Meng di tuk trun mblang kapar haoh Orly di gah maraong lingiu ban ine Paris di maong 1, 15 minit harei 03/11, tui maong pak nan, kapul dom urang kapat glaong di Rajaei Việt Nam kayua Thủ tướng Rajaei Phạm Minh Chính ba akaok hu nao rivang saong caik paok bingu di rup patau Wa Hồ, hu caik dalam mblang bein Montreau di ban Montreuil. Thủ tướng Rajaei Phạm Minh Chính haong Thị trưởng ban Montreau, ong Patrice Bessac saong dom urang lambaok hu mbaok tame gam caik bingu, caik 1 minit piah pahadar Wa. Brei panuac salam uan kapul lambuak pakat glaong di Rajaei Việt Nam, Thị trưởng Patrice Bessac brei thau, rilo thun tapa, Montreau hadah mbaok mata lac labik pok je Chủ tịch Hồ Chí Minh, lac sa angan je di bruk mesuh pacang chủ nghĩa đế quốc, thực dân saong Wa jeng lac sa urang ngak ilamu biak hadah krah.

“Patagok bhum taneran krong Cửu Long oh lac ka bhum  bo daok brei ka abih  labik, dalam nan hu ban raya  Hồ Chí Minh song ka taneh ia. Khin patagok hu bhum palei ye bruk camereip dom tỉnh ban njauk pataom tame ngak patagok jalan mbak nao mai”- Nan lac panuac ndom di Phó Thủ tướng Lê Văn Thành, Akaok Hội đồng tacei ba bhum taneran krong Cửu Long di nyaom biai online pataom mek panuac ka pasiam bruk padang ngak bhum taneran krong  Cửu Long tuk vak 2021-2030, pamong tal thun  2050 peih tabiak di harei  3/11 pak di jabat rajaei. Jeng tui Phó Thủ tướng, ia lac kadha praong di bhum taneran krong Cuu Long. Kayua yau nan ye brei pataom tame khik ramik halau ia iek tui tong yaom prein pabak di halau ia. 

  Meng di maong 12 melam  4/11, taong abih dom bruk ngak kinh tế - xã hội di dalam ban Phan Thiết, tỉnh Bình Thuận hu peih ngak tui pakat 3 (bhum katam) kayua dom urang F0 tagok biak rilo. Công an ban Phan Thiết meda dang akaok pambuak haong UBND dom phường, xã peih bruk padang dom bilai pacang viek ka nyu lagaih di dom bhum bhong, bhum katam piah khik ramik bruk tame, tabiak tui adat ka bruk pacang caga jit COVID-19. Dom bilai pacang viek hu peih ngak tani tanat, lagaih dalam bruk khik ramik saong lagaih haong dom bruk di dalam bhum palei.

  Rilo kỷ lục bahrau di angaok drak pasa chứng khoán dalam mbang giao dịch harei 3-11 tuk hu labaih  1,5 tỉ cổ phiếu pablei tapa tangin dalam drak pasa glong di abih ngan song jiak 52.000 tỉ đồng, samu 2,28 tỉ USD.  Ni lac harei, bo yaom  jien  giao dịch mek hu tanut glong di abih dalam  21 thun sajarah drak pasa chứng khoán Việt Nam  peih ngak.

Bier harei kabroi (03/11) sruh gilai 276, Bhum 2 Hải quân  hu samu daong ka bhap bini taong ikan Bà Rịa – Vũng Tàu njauk bala di gilai taong ikan angan BV93161TS di bhum tasik jaik taphia Việt Nam – Inđônêxia.  Dahlau di tuk daok ngak bruk pasang iek, daong khik tasik labik jaik taphia ye sruh gilai 276 taduan hu tín hiệu cấp cứu urang taong ikan njauk bala di gilai hu angan BV 93161TS. Gilai 276 samar drah nao tal labik gilai taong ikan nan, samar drah ba urang taong ikan angan Nguyễn Văn Kiên, ndik tapui thun 1982, daok di Nam Định njauk bala ngak tahak 3cm dalah tuk daok pataom mek lưới cào, darak tabiak biak rilo, ba tapa gilai 276. Hadei di 1 maong taong ruak, urang nan hu pasiam viek, prein yava hu tani tanat, gilai 276 hu jao urang taong ikan mai ka gilai BV 93161TS.

Gah Y tế dunya (WHO) brei adat pandar chip ka  vaccine pacang Covid-19 Covaxin di Ấn Độ. Cô-va-xin lac  vaccine kayua  công ty jru  Bharat Biotech  roh duah,  patagok .  Tui panuac khan di gah ngak tabiak , vaccine Cô-va-xin hu siam lagaih tal  77,8% pacang veik dom  ruak di  Covid-19, 65,2% pacang veik  biến chủng Delta. Tal tuk vak ni  Ấn Độ klauk hu labaih  1 tỷ 70 triệu mbang  vaccine Covid-19 dalam bruk klauk pacang caga jit prong ni.

Tổng thống Mỹ Joe Biden harei 03/11 brei thau vaccine caga Covid-19 ka ranaih umo meng 5 tal 11 thun hu caik di labaih 20 ribau labik di grauk taneh ia Mỹ. Dahlau di nan, Cục khik ramik pandap mbang saong jru tavao Mỹ (FDA) saong Pasak pasang iek saong pacang caga jit ruak (CDC) hu brei adat pandar samar drah vaccine di Pfizer ka ranaih umo ni di Mỹ.

Harei kabroi, sa sruh kapan haoh pajeng pandap di Belarus  laik song  khuah di  ban Irkutsk, bhum Siberia, negar Nga, ngak ka tong abih 9 urang angaok kapan haoh metai.  Urang ngak praong di Nga brei thau  kapan haoh pajeng pandap angan An-12 ni di hãng kapan haoh Grodno, Belarus khuah dom minite  dahlau di tuk par trun./.

Urang lang: Thu Thảo & H.Pha – 4/11/2021