Bruk dong ka urang gaok bala di gah kreik negar 

Thủ tướng Rajaei bahrau hu Công điện ka 1393 tacei pato pasiam dom khut khat kayua hajan ia sua saong pacang caga ribuk ka 7, áp thấp nhiệt đới. Tui nan,  ieu mBan tacei jalan pakat negar ka pacang caga bala meng langik tasik, UB negar pacang caga bala meng langik tasik saong duah, daong urang njauk bala, dom Mintri, dom gah hu pambuak tal saong dom tỉnh ban patui bruk pacang caga, pasiam samar dom khut khat kayua hajan ia sua, saong brei tui iek catang jalan nao di ribuk ka 7, áp thấp nhiệt đới piah samar tacei pato, tabiak bruk pacang caga tui jalan “4 di labik”. Thủ tướng Rajaei hu payua panuac tangi sua tal pakat ủy, karja saong bhap bini dom puk palei, klah rabha pandik harao tal dom sang hu menuac metai saong lahik.

Nyaom roya Đảng bộ tỉnh Bình Thuận mbang ka XIV, tuk vak 2020-2025 hu peih tabiak meng harei 13 tal  16/10 di pasak nyaom biai tỉnh song hu mbaok di  349 urang. Asal kadha di nyaom roya Đảng bộ tỉnh Bình Thuận mbang ni lac: "Patagok bruk padang ngak, rami ramik veik đảng bộ hacih saat khang kajap; patagok pren khang di  jalan chính trị song paprong jum pataom tong abih bhap bini; khik kajap  quốc phòng - an ninh; jhul pakhang bruk salih bahrau, hadah krah, pachreih ba, pandar siam lagaih dom pren khang; ba tỉnh Bình Thuận partagok samar , khang kajap gah kinh tế tasik, năng lượng song du lịch".

Mintri Pato Megru hu pathau khan tagok Phó thủ tướng Vũ Đức Đam ka bruk tapuk ba tal 1 bahrau, dalam nan hu panuac brei thau di amaik ame anek saih ka dom kadha dalam tapuk sap Việt di kapul Cánh Diều.  Urak ini, Kapul taong yaom pakat negar daok pasang iek veik taong abih dom baoh tapuk ini. Saong brei taong yaom tapuk ba tal 2 haong tal 6, piah ka gru pato, amaik ame di anek saih haong bhap bini samar thau domc bản mẫu tapuk bac bahrau saong tame brei panuac. Mintri pato megru jeng hu panuac caong dom gah jhul samar bruk ngak dom kadha pato điện tử piah pabak parilo asal kadha brei ka gru pato.

Harei pataom aow atah ban raya  HCM mbang ka 7 lac bruk camereip hu peih ngak meng jalan online pambuak song bruk yaik khan raivang  du lịch di ban raya HCM tal tuia damuai tui jalan online. Hu angan  "Hulin biak takre aow tah Việt Nam", Harei pataom aow tah ban raya mbang ka  7 hu peih akaok ka dom bruk dalam chiến dịch "Ban raya Hồ Chí Minh likau salam" kayua gah  du lịch peih ngak piah rik dong bruk rivang du lịch ban raya meng ni tal puac thun . Harei pataom ilamu hu dui atah  dalam 1 bilan meng  harei  11/10 tal 20/11.

Di Ninh Thuận, danak dak bilai biến áp 500kV haong jalan talei 220/500kV pambuak haong sang mac điện ia harei Trung Nam Thuận Nam 450 MW, hu phun jien buh tame ngak abih tih 12.000 tỷ đồng, bahrau hu peih pakak. Ini lac sang mac điện ia harei praong abih di bhum Đông Nam Á, hu makna piah salam uan Nyaom roya Đảng bộ tỉnh Ninh Thuận mbang ka XIV, vaktu 2021- 2025. Bruk ngak salah saong ba tame pandar nan, hu daong ngak bahu tui sarak 115 di rajaei ba Ninh Thuận jeng pasak năng lượng tái tạo di taneh ia, rik daong patrun trak damak ka dom sang mac năng lượng tái tạo di 2 tỉnh Ninh Thuận haong Bình Thuận.

Dom urang njom Covid-19 bahrau dok tagok di  châu Âu tuk bilan liar dok tal mai . Tui Reuters, urak ni châu Âu dok dalam tuk kurang  jru  remdesivir piah iek ruak ka urang ruak. Janih jru ni njauk  Mỹ blei tame jiak abih, ngak brei patagok bruk huac ka jalan châu lục ni pacang caga mbang rah tabiak jit  Covid-19 ka 2. Hãng jru Gilead hu peih prong bruk ngak jru, tui kuhria pablei tabiak jru piah pabak ka labaih 2 triệu mbang ruak dalam thun ni kayua urang pandar tagok biak rilo. Dom bruk roh duah brei thau remdesivir dong patrun tuk vak iek ruak dalam sa mbang ngak iek lâm sàng.         

Malaysia meda ba tabiak dom jalan ngak piah pacang caga Covid-19 di ban ine kayua menuac njom ruak bahrau daok hu rilo. Ta-eng bilan 10 hu 4.400 urang njom ruak. Urang jakar negar ini brei thau, bruk pacang nan hu ba tabiak ngak dalam 2 adit, meng harei 14/10 di Ku-a-la Lăm-pơ saong dom quận karei. Dom jalan ngak nan lac kreik pabah mbang taong abih dom sang bac, oh brei nao mai di dom quận huyện saong yaok sang oh brei meng 3 urang tagok tabiak truh sang. Rahra tok hu nao ngak bruk tuk hu harak adat di labik ngak bruk.

Mintri  Quốc phòng Mexico brei thau, kapan haoh trực thăng quân đội hu pacang cakak sruh kapan haoh janih sit, njul pajeng labaih  400kg cocaine dalam bhum langik negar ni song pagui pateok dalamc yaok rituh  km mbiah tal tuk nyu abih xăng blaoh laik trun. 2 urng angaok kapan haoh metai. Dalam dom bilan jiak di ni , dom sruh kapan haoh phản lực dân dụng njauk laik trun atau klaak veik di  Trung Mỹ song gah merong Mexico tui bruk patagok dom bruk pablei salih pandap pakauk tapa jalan kapan haoh./.

Urang lang: Hanipha- mousaphuong -13/10