tal 9 trieu dong. Ralo drum hu ba nao pablei di TPHCM, dom tỉnh bhum kreh negar  saong pablei tabiak negar langiu.

Tổng thống Mỹ Joe Biden harei 8/3 brei thau bruk 2 tư lệnh bol bala lac urang kamei. Tui nan, tướng Không quân Jacqueline Van Ovost, urang kamei lin duy nhất lac tướng 4 patuh (pakat glong di abih dalam bol bala Mỹ), hu pok ngak akaok Bộ Chỉ huy pajeng ba bol bala. Daok tướng Lục quân Laura Richardson hu palih ruah ngak Tư lệnh Bộ Chỉ huy gah merong iek gah bhum Trung Mỹ song Mỹ Latinh. Urak ni bol bala  Mỹ hu abih tih 11 Bộ Chỉ huy, tong abih jeng kayua dom  tướng 4 patuk pal akaok.   

Harei ini, Akok Mentri Pablei salih Australia Dan Tehan brei thau, ong biak haduh hatai tuk Italia oh brei Công ty jru AstraZeneca pajeng ba 250 ribau mbang jru vaccine tapa Australia. Australia oh kurang vaccine pacang Covid-19 kayua taneh ia ini hu sang mac ngak vaccine, tui kuhria dom vaccine akok meti tabiak rai di puac bilan ini. Yaom lac yau nan, min dalm tuk jit ruak Covid-19 di dom taneh ia jaik taphia Australia yau Papua New Guinea daok tamuh khang, bruk parabha vaccine suai damuai meda ngak kan kandah tal abih bhum taneh ini.

Urang jakar ngak praong gah y tế Hàn Quốc hu panuac lac oh hu talei pambuak gauk halei  di  vắc-xin Covid-19 song 8 dalam 11 urang metai  hadei di tuk klauk jru di negar ni, bo makna di nyu meda pagam tal dom ruak karei hu dalam rup dahlau di nan. Dom jabat y tế Hàn Quốc dok duah jalan patrun  suh sah ka bruk siam mekre di vắc-xin, patagok hadei di tuk dom urang umo taha metai dom harei hadei di tuk hu klauk jru pacang caga./.

Urang lang: A.Nghiêm - H.Pha