Phó Thủ tướng dok tacei ba ka dom gah 

Bộ Tư lệnh Quân khu 4 saong dom đơn vị bol lin daok brei  1.100 urang, 257 radaih dom janih saong kapol asaw nghiep vụ hu mbaok piah duah daong 16 urang lahik hadei patuh glut jaleih thủy điện Rào Trăng 3 di Thừa Thiên Huế. Gah chức năng pandar rilo pandap thiết bị birau yau kpala haok, radaih đặc chủng, xe cứu hộ đa năng, flycam…piah tukvak samar duah mboh dom urang gaok bala. Trung tướng Nguyễn Trọng Bình - Phó Tổng tham mưu trưởng Bộ Tổng tham mưu Bol bala bhap bini Việt Nam; Trung tướng Nguyễn Doãn Anh, Tư lệnh Quân khu 4, tacei pato jalan duah daong.

Thủ tướng Rajaei bahrau mbaoh tangin brei ngak danak dak iek glang prein yava urang praong thun tal thun 2030 piah iek glang, paglaong prein yava urang taha praong thun (urang meng ginup 60 thun tagok), rik daong ngak hu bruk Menuac sia Việt Nam tal thun 2030. Tui nan, urang taha praong thun hu iek prein yava takik di nyu 1 mbang sa thun, hu ngak harak tui iek prein yava, hu taong ruak, khik iek dom ruak oh njam mbak hu 70% di thun 2025, saong 90% di thun 2030.

Page 16/10, di Inem mek pakat negar abih di nyu lac bimong tháp Pô Klong Garai ban Phan Rang-Tháp Chàm, yaok ribau bhap bini saong tuai damuai hu mbaok Harei Kate di urang bangsa Cam, dalam nan hu urang Cam tỉnh Ninh Thuận. Di bimong Po Klong Garai, urang ngak praong di UB Bangsa, urang ngak praong di UB bhap bini tỉnh Ninh Thuận, dom halau janeing uan roak Kate saong bhap bini Cam tui agama Ahier jeng yau Avar, alin pandap saoang tadhau ayuh dom halau janeng  saong mikva mbang Kate bui sambai, haniem siam. Kate thun ini rah tabiak dalam tuk taong abih dom pakat Đảng, abih bhap bini tỉnh Ninh Thuan pakacah gauk ngak siam rilo bruk piah salam uan Nyaom roya Đảng bộ tỉnh Ninh Thuận mbang ka XIV, vaktu 2020 -2025.

Hadei di labaih 1 thun peih ngak danak dak daong padang sang daok ka urang buh prein ka taneh ia, urangdahlau daih ngak bol lin kan kathaot, sang kan kathaot, tỉnh Hà Giang padang ngak hu labaih 3.300 baoh sang khang kajap, daong ka dom sang kan kandah tani tanat raidiuk, pataom tame patagok kinh tế. Lingiu pok jien daong 60 triệu đồng yaok baoh sang, tỉnh Hà Giang hu ieu pataom prein ngak di bhap bini, di dom gah yau Công an, Quân sự, Bộ đội Biên phòng mai daong pajeng ba pandap, padang ngak sang…; daong ka dom sang daok kan kandah di bhum taphia negar hu tani tanat labik daok, tani tanat bruk ngak mbang”.

Sang iek ruak đa khoa An Phước, TP. Phan Thiết, tỉnh Bình Thuận brei thau, kham taong ruak ka 2 urang ruak trak dalm 10 urang tame iek ruak jru mek kayua mbang iakn hồng tasik. 10 urang ruak daok di Ban Phan Thiết tame sang iek ruak di melam  14/10 dalam rup huyết áp trun, tangin takai khang, dang dui, glaok ta-ok…Hadei iek ruak, 2 urang hu nao sang. Dahlau tuk njauk jru mek, taong abih urang nan hu mbang ikan hồng tasik blei di darak. Tui ong Huỳnh Quang Huy, Akok Chi cục thủy sản Bình Thuận, ikan hồng tasik bo urang nao tasik bhian mbang iew lac ikan hồng chuối, bhian daok di dom labik ia dalam, labik nan bhian hu tảo độc. Ikan nan mbang tảo jru mek, rilo ikan njom jru mek.  Di Bình Thuận hu mboh rilo mbang njauk jru mek kayua mbang ikan hồng tasik.

Urang dang akaok Gah Y tế dunya (WHO) Tedros Adhanom Ghebreyesus hu panuac lac dalam thun ini meda hu gac 10.000 uraniah metai yaok bilan kayua lavang lavaih meng hu jit COVID-19. Tui nan, ong kuhria mboh lac, dom uraniah lavang lavaih mai meng COVID-19 meda tagok 14% dalam thun ini, lac jaik 7 triệu adei. Dom uraniah lavang lavaih rilo meng daok di bhum gah la Sahara di châu Phi saong Nam Á. Jit praong COVID-19 ngak klaoh dom danak dak klauk jru pacang caga ruak, dom bruk iek glang prein yava ka urang amaik, ka anek naih, dom danak dak  pabak dinh dưỡng ka uranaih saong bruk ndih tapui tui sarak karja. WHO jeng hu panuac lac, dom urang ruak lao meda tagok rilo meyah rajaei dom taneh ia oh peih ngak dom jalan samar drah.

Pasak Cảnh báo saong Pasang iek jit ruak châu Âu iew lac ECDC  brei thau, hu 16 taneh ia châu Âu hu ba tame tanut bhong meriak mbuan njom ruak Covid-19 glaong. Tui bản đồ jit ruak châu Âu, dalam nan hu dom taneh ia di bhum bhong, hu dom labik pachreih tuai damuai lac Pháp, Tây Ban Nha, Ba Lan saong Anh. Urak ini, daok 3 taneh ia Na-uy, Phần Lan saong Hy Lạp daok ddang tanut hijao lac salamat; dalam tuk nan dom taneh ia Italia, Síp, Estonia, Litva saong Latvia di tanut kanjik katam lac mbuan njom mbak.

Tổng thống Mỹ Donald Trump brei thau lac meda cagar veik khang Liên minh châu Âu meyah kapul ini kak je pandap di Mỹ piah cagar veik brukc Mỹ daong ka hang kapal haoh Boeing. Dahlau di nan, harei 13/10, Gah pablei salih dunya (WTO) hu brei adat kaLiên minh châu Âu kak je pandap di Mỹ yaom 4 tỷ USD yaok thun, biak pabak veik bruk Mỹ daong ka hãng kapal haoh Bâu-inh./.

Urang lang: Ái Nghiêm -Mousaphuong -17/10