Wa Ho rivang urang bol lin

Harei 27/7/1947, “Harei thương binh pakat negar” mbang camereip abih hu peih ngak di taneh ia drei, hadei di nan hu salih angan jeng “Harei thương binh liệt sĩ”. Chủ tịch Hồ Chí Minh hu vak thư payua mBan padang bruk, lac: “Dalam tuk taneh ia gaok kan kandah,  độc lập tự do di taneh ia daok mbuan lahik, hu oh thau hadom bhap bini, urang lin di kol drei haok ralow darah di drei piah khik caga taneh ia, khik caga rahra. Dalam dom urang nan, hu menuac patuah mai veik, yaom lac jaoh jo min daok hu taom gaok veik gauk gar, hu urang oh patuah ndih veik miat miat dalam taneh, haluk. Kayua yau nan ye, taneh ia saong bhap bini brei thau dhar phor bruk var klaak rup drei di dom urang nan”. Blaoh Wa payua 1 blah ao la-an, jien bilan 1 bilan, sa var lisei di drei haong dom urang daok ngak dalam Phủ Chủ tịch, abih tih lac 1.127 đồng, piah daong ka dom urang lin njauk rambus. Wa jia lac “Harei thương binh” yaok thun lac tuk piah ka kol drei brei mboh hatai thau dhar phor dom thương bệnh binh saong gauk gar di liệt sĩ”.

Sarak daong dahlau saong iek glang urang buh prein ka taneh ia lac 1 sarak dahlau hadei oh salih karei di Đảng saong Karja drei meng di tuk Chủ tịch Hồ Chí Minh mek harei 27/7 lac “Harei thương binh liệt sĩ”. Dalam labaih 70 thun tapa, dom sarak, adat hukum brei daong dahlau ka urang buh prein ka taneh ia oh padeih hu pasiam veik saong hu peih ngak piah ka urang buh prein ka taneh ia hu 1 raidiuk siam mekre.

Tal urak ini, dalam taneh ia duah hu labaih 9 triệu 200 rabau urang buh prein ka taneh ia saong  dom urang daok hu daong jien yaok bilan lac 1 triệu 400 rabau urang. Abih tih jien peih ngak Sarak daong ka urang buh prein ka taneh ia yaok thun jaik 31 rabau tỷ đồng. Min urak ini bruk peih ngak sarak daong ka urang buh prein ka cách mạng daok mblo tabiak dom kadha bahrau, brei ramik veik ka nyu siam. Kayua yau nan ye, Mintri Lao động - Thương binh - Xã hội hu panuac likau padang dự thảo Sarak daong urang buh prein ka cách mạng (pasiam veik) piah pasiam veik taong abih, piah salih ka Sarak urak ini, piah lang talaih dom bruk daok tavak tavaiy, saong hu sarak pachreih ba urang buh prein ka cách mạng haong diuk anek gauk gar yam tagok cakrok bruk ngak mbang kinh tế, khik ramik saong patagok ilamu cách mạng pak di labik daok, tame bruk dak padang saong khik caga taneh ia.

Yaok thun, tal tuk pahadar harei 27/7, gam saong dom jak jeng abih gah di bruk salih bahrau, bruk iek glang thương bệnh binh, gauk gar liệt sĩ saong urang buh prein ka taneh ia hu jalan cakrok bahrau, Bruk “Thau dhar thau phor”, iek glang urang buh prein ka taneh ia hu jeng bruk ngak gam gam, praong dalam saong dak harei dak salih bahrau dalam dom pakat ủy đảng, karja saong bol bhap rahra dalam palei.

Gam haong tukvak, meda ndom lac, bruk sangka Đảng saong Karja, bruk "Abih bhap bini iek glang dom sang thương binh, liệt sĩ saong urang buh prein ka cách mạng” haong dom bruk ngak cambaih laih yaok harei hu daong patrun meneing dom pandik harao di mesruh metak, hu daong ka dom thương bệnh binh, sang liệt sĩ haong urang buh prein ka cách mạng dak harei dak tani tanat raidiuk. Dom bruk iek glang siam lagaih, lingiu di bruk klah rabha kan kandah haong urang buh prein ka taneh ia, bo daok hu daong ka dom urang nan hu bui sambai jang piah hu mbaok tame dom bruk ngak kein laba ka menuac sia, yau caong khin di Chủ tịch Hồ Chí Minh tuk daok diuk di dunya./.

Urang lang: M.Phương - 26/7/2020