Thủ tướng Rajaei hu harak brei pa-atah gauk veik 14 harei di 19 tỉnh, ban gah Meraong tui Sarak 16 meng mon 12 melam  2/8/2021

Thủ tướng Rajaei hu harak 1063/CĐ-TTg brei pa-atah gauk veik 14 harei di 19 tỉnh, ban gah Meraong tui Sarak 16 meng mon 12 melam  2 bilan 8 thun 2021. Thủ tướng brei panuac jak ba, brei pasang iek bhap bini di Ban raya HCM, dom tỉnh Bình Dương, Đồng Nai, Long An saong palei pala daok brei pa-atah gauk oh brei tabiak truh labik, patui di nan daok veik brei pa-atah gauk “ thei daok halei daok nan”. Brei daong chip, ginup pandap mbang ka taong abih dom urang ngak kan kathaot, lahik jien mek tame, oh daok pandap piah caga; Oh caik ka bhap bini halei kurang mbang huak, kurang ngui cuh; Brei daong y tế  ka abih bhap bini; Daong urang tỉnh drei daok dalam Ban raya HCM saong dom tỉnh hu jit ruak daok srau kadau, hu urang ruak ralo.

Thủ tướng Rajaei Phạm Minh Chính bahrau payua thư pachreih ba, brei mboh hatai iek praong, pok meyaom saong taong yaom biak glaong dom rik daong, oh sahneng hagait tal rup drei eng, kham merat abih drei di dom kapul urang pacang jit. Dalam blah thư, Thủ tướng ndom lac: “Đảng, Karja iek praong, pok meyaom saong taong yaom biak glaong dom rik daong, oh sahneng hagait tal rup drei eng, kham merat abih drei di dom kapul urang daok pacang jit, abih di nyu lac dom urang jakar y tế. Tukvak anak tal, jit ruak daok rah tabiak srau kadau, kan si thau dahlau. Kol drei njauk thau lac, ini lac bruk daok suai lavik, rilo kan kandah glaih glar. Dahlak caong taong abih gauk daok tui jalan lac "takai khang, patau lamin", ba abih hatai anit ranam duh ka bol bhap rahra.”

Urang njom Covid-19 di tỉnh Bình Dương daok tagok rilo. Urak ini, Sang eik ruak dã chiến ka 2 Bình Dương di phường Thới Hòa, thị xã Bến Cát, tỉnh Bình Dương kayua Tổng Công ty Becamex IDC daong daok peih ngak piah sumu tukvak samar drah salah vaktu ka 1 piah tadua 2.000 urang njom ruak Covid-19. Pandar sang xưởng Logistics praong labaih 62.000m² di Công ty cổ phần Phát triển Công nghiệp BW piah padang ngak sang iek ruak ngan saong prein taduan tame, taong ruak ka 5.000 urang ruak. Taong abih jien buh tame ngak salah sang iek ruak nan labaih 120 tỉ đồng. 

Harei 31-7,brei panuac tacei pato ka bruk jit ruak COVID-19 di ban Cần Thơ dalam mbang ngak bruk haong dom urang pan akaok Thành ủy, UBND ban Can Thơ ka bruk pacang cag ajit, Akaok mintri Y tế Nguyễn Thanh Long ndom lac: ban phố Cần Thơ njauk caga dahlau ka bruk jhak jang kayua bruk duah mboh urang ruak bahrau di Cần Thơ daok suai damuai, urang ruak tapa blaoh takik di nyu 4 tukvak njaom mbak. Anak tal, ban Can Thơ brei ngak catang sarak 16. Kuhria tal mon 9 harei 31-7, Cần Thơ hu  1.349 urang njauk COVID-19; dalam ban hu 21 sruh jit praong di quận huyện Ninh Kiều, Cái Răng, Bình Thủy, Ô Môn, Thới Lai.

Dalam dom harei jaik di ini, bhap bini Ninh Thuận peih radaih patuh meng Ban raya HCM saong dom tỉnh gah Meraong nao palei, tapa balai pasang Cà Ná tagok samar. Langiu di nan, hu dom tỉnh pambuak bruk ba bhap bini tame labik brei daok karei di huyen, ban daok suai damuai, ba tal tapa prein ngak bruk di balai. Anak bruk nan, UBND tỉnh Ninh Thuận hu sarak payua dom sở, ban, ngành saong dom palei dalam tỉnh brei ngak samar piah taduan, ba urang meng balai pasang Cà Ná nao tal dom labik daok karei di palei, oh brei pataom gar tavak  di labik balai pasang iek Cà Nà, mbuan njom mbak jit ruak. Tukvak peih ngak meng harei 31/7.

Puac adit blaoh, rilo mbang trun jalan patuh tabiak di rilo taneh ia châu Âu piah cagar veik dom jalan ngak piah pa-atah di gauk saong klauk vaccine pacang caga jit ruak Covid-19. Dom mbang trun jalan daok pambak praong saong mbuan ngak tayah bruk kham merat pacang Covid-19 di rajaei dom taneh ia dalam bhum. Di Đức, cảnh sát ban ine Béc-lin harei kabroi (1/8) hu cap mek yaok rabau urang tuk menuac sia taneh ia ini tuh tabiak jalan cagar veik dom adat brei pa-atah di gauk kayua sahneng lac, dom jalan ngak nan nyu pacang meneing bruk ngak tui hatai.

Yaok rituh ribau urang ngak gah jhik menyim Bangladesh tabiak mblang radaih saong mblang radaih pui piah gilac veik mai ngak bruk di dom ban praong hadei rajaei taneh ia ini brei ka dom sang mac jhik menyim pablei tabiak negar langiu ngak bruk veik meng harei 1/8 yaom lac jit Covid-19 daok rah tabiak kan kandah. Bruk ba tabiak  birau brei ka 4.500 sang mac gah jhik menyim dalam taneh ia ini peih pabah mbang gilac veik ngan saong labaih 4 trieu urang ngak gilac veik ngak bruk  di dom ban công nghiệp.

Dalam angan lac sa dalam dom “ban po sang” di kapul thể thao Việt Nam di Thế vận hội Olympic haong Paralympic Tokyo 2020,  karja ban Kokubunji hu pambuak bruk haong Đại sứ quán Việt Nam di Nhật Bản peih bruk yaih khan ka Việt Nam. Lingiu di bruk peih parang iek yaih khan dom kadha praong pambuak tal Việt Nam yau: labik bhum taneh, ilamu mbang huak, dom môn thể thao haong khan ao meng kan, mBan peih bruk buh biak rilo prein yava piah ngak labik brei mboh harei pataom đèn lồng ban klak Hội An, daong ka menuac maong iek meda sahneng mboh hu ka harei pataom ini./.

Urang lang: M. Phương – Ái Nghiêm – 02/08 10:43:54