Dom adei ndom nyaibiak bui sambai tuk taom gaok gauk 

Jala pandiak harei  1/2/2020, angaok jalan  ĐH47, labik meng sang bac  Tiểu học song THCS Thăng Long tal xã Minh Tân (Đông Hưng), adei  Nguyễn Việt Hùng mboh sa baoh bop  klik. Hùng peih tabiak mboh hu rilo jien. Adei jak dom ayhut  ba tal  Ubbhap bini  xã, gaok Wa  akaok  UBND xã. Hadar veik bruk ni ,ong Nguyễn Văn Ngọc, Chủ tịch UBND xã Thăng Long brei thau: hulin song dom urang hu mbaok  di  UBND xã hu peih iek song ngak biên bản. Dalam bóp klik sambo jnuk  hu  chứng minh nhân dân angan  Đào Xuân Hùng, harak gar di sang iek ruak  song  5.450.000 đồng. Jeng dalam bier harei nan, saai  Đào Xuân Hùng daok di palei  An Liêm, xã Thăng Long, po di baoh bóp nan mai taduan veik . Saai Hùng brei thau: Labaih 5 triệu đồng lac yaom jien prong  di hulin. Duik hulin njauk rambuac trak  kayua gaok bala angaok jalan, dok iek ruak di Hà Nội. Biak patuah hu kamuan  Nguyễn Việt Hùng siam hatai, tapak tapaiy hulin meng oh lihik pok jien nan.

Saai Nguyễn Thị Thắm, amaik di adei  Nguyễn Việt Hùng brei thau: Dahlak nao tam padai, tal melam mai sang pang mehit bruk anek duan hu baoh bóp, hadei di nan ba tagok  UBND xã piah bayar veik ka urang laik lahik. Hulin biak bui sambai kayua anek drei thau ngak yau nan .

Anai gru Phạm Thị Phương Anh, Tổng phụ trách sang bac  Tiểu học song  THCS Thăng Long brei thau: Di sang bac, adei  Nguyễn Việt Hùng lac sa anek saih tari taring, sami samar, abih drei haong dom bruk ngak di sang bac , tal bac . Rsang adei kan kandah , min duan hu pandap di urang ngak laik adei sahneng chip tal bruk bayar veik ka urang. Di sang, adei lac  anek tari tarieng, dong amaik ame rilo bruk dalam sang . Sang bac hu pok meyaom adei anak dom anek saih di sang bac tuk  chào cờ akaok adit, saong hu alin brei adei sa pok pandap piah pachreih anek saih ngak rilo bruk siam  .

Tuk hu tangi sua ka bruk ngak di drei , adei  Nguyễn Việt Hùng brei thau: Kamuan hu pang urang khan ka rilo kreih camin dom saai likei kumei tuk duan hu pok jien prong jeng bayar veik ka urang laik lahik, nan ye kamuan bac tui. Ong muk, amaik ame, cei gru, anai gru jeng hu kakei adei saai khol kamuan  brei tapak tapaiy, oh khin pandap di urang karei. Hu thau, tuk vak tapa, langiu di bruk pato pakai akhar haroh ka anek saih, sang bac Tiểu học song  THCS Thăng Long bhian peih bruk pakacah gauk ngak rabau bruk siam. Bruk ngak di adei  Nguyễn Việt Hùng lac kadha brei mboh ka hatai siam, tapak tapaiy ./.

Urang lang: Hanipha -1/6