Akaok mintri Y tế Nguyen Thanh Long pathau khan pak di mbang nyaom 

Biar harei 16/12, Thủ tướng Phạm Minh Chính, akaok mBan tacei pato pakat negar pacang caga jit COVID-19 dang akaok nyaom biai online haong 63 tỉnh, ban piah ginum biai dom bruk, dom jalan pacang caga jit hu siam lagaih, patui jalan pasiam, ptagok KTXH hadei di tuk dom menuacc njaom ruak dalam bhap bini jeng daok tagok dalam dom harei tapa. Urang dang akaok Rajaei brei thau, bruk njauk ngak di abih urak ini, lac patrun tal tanut biar di abih dom menuac njauk COVID-19 dalam bhap bini, dom menuac ruak trak tagok saong metai. Layua yau nan ye, Thủ tướng ndom lac dom jalan pacang caga jit brei hu ngak yau tacei pato; pacang jit ruak njaom tame, pambak tabiak, abih di nyu lac di dom labik hu rilo labik ngak kong, dom ban praong, pasang iek veik jalan tacei pato, peih ngak dom bruk pacang caga jit; gam haong nan, brei patagok pasang iek, langyah dom bruk ngak suan adat hukum.

UBND Ban raya HCM bahrau hu harak samar drah likau Mintri y te pasang iek, patui bruk daong pabak dom kapul y tế hu mbaok tame pacang caga jit COVID-19 di Ban raya ngan haong 1.000 bác sỹ saong 2.000 điều dưỡng. Langiu di nan, UBND Ban raya daok likau khik veikt bruk ngak di Pasak pasiam viek prein yava di urang ruak COVID-19 di Sang iek ruak Trung ương Huế. Tui UBND Ban raya HCM, bruk njom mbak jit COVID-19 di Ban raya HCM tui kuhria daok tagok, dom urang ruak COVID-19 trak biak glaong. Dahlau di nan, UBND Ban raya HCM jeng hu likau Mintri Quốc phòng patui viek daong manuac ngak ka dom bilai y tế di dalam ban raya. Ban raya caong pabak viek 537 quân y piah daong ka 179 bilai y tế nao mai daok ngak bruk.

Dalam harei 16/12, Tây Ninh hu 867 urang njauk COVID-19 saong ini lac harei 11 gam gam tỉnh ini hu dom menuac njauk COVID-19 labaih 800 urang sa harei. Abih di nyu lac, dalam harei 16/12, Tây Ninh hu dom menuac metai kayua COVID-19 glaong abih lac 19 urang, tui nan, dom menuac metai meng akaok mbang jit lac 460 urang. Anak bruk rah tabiak khang di jit COVID-19, Tây Ninh bahrau tabiak bruk patagok dom jalan pacang caga jit dalam tukvak bahrau. Tui nan, UBND tỉnh ieu peih ngak catang, siam lagaih Sarak 128; patagok pasang iek, duah mboh, langyah dom bruk ngak suan gah pacang caga jit.

Bier harei kabroi, di Pasak papar sap pakat negar, Rayo sap ndem VN hu peih jao jai bruk pacacah “Đảng dalam raidiuk di dahlak” saong bruk pacacah “Ba Sarak di Đảng tame raidiuk”. Piah jhul samar bruk pathau khan dom asal kadha di Sarak di mbang nyaom roya Đảng mbang ka 13 tal dom rai bhap bini, harei 2/3/2921 , Rayo sap ndem VN peih tabiak 2 mbang pacacah nan. mBan peih bruk hu taduan labaih 10 ribau kadha pacacah meng grauk labik dalam taneh ia ngan haong mbang pacacah “Đảng dalam raidiuk di drei” saong labaih 1.000 kadha papar sap hu payua tame pacacah “Ba Sarak nyaom roya Đảng tame raidiuk”. Dom kadha pacacah jeng hu biak rilo asal kadha, thaot binguk ghieh, hu njom mbak tabiak rahra, ngak jeng sa bruk chính trị ka roh duah, bac magru Sarak nyaom roya 13 di Đảng.  mBan peih bruk hu jao 41 jai ka urang dalam nan hu 1 giải nhất, 5 giải 2, 10 giải 3 saong 25 giải khuyến khíchngan haong dom kadha hu mbaok tame pacacah “Đảng dalam raidiuk di drei”. 38 giải thưởng hu jao ka dom tác giả, kapul tác giả pacacah “ba sarak di Đảng tame raidiuk”, dalam nan hu kapul tác giả di mBan Thời sự VOV1, rayo sap ndem VN mek hu jai ameh.

Tui mBan tacei pato pacang caga bala meng langik tasik saong daong duah menuac njauk bala tỉnh Bình Thuận, kuhria tal biar harei 16/12, dalam tỉnh hu 201 kapal taong ikan di kreh tasik gam haong 1.503 urang ngak, 1.059 gilai taong ikan jaik gah gam haong 6.660 urang ngak, 50 ghe gilai pataok di dom mblang saong labaih 100 lồng bè raong kaya ikan. Piah caga pacang rabuk khang Rai meda nao tapa Bình Thuận, gah chức năng tỉnh hu khan brei thau ka ribuk ini tal dom po kapal gilai haong urang taong ikan. Daok angaok baoh taneh, dom puk palei daok caga pacang, tui iek catang bruk langik tasik, hajan, ribuk, glut jaleih, tathuak ia di dom binek, kavei, caga dom jalan khik caga rahra, dom labik praong..

Harei 16/12, Tổng thống Mỹ Joe Biden brei thau lac biến thể Omicron di virus SARS-CoV-2 ba tal jit ruak COVID-19 " daok njom mbak samar jang di Mỹ", tui nan, ong kakei bhap bini samar nao klauk jru vaccine atau nao klauk mbang vaccine paglaong. Tổng thống Biden brei thau cambaih lac vaccine lac sa bruk khik caga glaong di abih piah ka bhap bini plaih bruk njom mbak ruak. Ong kakei dom urang ka oh klauk vaccine, tame bilan laar meda gaok rilo bruk mbuan njom mbak saong metai. Mỹ lac taneh ia njauk kan kandah trak di abih kayua COVID-19 di dunya, urak ini tui kuhria yaok harei hu 1.150 urang metai kayua jit ruak ini.

Urang jakar gah padam pui ban London di  negar Anh brei thau, sa bruk pui mbang khuah di sa palei daok di gah meraong London harei 16/12 ngak brei 4 uraniah metai. Baoh sang njauk pui mbang nan, daok dalam labik Sutton, gah meraong ban ine London. Jaik 60 lin padam pui haong 8 radaih padam pui hu ba nao tal labik khuah. Dalam tuk padam pui, gah padam pui duah mboh 4 uraniah daok gah dalam sang saong ba dom adei nao tal sang iek ruak, min dom adei nan metai di sang iek ruak. Kayau halei pui khuah daok hu pasang iek duah thau.

Mbang pacacah hoa hậu dunya Miss World 2021 brei padieh melam chung kết kayua hu 17 urang njom COVID-19. Makna brei padieh lac piah khik tani tanat prein yava di dom urang pacacah, urang kỹ thuật, mban peih bruk saong manuac sia. Dahlau di nan, bruk ini tui kuhria hu peih tabiak di maong 6 dah page harei ini, 17/12 tui maong Việt Nam.Di mangaok blah cá nhân di drei, Hoa hậu Đỗ Thị Hà – urang lambuak ka Việt Nam pacacah di Miss World 2021 jeng khan brei thau ka bruk padieh pacacah chung kết. Langiu di nan, Ha daok brei thau urang daok ngak Hoa hậu dunya Toni Ann jeng njom COVID-19././.

Urang lang: Thu Thảo -Mousaphuong- 17/12