Harei 8-9, Thủ tướng  Phạm Minh Chính hu tacei pato tapak   Akaok mintri Y tế samar hu jalan ngak njauk tuk, cambaih laih ka sarak dong kapul y, bác sĩ pacang jit. Dahlau di nan, dalam harak payua ka mban tacei jalan pacang caga jit COVID-19 ban raya .HCM, Thứ trưởng mintri Y tế Nguyễn Trường Sơn - Akaok gah thường trực đặc biệt ka pacang caga COVID-19 di mintri Y tế di ban raya .HCM – hu panuac ieu patagok pren dong urang ngak y tế di dom sang iek ruak dã chiến song jak ba urang halan hatain. Ong Sơn brei thau yaok bác sĩ, điều dưỡng yaok harei khik iek meng  140 - 150 urang ruak COVID-19. Urang ruak biak rilo ngak ka bruk iek ruak nyu patrun.

Jalan pacang caga praong lac vắc xin, jru haong hatai sahneng. Bruk mesruh pacang jeng daok min daok dalam bruk hu  hatai jia ba tal jayah. Ban raya HCM daok caga dom jalan ngak piah mai veik raidiuk yau dahlau. Nan lac panuac di Bí thư Thành ủy ban raya HCM Nguyễn Văn Nên tuk nao haong Thứ trưởng Mintri Y tế Nguyễn Trường Sơn saong kapul ngak bruk di Thành ủy ban raya HCM nao ravang Sang iek ruak hồi sức COVID-19 caik di Sang iek ruak Ung bướu ban raya (cơ sở 2, ban Thủ Đức) harei kabroi. Ong jeng thau hu dom kan kandah di dom y bác sĩ, meng mbang huak, ndih daok tal bruk taong ruak, kurang rilo janih saong caong lac dom y bác sĩ di sang iek ruak ba gauk yam tapa.

Gilang pariak karja Việt Nam (NHNN) bahrau batabiak sarak ka 14/2021 pasiam veik, pabak dom paka di sarak ka 01/2020 di gilang pariak karja ka bruk ramik veik tuk vak bayar sre, oh mek laba atau trun jien laba, khik tamo nyaom sre piah dong ka tuai damuia gaok kan kandah kayua jit Covid-19. Tui nan, bruk ramik veik tuk vak bayar sre ka tuai hu dui atah jang 6 bilan dut song dahlau di nan. Bruk oh mek laba atau trun jien laba tui sarak  bahrau jeng dui atah tal abih bilan 6-2022.

UB bhap bini ban raya HCM hu harak brei adat dom bruk pablei salih mbang, menyum, labik pabak bruk bưu chính, viễn thông, pandap tin học văn phòng, pandap ka bruk bac da-a (hu harak adat tut angan ngak mbang, pablei salih) hu brei adat ngak bruk meng mon 6 mesup tal mon 6 biar harei yaok harei min brei pablei ba nao. Dom labik pablei salih ngak bruk tui jalan "3 di labik", tok brei pablei tapa online; menuac jao pandap lac dom labik pabak bruk jao – taduan pandap panda hu shipper khik kajap bruk pacang caga jit.

  Sở jalan mbak pajeng ba (GTVT) Bà Rịa - Vũng Tàu pambuak bruk haong  Sở TT-TT tỉnh song Sở jalan mbak pajeng ba tỉnh Lâm Đồng song Công ty HDT hu padang phần mềm khik iek urang peih radaih  song rilo siam lagaih yau: jabat pajeng ba meda tut angan di sang atau di bilai pasang iek, phần mềm eng nyu bayar kết quả tuk cih ginup khaw tin; dom bilai pasang iek brei quét mã QR piah duah thau  tuk tapa bilai song tuk radaih tapa bilai  nyu  tự động tame angaok phần mềm. Gah chức năng jeng tui iek hu labik tabiak, labik tal, tuk vak tapa dom bilai di radaih jang yau labik pataok, tuk vak dok veik di urang peih radaih song trích xuất dữ liệu tuk khin. Phần mềm khik ramik urang peih radaih ni hu pasiam kan kandah dalam tuk peih ngak phần mềm mã QR bhum hajao di Tổng cục jalan mbak Việt Nam kayua ka oh trích xuất hu dom dữ liệu cambaih laih  song bruk yaok pataom radaih tame tabiak di dom bilai pasang iek jit jeng abih rilo tuk vak kayua pataom tame harak angan di yaok radaih.

Harei 8-9, dom urang ngak praong gah  y tế dunya brei thau SARS-CoV-2 meda diuk hu suai lavik saong daok ngak tabiak rilo biến chủng di dom taneh ia oh ka hu klauk vaccine di angaok dunya. Kayua yau nan ye, bruk caong pametai palahik virus ini daok trun meneing. Njauk thau lac, kuhria tal harei 7-9, biến chủng Mu hu mboh di 46 taneh ia. Min biến chủng bahrau ini jeng oh ka mboh di dom taneh ia Đông Nam Á.

Nhà Trắng brei thau, Tổng thống Mỹ Joe Biden harei ni (9/9) hu khan ka jalan ngak dalam nan hu 6 bruk prong piah pacang veik bruk njom mbak  di biến thể Đen-ta song patagok bruk klauk COVID-19 di Mỹ. Labaih 20.800 rahra di  Mỹ metai kayua COVID-19 dalam  2 adit tapa, tagok labaih  67% dut song 2 adit dahlau di nan. Dom urang njom tagok glong ngak duh hatai dalam tuk uranaih gilac mai sang bac, saong ngak srau kadau dom urang ngak mbang song dom bruk daok kuhria ngak di công ty.

Akaok Ủy ban Olympic dunya (IOC) Tô-mát Bách (Thomas Bach) harei kabroi brei thau, Ủy ban Olympic dunya (IOC) brei padeih bruk lac Ủy ban Olympic negar di Triều Tiên mbiah tal puac thun 2022. Ong Tô-mát Bách langyah lac, Triều Tiên lac taneh ia oh hu mbaok tame Thế vận hội Tokyo. Bruk ini suan haong adat Olympic. Bruk ini jeng hu makna lac Triều Tiên oh brei adat hu mbaok dalam Thế vận hội Bilan brak Bắc Kinh 2022 saong Ủy ban Olympic Triều Tiên oh taduan hu jien daong dalam tukvak brei padeih saong oh daok taduan hu pok jien daong daok hu khik veik dahlau di nan kayua dom lệnh trừng phạt./.

 Urang lang: H.Pha &M.Phuong – 9/9/2021