Thủ tướng rajaei hu mbaoh tangin tame sarak njauk hatai haong bruk buh jien tame padang ngak tatua Rạch Miễu 2 pambuak Tiền Giang haong Bến Tre, atah abih tih labaih 17,5 km. Danak dak hu yaom phun jien buh tame ngak abih tih labaih 5.000 tỷ đồng, meng kadung jien trung ương. Tui kuhria tuk vak peih ngak meng thun 2021 tal thun 2025. Tuk danak dak ngak salah meda pabak hu bruk nao mai dak harei dak tagok glaong di jalan roya 60, jhul patagok kinh tế - xã hội, khik kajap quốc phòng an ninh ka bhum taneran kraong Cuu Long saong dalam taneh ia.

Tui mintri NN&PTNT, tal urak ni dom  tỉnh gah kreih negar dok khin dong  5.600 tấn padai pajaih, 225 tấn tangei pajaih, 44,2 tấn asar njam pajaih... Tuk vak tapa, dom tỉnh ban ni  gaok kan kandah gam gam di  5 mbang ribuk  (5, 6, 7, 8, 9) song  2 áp thấp nhiệt đới. Dalam nan , ribuk ka  9 lac ribuk khang di abih dalam 20 thun tapa tuh tame dom  tỉnh Nam Trung Bộ, khang di abih lac di  Quảng Nam, Quảng Ngãi ngak brei metai lahik rilo menuac saong song khut khat drap ar. Mbang bala trak  song biak khang  ngak khat lahik tong abih bruk  kinh tế xã hội, jalan mbak nao mai meng bhum tasik  tal bhum taneran, trung du song bhum ceik.

Ban khik ramik danak dak padang ngak jalan mbak ban raya HCM brei thau gah buh jien tame ngak tatua An Phú Đông (quận Gò Vấp, quận 12) yaok pataom hu labaih 1 tỉ đồng khat lahik hadei di tuk njauk sà lan paoh tame di harei 16-10. mBan khik ramik danak dak hu payua tal pakat angaok pasang iek khat lahik piah ieu po sà lan biyar jien. Tatua pasei An Phú Đông hu peih ngak di bilan 3-2020, tui kuhria ngak salah di bilan 10-2020. Min, tuk dua gah tatua jaik pagam gauk veik ye njauk sà lan ginuh tame.

7 urang dahlau dieh lac urang jakar, urang lin  Công an phường Phú Thọ Hoà, quận Tân Phú, TPHCM bahrau njauk chap khik ka duas "Pambak tame bruk ngak di drei, duah kein ka drei dalam tuk ngak bruk". Tui duah thau oh ka ginup abih, 2 urang lac  L.N.M. song L.M.C. hu khik piah, pablei salih suan hukum  jru phien, min dom urang jakar công an phường salih bruk nan tapa pandar jru phien  hdei di tuk gauk gar ba jien mai, tong abih tih 240 triệu đồng. Urak ni Công an TPHCM dok peih prong bruk pasang iek, duah thau ngak brei cambailh laih bruk nan.

Harei 6/11, Cục khik ramik darak pasa tỉnh Bình Phước brei thau hu peih bruk am cuh klak yaok ribau pandap oh thau asal di nyu saong ba tame lậu. Dom pandap njauk cuh klak rilo abih lac: ia tasau, ia yamen, cà phê hòa tan, lisei khiak … Nan lac dom janih pandap mbang yaok harei min oh hu asal cambaih atau ba tame lậu hu cap khik dalam mbang pasang iek. Meng akaok thun 2020 tal urak ni, dom kapul di Cục khik ramik darak pasa Bình Phước hu duah mboh saong pandar cuh klak yaok rituh kg ralaow athur mbau bruk, salih sambo.

Dom urang ngak hukum di Nga hu pok tagok Quốc hội hukum brei adat ka dom urang dahlau deih ngak tổng thống hu miễn truy tố luac rai. Dahlau di nan, sa hukum karei jeng brei adat ka dom urang dahlau deih ngak  tổng thống ngak nghị sĩ luac rai, jeng lac sa bruk hu miễn tố. Dahlau di nan, dom urang dahlau deih ngak tổng thống di Nga hu  miễn truy tố ka dom bruk ngak tuk dok ngak bruk. Tui kuhria hukum brei hu Hạ viện song Thượng viện Nga brei tapa dahlau di tuk  ba tal  Tổng thống Vladimir Putin mboah tangin tame jeng hukum.

Đài BBC brei thau Mintri Tư pháp Mỹ hu cap khik jien ảo Bitcoin yaom labaih 1 tỉ USD meng sa tài khoản Bitcoin hu pambuak saong blah web Silk Road, sa darak juk hu angan je pablei ginup pandap panda suan hukum. Nan lac sa paok jien ảo praong abih bo mintri Tư pháp Mỹ bhian cap khik tal urak ni.

Hadei di tuk mboh sa sruh jit kum menuk ada camereip abih tamuh tabiak hadei di jiak  3 thun tapa  di sa  trang trại di ban  Takamatsu, tỉnh Kagawa (Nhật Bản) urang jakar hu tabiak bruk brei am cuh klaak labaih 330.000 drei menuk. Karja ieu dom  trang trại menuk  dalam labik 10km taom dar sruh jit oh brei pajeng ba boh song menuk ada nao labik karei. Thủ tướng Nhật Yoshihide Suga hu tacei dom urang dalam rajaei khik kajap talei pambuak bruk haong puk palei, peih dom jalan pacang caga, samar khan brei thau saong hu panuac kakei urang nong rong glang menuk ada paglong hatai sangka hong jit ruak./.

Urang lang: Thu Thảo – H.Pha -7/11/2020