Rilo palei ngak meng kan hu pabak katuai du lịch 

Thủ tướng Rajaei bahrau patabiak danak dak cak rok patagok pandap  negar tal thun 2030. Jalan ngak di danak dak lac roh duah, pandar công nghệ tiên tiến, jak jeng di Cách mạng công nghiệp mbang ka 4 tame bruk ngak mbang, pala drak, patagok dom pandap negar piah paglaong năng suất, chất lượng saong prein mariak gauk di dom pandap negar di darak pasa dalam negar saong lingiu dunya. Tal thun 2030, bruk ngak tabiak saong cak rok patagok takik abih lac 10 pandap  negar bahrau; patui veik bruk daong doanh nghiệp roh duah, patagok bruk peih praong, paglaong chất lượng saong prein maraik gauk ngan haong dom pandap  negar tal thun 2020.

Melam 30, dah page harei 1 bingun Tết, harei 5 bingun Tết di Palei Ilamu – Dulich dom bangsa Viet Nam, Đồng Mô, Sơn Tây, Hà Nội, Đại đức trụ trì baha Khmer saong dom ong bhik hu tụng kinh likau brei salamat ka phật tử, tuai damuai akaok thun birau; cuh gilau di baha Pháp Ấn piah likau ka hajan siam, hangin lagaih, jap karo khang kadang, haniem siam; peih bruk nao likau akok Xuân piah ba mai patuah jamo, salamat, sahanang hatai ka bhap bini rah ra. Tui nan, Palei ilamu jeng hu padang ngak veik adat likau siam mekre salamat di bangsa Nùng tỉnh Thái Nguyên, sa dalam dom ilamu siam gheih dalam raidiuk di bhap bini bangsa Nùng, pamaong tal bruk salamat saong dom siam mekre di abih ka anek manuac, ka bhap bini. Hadei di tuk ngak adat blaoh lac kadha yaih khan ka capi Tính, daoh Then di bhap bini bangsa Tày, Nùng tỉnh Thái Nguyên.

Kiên Giang lac sa dalam dom tỉnh, ban bhum taneran kraong Cửu Long hu rilo bhap bini bangsa takik, dalam nan rilo abih lac bangsa Khmer, hu labaih 59.220 sang, jaik 238.000 urang, meblah 13,4% bhap bini dalam tỉnh. Dom thun tapa, Kiên Giang pataom rilo prein khang buh tame cak rok patagok kinh tế - xã hội bhum bhap bini bangsa takik, mbaok mata puk palei hu salih bahrau, raidiuk di bhap bini oh padeih hu hu salih bahrau, glaong jang. Meng danak dak 135, tỉnh hu buh tame jaik 80 tỷ đồng padang ngak rilo danak dak yau ye: tatua, jalan mbak, kraong ribaong, bilai y tế, sang bac… pabak ka bruk ngak mbang, pala drak, raidiuk di bhap bini. Tỉnh hu buh tabiak labaih 145 tỷ đồng padang ngak yaok pluh danak dak pabak ia pandar ka bhap bini saong labaih 91 tỷ đồng padang ngak 10 danak dak điện piah pandar saong piah pala drak ka jaik 8.000 baoh sang bhap bini bangsa takik. Dom gah, dom pakat dalam tỉnh jeng peih ngak rilo danak dak hạ tầng kinh tế - xã hội bhum bangsa takik, ngan haong yaom jien buh tame ngak abih tih labaih 300 tỷ đồng.

Langiu 30 ribau urang đoàn Công Đoàn hu taduan pandap Tết ngan saong yaom abih tih labaih 17 tỷ đồng, jaik 2.000 urang đoàn karei di Đăk Lăk, gaok kan kandah kayua bala meng langik tasik, jit ruak, hu taduan pandap tết meng dom công đoàn cơ sở; 15 urang đoàn hu raidiuk kan kandah, hu alin “ Baoh sang Công đoàn”…Dom paok pandap daong sumu meng Liên đoàn lao động tỉnh Dak Lak hu daong ka dom urang ngak mboh sahanang hatai jang ka sa tết trei sir, bui sambai.

Rajei huyện Nam Trà My, tỉnh Quảng Nam bahrau jao 7 baoh sang bahrau ka dom sang di puk 1, xã Trà Vân jaleih dalam mbang jaleih ceik di puac bilan 10 thun dahlau ngak brei 8 urang metai, 12 urang njauk joh jo. Hadei di rilo bilan lahik sang danaok, rilo urang njauk daok dalam dom sangtaik tahak, tal urak ni bhap bini bhum jaleih taneh di huyện Nam Trà My hu rok Tết dalam dom baoh sang bahrau bak hatai anit ranam. Dahlau di tuk Tết thun sak kubao, huyện hu payua labaih 160 tấn brah nao tal dom xã alin ka dom baoh sang mbang tết saong piah mbang dalam bilan cang yuak:

Jit ruak Covid-19 di dunya oh ka mboh cadu yaom lac bruk klauk jru vaccine caga ruak Covid-19 daok hu peih ngak di rilo taneh ia saong tal harei ini hu labaih 100 triệu urang hu klauk jru caga. Bruk njauk biai nan lac, di châu Âu, bruk rilo menuac njom mbak oh ka dang veik ngak brei bhum taneh ini gaok kan kandah kayua oh ka pacadu hu dom jalan pacang cakak.

Ủy ban tacei pato bruk y tế di rajaei Hàn Quốc hu panuac ieu baa vắc-xin di hãng jru AstraZeneca tame pandar piah pacang caga Covid-19. Min, ủy ban ni brei thau lac njauk caik hatai tuk klauk vắc-xin ka manuac mangaok 65 thun kayua oh ka thau cambaih bruk siam lagaih di vắc-xin ngan haong dom urang di umo ni. Tui nan, rajaei Hàn Quốc meda samar brei ba vắc-xin di hãng jru Át-xtra Giê-nê-ca tame pandar chip di negar ni. Dalam tuk nan, Hàn Quốc daok tame tukvak bahrau dalam bruk mesuk haong jit praong Covid-19. Meng labaih 370 urang njom bahrau di harei 5/2, abih tih dom urang njom Covid-19 di negar ni tagok tanut 80 ribau urang. Meng bruk njom mbak tagok glaong, Ủy ban pacang caga jit ruak Hàn Quốc brei thau, meda samar ba tabiak bruk lac njauk ramik veik dom adat paatah di gauk halei oh dahlau di tuk tết Nguyên đán.

Rayo papar binguk CNN brei thau kapol urang ilamu di Đại học Santo Domingohu duah mboh 16 lubang kubo meng saman Hy Lạp saong La Mã cổ đại dalam tuk duah iek di kalan Taposiris Magna di bhum Pei Alexandria. Kapol khảo cổ duah mboh dom rup tau hu papaok meng khan bai lanh atau ba-ar cói. Njauk caik hatai, hu sa rup tau daok hu dalah ngak meng ameh dalam pabah. Urang jia lac, ini sa adat paling yang piah urang metai meda ndem meyai saong yang Osiris di a lot diah.

Urang lang: Thu Thảo -Ái Nghiêm -6/2 -19:00