Anek saih tuk nao bac hu bui sambai sahneng hatai 

Di var ngak bruk haong Hội đồng Bangsa di Quốc hội biar harei 23/12, ong Trần Thanh Mẫn, Ủy viên Mentri Chính trị, Phaok Akok Thường trực Quốc hội hu panuac ieu Hội đồng Bangsa patui bruk duah thau, pataom veik, taong yaom dom kan kandah di jit Covid-19 tal bhap bini dom bangsa, hu panuac daong ka Đảng đoàn Quốc hội piah ba tabiak dom bruk ngak praong ka cak rok patagok  kinh te – xa hoi, pacang caga jit ruak, khik kajap an sinh xa hoi, peih ngak siam dom sarak bangsa tui Sarak 88/2019/QH14 hu pasang iek, brei ngak Danak dak cak rok patagok kinh tế-xã hội bhum urang bangsa takik saong bhum ceik vaktu 2021-2030. Abih di nyu, Tet Nguyen dan anak tal, Hội đồng Bangsa njauk pambuak bruk khang kajap jang haong Kapol urang Quoc hoi dom tỉnh, ban, khik ka bhap bini uan raok Tet dalam siam mekre, salamat.

Thứ trưởng mintri pato megru  Ngô Thị Minh bahrau mbaoh tangin tame harak  payua ka dom sở pato megru  tỉnh, ban ka bruk khik ramik siam mekre pacang caga jit Covid-19 tuk peih bruk rong ba, iek glan, pato pakai uranaih di dom labik pato mầm non. Mintri pato megru cong  dom  sở pato megru  tacei pato dom labik pato mầm non tong yaom tanut siam mekre pacang caga jit  Covid-19,  khik ramik ka nyu lagaih, sami samar, pasang iek siam jit Covid-19. Labik halei pasang iek hu jit Covid-19 brei pathau khan tagok pakat angaok thau chip piah brei anek saih  mai bac veik. Adit bloh, dom sang bac mầm non song tiểu học di ban raya PHCM jeng hu peih bruk mek panuac tangi sua amaik ame ka bruk brei anek nao bac tapak, tapa nan mboh lac dom amaik ame pachreih tui rilo jang. Dalam nan, bruk salamat song caga hatai sahneng ka uranaih dahlau di tuk mai veikl sang  bac hu amai kame caik hatai sangka di abih   .

Noel thun ini rah tabiak dalam tuk jit Covid-19 daok sraw kadau. Kayua yau nan ye, dom xứ đạo jeng peih ngak sit, patak pataom jang dut saong dom thun dahlau. Di tỉnh An Giang, karja palei pambuak saoong dom linh mục, mục sư, dom urang pan bruk agama, ieu kakei mikva uan raok Noel gam khik caga jit ruak hu siam. Giáo xứ Bình Tây, xã Phú Bình, huyện Phú Tân parabha tabiak tukvak ngak adat karei di gauk min oh tapa 50 urang, urang hu mbaok brei klauk ginup dua mbang vaccine. Daok di huyện Châu Thành, lac huyen hu rilo urang Kitô daok, dom Giáo xứ brei peih ngak sit, samar drah, takik menuac. Tui nan, dom linh mục, chức sắc  di dom labik agama di huyen tacei pato urang agama brei ramik ngak mekre labik ka chúa di sang, puh ramik haci hacih sang jalan mbak, puk palei.

Harei pataom ilamu bangsa Mông pakat negar mbang ka  III dok rah tabiak di  Lai Châu meng harei  24/12 tal  26/12, hu mbaok di  11 kapul nghệ nhân, diễn viên, vận động viên. Ngan haong kadha "Khik ramik, patagok  ilamu bangsa  Mông – Samu gauk, jum pataom, ba drei tame song patagok”, Harei pataom ilamu hu labaih  400 diễn viên, nghệ nhân, vận động viên lac urang bangsa Mông di 11 tỉnh hu urang  Mông daok dalam taneh ia mai hu mbaok./. 

Urang lang: Ái Nghiêm -Hanipha- 25/12