Thủ tướng Rajaei Phạm Minh Chính

Meng harei 03/11 tal harei 05/11, Thủ tướng Rajaei Phạm Minh Chính meda hu mbang rivang negar Cộng hoà France. Mbang rivang hu dui pachrieh bruk caik hatai sangka, brei thau meng rilo blah mbao praong di France, dalam nan ndom rilo tal bruk Việt Nam meda lac talei pambuak di châu A saong châu Âu meng chính trị saong  kinh tế saong peih tabiak jalan praong ka bruk pambuak gauk gah kinh tế di dua gah. Di Paris, Thủ tướng Phạm Minh Chính hu danak dak ngak bruk biak rilo haong dom công ty, tập đoàn kinh tế praong dang akaok di France dalam mbang rivang dui atah labaih 48 maong.

Labaih 10 harei tapa, jit COVID-19 mboh tagok gilac veik di rilo tỉnh ban gah merong. Bruk njauk duh hatai nan lac jit dok tagok dalam dom sang mac  hu rilo urang ngak di dom labik ngak cong. Mban tacei jalan pacang caga jit  COVID-19 di dom tỉnh, ban dok batabiak rilo jalan ngak piah pasang iek jit dalam tuk vak bahrau. Di Bạc Liêu, harei  2/11,  tỉnh njauk patagok tanut jit ruak  di  tỉnh meng pakat  2 (bhum katam) tagok pakat  4 (bhum meriak).

Abih tih dom xã, phường, ban sit di dalam tỉnh Cà Mau jeng hu salih pakat jit jeng pakat 2 tagok. Bier harei, mBan tacei jalan pacang caga jit Covid-19 tỉnh Cà Mau hu ginum biai samar drah haong abih tih dom xã, phường, ban sit piah ba tabiak dom jalan pacang caga. Dalam harei, dalam tỉnh hu viek 200 urang F0 dalam rahra. Urak ini F0 njom dalam rahra di tỉnh Cà Mau hu duah mboh di dom sang mac, xí nghiệp, gam dalam dom bhum palei. Ong Nguyễn Tiến Hải, Bí thư Tỉnh uỷ Cà Mau brei thau, prein taong ruak F0 di tỉnh njauk di tanut mbaih atau bier jang. Mayah oh pacang caga hu, cakak hu labik njom mbak meng dom sruh jit njom dahlam rahra ye lac tapa prein taong ruak, mbuan ba tal metai glaong, bruk ini meda kan kandah jang.

Bier harei 2-11, UBND tỉnh Bình Thuận hu ramik veik, pabak dom bruk di anak meta ka jalan  “palagaih salamad, sami samar, pasang iek siam jit  COVID-19” tui dom pakat dalam tuk jit ruak dok kan kandah, tagok glong. Tui nan, tỉnh brei padang  labik pasang iek di dom xã, phường, ban sit lac bhum meriak  , bhum katam piah khik ramik bruk tame tabiak song ieu bhap bini  brei hu harak  chứng nhận klauk ginup  vắc xin atau hu harak  lac thit ruak, atau dut iek mboh âm tính dalam 72 tuk.

Urak ini dalam taneh ia hu labaih 695 ribau ha pala cà-phê, sản lượng labaih 1,7 triệu tấn sa thun. Dalam nan, bhum Tây Nguyên lac 585 ribau ha, sản lượng labaih 1.6 triệu tấn. Tukvak tapa, jit Covid-19 rahtabiak sarau kadhau, hu dom labik peih bruk paatah di gauk nan ye ngak kan kandah tapak tal bruk sangka, thâm canh ngan haong dom bien cà-phê. Urak ini, yaom cà-phê daok tagok min kayua njauk kan kandah di jit, kurang manuac paik, jien buh tame tagok… ngak ka mauac pala saong doanh nghiệp jeng gaok biak rilo kan kandah tuk yam tame bilan pala birau.

Urang pal akaok di labaih 100 taneh ia, dalam nan hu  Brazil, Trung Quốc, Mỹ, hu panuac sinya palahik bruk jah tah  glai  dalam thun 2030. Panuac sinya di dom taneh ia dalam harei  2-11 hu tong yaom lac sa dalam dom bruk siam mekre di nyaom biai mbang ka  26 dom gah hu mbaok tame  Công ước khung di  Liên Hiệp Quốc ka bruk biến đổi khí hậu (COP26) di  Scotland (Anh).Min, hu rilo panuac ndom lac brei hu dom jalan ngak khang piah ngak hu bruk nan...

Dalam 24 maong tapa, di negar Nga hu labaih 39 ribau urang njom bahrau jit Covid-19, takik jang tanut jaik 41 ribau di 2 harei dahlau di nan, min dom urang metai jeng daok di tanut glaong, jaik 1.180 urang. Dalam sa bilan, di Nga hu labaih 1 triệu urang njom Covid-19. Bhap bini negar ni jeng daok dalam dom harei oh nao ngak bruk saong hu rilo bruk pacang cakak hu peih ngal piah pacang caga bruk njom mbak jit ruak.

Dom urang ngak praong di Taliban brei thau 2 mbang patuh pamong tame sa sang iek ruak  quân y ngak megei ban ine Kabul, Afghanistan dalam harei  2-11, ngak brei takik di abih 19 urang metai song  34 urang njauk rambuac. Yaom lac oh hu urang halei tabiak mbaok taduan ngak, hãng tin di pak ni Bakhtar ba panuac di dom urang mong mboh brei thau  dom urang pal phao di gah IS nyu tame sang iek ruak song mesruh gauk haong gah  an ninh./.

 Urang lang: Thu Thao & H.Pha – 3/11/2021