Urang ngak gah Y tế dok pasang iek mau dut iek

Thủ tướng Rajaei Phạm Minh Chính bahrau tacei pato dom Mintri, dom gah, dom tinh ban peih ngak dom jalan  daong chip ka TP.HCM haong dom tỉnh, ban gah meraong peih ngak hu siam dom jalan pacang caga jit ruak. Tui nan, daong palagaih dalam bruk taduan urang ngak, bhap bini meng ban raya HCM haong dom tỉnh, ban gah meraong nao veik palei saong khik kajap bruk pacang caga jit, khik kajap bruk pabak pandap mbang, menyum, samar pajeng meng dom puk palei mai ban raya. Gam haong nan, pasang iek, samar parabha, brei dahlau vaccine ka TP.HCM haong dom tỉnh, ban gah meraong.

Beir harei 15/7, Mban tacei jalan pacang caga jit Covid-19 ban raya .HCM peih nyaom biai iek veik 7 harei peih bruk paatah di gauk  tui sarak  16 di  Thủ tướng rajaei . Bí thư Thành ủy ban raya  Nguyễn Văn Nên pandar  mban tacei jalan pacang caga jit ban raya jhul pakhang bruk dut iek; pacang cakak dom urang njom ruak bahrau. Ban raya brei duah thau, peih ngak samar dom jalan ngak bahrau di mintri  Y tế dalam bruk parabha dom pakat di  F0, F1; brei daok karei, tui iek ruak di sang tui jalan tacei pato ginup, langyah samar. Ni lac jalan ngak prong abih dalam tuk vak urak ni ..

Ủy ban MTTQ TP.HCM bahrau  taduan mek jien, pandap panda daong pacang caga Covid-19 meng dom Tổng lãnh sự quán, Dom Doanh nghiệp taneh ia langiu daok di  TP. Dom pandap nan, hu labaih 4 tỷ đồng, 20.000 USD, 70.000 pataih pacang mbaok haong 506 pandap vitamin iek glang prein yava. Urang dang akaok Ủy ban MTTQ TP hu panuac thau dhar phor Lãnh sự quán haong Hội Doanh nghiệp dom taneh ia di TP.HCM hu daong brei karja haong bhap bini TP dalam bruk pacang caga jit; jak ba bhap bini, doanh nghiệp di taneh ia drei daok diuk, daok ngak bruk di  TP ngak njauk tui bruk pa-atah di gauk tui sarak 16 di Rajaei.

Tổng cục jalan mbak Việt Nam bahrau hu panuac ieu ngak iek labik padeih takai di  2 tỉnh Long An song Tiền Giang ngak bilai pasang iek  Covid-19 duh ka bruk pajeng ba pandap panda. Tổng cục jalan mbak Việt Nam pandar  UBND tỉnh Long An song Tiền Giang ramik labik pasang iek jit di dom labik padeih takai nan song ba tame pandar meng harei  17/7. Dom gah chức năng pambuak gauk peih bruk mek  mẫu dut iek, brei thau pak di bilai; pabak pandap panda mbang, menyum piah ba tui radaih; ramik labik pataok radaih karei ka radaih pajeng  pandap panda, khik kajap bruk pacang caga jit ruak .

Pasak pasang iek ruak kik (CDC) tỉnh Đồng Nai bahrau brei thau ka sarak di UBND tỉnh brei pacang veik rilo labik di phường Trảng Dài, ban  Biên Hoà piah pacang caga jit Covid-19. Tuk vak patah di gauk lac 14 harei meng di tuk kreih melam  16/7/2021 ngan song 30.554 boh sang. Tui pasak pasang iek ruak kik  CDC tỉnh Đồng Nai, dom urang ruak di phường Trảng Dài tagok samar dalam dom harei tapa . Kayua di phường ni pataom rilo urang ngak nan ye tỉnh Đồng Nai khang hatai pacang caga song paatah di gauk jiak abih phường piah dut iek, duah thau pacang cakak jit njom mbak . 

Ủy ban samar drah di Gah  Y tế dunya (WHO) brei thau dom biến thể bahrau song jhak jang di virus corona anek ruak bahrau ba tal ruak Covid-19 meda pambak grauk labik di dunya ngak ka bruk pacang caga dak kan kandah jang. Urak ni hu   4 biến thể Alpha, Beta, Gamma song  Delta dok rah tabiak di dunya. Min  WHO hu panuac lac bruk kanyah jhak jang meda dok di gah anak kayua dom biến chủng bahrau dok patagok, kan kandah jang tamuh tabiak song njom mbak. Kayua yau nan ye, njauk klauk  văc xin  brei ka takik di abih  10% menuac urang di dom taneh ia dalam bilan  9-2021.

Cảnh sát negar Haiti hu tah klaak dom khau tin ndom lac, dom urang duah thau bruk pametai  Tổng thống duah mboh lac Thủ tướng lâm thời Haiti Claude Joseph hu gam tal bruk nan. Urak ni gah cảnh sát Haiti chap kreik ong Dimitri Herard– akaok kapul khik ramik an ninh di Tổng thống Jovenel Moise, piah duah thau makna habar gah an ninh di Dinh thự tổng thống oh hu panuac ndom khang jang tuk kol pan phao tong tame song pametai Tổng thống. 

Yaok pluh urang metai song yaok pluh urang lahik tuk hajan khang dok rah tabiak di Tây Âu, ngak ka dom krong ribong pacah ar, ba seik rilo puk palei,sang danaok di rahra.Di Đức, 57 urang metai, yaok pluh urang lahik  di mbang ni hadei di tuk krong Rhine tagok glong ba seik rilo sang danaok.Dom rituh urang lin Đức, song 2.500 urang ngak bruk dong duah hu mbaok dong ka cảnh sát dalam bruk kham merat dong duah  di Đức. Di Bỉ, 2 urang likei metai kayua hajan biak khang sa urang kamei umo 15 thun lahik, bhap bini di labaih 1.000 boh sang njauk panduan ba nao labik karei. Di Hà Lan, ia ndik ngak khut  rilo boh sang di tỉnh Limburg, gah merong negar ni./.

Urang lang: Hanipha- Thu Thảo -16/7