Ủy ban Mặt trận negar Việt Nam ban raya HCM bahrau peih  bilan tabung glong  “kayua urang kathaot”

Thủ tướng Rajaei birau tabiak Sarak 39 ka bruk jhul samar bruk peih ngak saong patagok bruk pandar dịch vụ mek jien jalan mbak tui jalan điện tử oh padeih ( ETC). Tui nan, Mentri jalan mbak pajeng ba brei ngak khang bruk tacei pato peih ngak dom danak dak mek jien ETC njuak tukvak, siam lagaih, pambuak jalan sumu gauk, salamat, khik sir. Thủ tướng iew Mentri jalan mbak pajeng ba brei padeih dom bruk mek jien ngan saong dom danak dak hu balai mek jien oh salih tapa ETC njauk tui bruk ba tabiak di hukum; pambuak Mentri Công an saong gah chức năng langyah dom urang peih radaih ngak suan hukum, ngak gar tavak jalan di dom balai mek jien.

Ủy ban Mặt trận negar Việt Nam ban raya HCM bahrau peih  bilan tabung glong  “kayua urang kathaot”; alin brei jien ngak sang dok, pandap piah ngak mbang duah jien ka boh sang sarak karja, sang kan kathaot song dong ka dom  sinh viên rai duik kan kathaot yam tapa kan kandah bac megru naih joi. Dalam bilan tabung glong ni, ban raya  kham merat jak ba  brei hu  40 tỷ đồng song Mặt trận negar  Việt Nam dom pakat di ban  raya jak ba ka pahu  96,8 tỷ đồng. Kadung jien ni piah dong brei  dom boh sang kan kathaot, jiak si kan kathaot song kuhria caga ka Tết Nguyên đán anek sak kubau  2021.

Sở Khoa học saong Công nghệ tỉnh Ninh Thuận brei thau hu blaoh harak pathau khan pasang iek taphon limo glai hlai F1 daok raong piah roh duah. Tui nan, tukvak 2012 -2014, UB bhap bini dua tỉnh: Ninh Thuận saong Lâm Đồng pambuak bruk roh duah giám định di truyền saong taong yaom bruk praong tagok di limo hlai F1di limo glai saong limo sang di bhum glai tapahi dua tỉnh saong yaom jien ngak abih tih labaih 2,1 tỉ đồng. Dalam nan hu blei 10 drei limo glai F1 di bhap bini. Yau nan min, gah Lâm Đồng oh peih ngak yau nan ye bruk nan oh hu blaoh. UB bhap bini tỉnh Ninh Thuận birau brei buh tame 100 treiu dong piah raong taphon limo glai hlai dalm 3 bilan. Urak ini, taphon limo nan mboh yau daok siam veik.

Kuhria tal harei  8/10, di ban Phan Thiết, tỉnh Bình Thuận hu labaih 800 urang negar langui  dok, rilo meng lac Trung Quốc, Hàn Quốc, Prang… Tui  Ubbhap bini ban  Phan Thiết, dom urang nan hu dut iek rup pabhap tuk camereip song hu tui iek di labik dok, urak ni oh ka hu urang halei hu hagait gah pren yava pagam tal Covid-19. Urak ni  Phan Thiết dok peih bruk pathau khan pacang caga jit ruak dalam bhap bini song pasang iek duah thau dom urang meng negar  langui mai dok di pak ni.

Di gah Meraong negar, yaom pabui diuk meng akaok adit tal ini meng 76.000 tal 80.000 đồng sa kilo. Dom darak pasar blei rilo yau Ban raya HCM,  Đồng Nai, Bình Dương, Long An, Vũng Tàu…yaom pabui diuk glaong abih dalam negar lac 80.000 đồng sa kilo. Yau nan min, ngan saong bruk rah tabiak srau kadau pambauk tal jit tả pabui chau Phi di Thái Lan, dom urang raong glang sahaneng lac njauk brei pacang cakak saong caga jit tamuh gilac, meyah oh ngak ngak yau nan, bruk raong gilac, pagrap tanat yaom kaom dalm quý 4 saong khik bruk pabak rilo tal tuk Tết Nguyên đán di gah raong glang lac kan ngak hu.

Jabat  Y tế negar  Prang brei thau negar ni hu  2 harei gam hu urang njom bahrau  virus SARS-CoV-2 di tanut labaih 18.000 urang, lac glong di abih meng di tuk hu jit  Covid-19 tamuh tabiak di Prang meng akaok thun tal ni.  Langui di ban ine Paris song bhum ban sit Aix-Marseille, hu 4 ban prong karei di Prang hu ba tame bruk báo động glaong di abih, dahlau di tuk batabiak bruk y tế jip. Meng di mesup harei 10/10, dom ban ni hu batabiak dom bruk yau: kreik pambah mbang dom  kuan  bar, kuan café, dom labik pasram rup pabhap…

Cục pasang iek duah thau liên bang Mỹ (FBI) birau pacang hu sa bruk khin pajaleih karja bang Michigan saong chap Thống đốc bang này Gretchen Whitmer, hu pambuak tal sa kapol bol bhap bini di bang ini. FBI duah mboh 6 urang likei si chap Thống đốc Gretchen Whitmer kadauk. Dalam dom bilan tapa, muk Whitmer gaok bruk cagar veik khang di dom kapol bil bhap bini saong rilo urang karei cagar veik dom jalan ngak di muk piah pacang caga jit Covid-19 njom mbak. 

Sa mbang khuah khang rah tabiak tuk melam kabroi di boh sang  chung cư song pasak pablei salih Samwhan Art-Nouveau di ban  Ulsan, Hàn Quốc ngak brei  88 urang tame sang iek ruak. Hu  40 urang gar angaok tabung sang, hu trực thăng mai dong. Oh hu urang halei metai. Pui khuah tabiak meng tal  12 di boh sang, hadei di nan pambak samar pacang sa mbaok di boh sang  33 tal song glong labaih 100 mét. Dom urang pandam pui biak gleih glar piah pacang pandam hu pui khuah./.

Urang lang: Ái Nghiêm – Hani Pha – 09/10 16:22:36