Bhap bini nao mai meng gaiy gilac 

Thủ tướng Rajaei bahrau hu Harak tacei pato dom gah pambuak tal, pataom tame daong urang njauk bala, pasiam bruk glut jaleih taneh di labik Bilai khik iek glai ka 7 haong thủy điện Rào Trăng 3 di tỉnh Thừa Thiên Huế; peih bruk daong duah urang gaok bala njauk haluk kateik, pasang iek bruk khik caga salamat binek, kavei, dalam nan hu gam dom labik daok padang ngak, hu jalan khik caga siam mekre salamat ka menuac urang saong drap ar di pak nan. Pambuak tal bruk glut jaleih thủy điện, mBan chỉ huy quân sự huyện Phong Điền brei thau, tapa pasang iek, hu tal 6, 7 labik glut jaleih. Urak ini daok ba máy xúc mai peih jalan, khik ka dom radaih hu peih tal labik.

Tui jabat thường trực Mban tacei jalan pakat negar ka pacang caga bala meng langik tasik , urak ni hajan ia sua ngak brei 28 urang metai, 12 ueang lahik. Hu 415 sang jaleih, khut,; labaih 131.000 sang njauk ia dauk. Angaok dom jalan hu  137 labik di jalan roya, jiak 12km jalan glut, jaleih, khut. Bruk ngak nong njauk khat lahik trak ngan song labaih 4.500 ha padai, njam patam njuak ia dauk; jiak  3.600 kaya ikan khat lahik; yaok rituh rabau drei menuk ada njauk ia ba theik  . Urak ni dom  tỉnh: Quảng Bình, Quảng Trị, Thừa Thiên Huế, Quảng Nam hu pok panuac likau dong jip 6.500 tấn brah; 5,5 tấn lương khô; 20.000 thùng mỳ tôm song dom janih jru, hóa chất pametai anek ruak, pandap cứu hộ, cứu nạn…

Mesup ini (13/10), TPHCM peih bruk taduan raok sruh radaih akaok meti dalam abih tih 17 radaih brei ka jalan ka 1 Bến Thành - Suối Tiên, hu ngak saong hu pajeng meng Japon mai. Ini lac bruk praong di danak dak, meng padang ngak tapa tukvak ngak iek. Tui mBan khik ramik jalan pasei đô thị TPHCM, jalan metro ka 1 atah abih tih 19,7km, hu 14 nhà ga urak ini ngak hu blaoh 77% bruk di nyu. Danak dak daok hu jhul samar piah taduan raok dom radaih patui di nan, piah ba tame peih di puac thun 2021.

Tỉnh Sóc Trăng bahrau peih pakak danak dak jalan praong patagok  kinh tế meng ban Sóc Trăng tapa tatua  Dù Tho tal bhum kinh tế prong hadang padai  di tỉnh, atah abih tih  28,5 km, song phun jien buh tame  jiak 1.200 tỷ đồng. Ni lac sa dalam dom danak dak prong piah salam uan Nyaom roya  Đảng bộ tỉnh mbang ka XIV, tuk vak 2020-2025; hu makna biak prong dalam bruk patagok  kinh tế - xã hội di tỉnh.

Kapul ngak bruk di Tỉnh đoàn haong Hội LHTN Việt Nam tỉnh Bình Thuận bahrau nao ravang, alin hadiah pandap, tadhau ayuh dom halau janeng, dom urang jakar đoàn - hội naih gheih lac urang Cam Ahiar dalam huyện Tuy Phong saong Bắc Bình di tuk uan Katê thun 2020. Kapul hu nao ravang saong tadhau ayuh sang dom urang jakar, Bí thư chi đoàn palei daok di palei Mai Lãnh (xã Phan Thanh) haong palei Bình Hiếu (xã Phan Hiệp), huyện Bắc Bình. Di huyện Tuy Phong, kapul nao ravang saong alin hadiah pandap brei ka dom halau janeng, dom hội viên dam dara bangsa Cam daok di xã Phú Lạc.

Karja ban Thanh Đảo, tỉnh Sơn Đông - Trung Quốc dok peih bruk pasang iek asal di dom urang njom  Covid-19 bahrau song hu panuac lac  peih bruk dut iek tong abih  9,5 triệu urang dalam  5 harei. Bruk ni hu rah tabiak hadei di tuk hu 6 urang njom  virus SARS-CoV-2 song 6 urang oh hu triệu chứng; tong abih hu pagam tal sang iek Qingdao Chest – labik hu iek ruak ka urang ruak Covid-19 meng negar langiu.  Ni hu mong lac mbang rah tabiak  Covid-19 prong abih di  Trung Quốc dalam dom bilan gilai mai ni.

Di châu Âu, Rajaei dom taneh ia daok caga ngak dom bruk khang jang piah pacang cakak bruk njom mbak veik di jit Covid-19. Thủ tướng Pháp Jean Castex brei thau, meda tabiak bruk pacang cakak di dom labik kayua Covid-19 daok tamuh khang veik. Anak meta, hu gac 2 ban Toulouse haong Montpellier tagok báo động tal tanut glaong di abih meng harei 13/10. Dalam tuk nan, Thủ tướng Ý Giuseppe Conte brei tagok dom jalan ngak pamaong tal dom bruk me-in melam, bruk xã hội haong thể thao nghiệp dư, gam haong bruk pachreih Cty brei menuac ngak meng atah.

Gah Y tế dunya  (WHO) hu panuac cagar veik bruk pandar  miễn dịch dalam bhap bini yau sa jalan ngak piah pacang cakak jit prong  Covid-19. Tui nan, oh ka mboh dalam dakrai  y tế công cộng, miễn dịch dalam bhap bini hu pandar piah cakak sa mbang tamuh khang jit ruak, langiu di nan, hu biak takik khaw tin ka bruk miễn dịch song Covid-19. Dunya hu mboh dom urang njom ruak covid 19 veik  hadei di tuk siam ruak.. Gah y tế dunya kuhria mboh lac hu oh ka tal  10% urang hu miễn dịch song Covid-19./.

Urang lang: Hanipha- mousaphuong -13/10