Thủ tướng Rajaei Phạm Minh Chính brei panuac di nyaom biai

Mesup ini (6/9), ala bruk tacei ba di Thủ tướng Rajaei Phạm Minh Chính, Rajaei hu peih nyaom biai bilan 8 thun 2021 piah ginum biai bruk kinh tế - xã hội bilan 8 haong 8 bilan di thun 2021; bruk peih ngak Sarak ka 01/NQ-CP di Rajaei, bruk kinh tế-xã hội thun 2021 saong jalan patagok kinh tế - xã hội thun 2022; bruk buh jien tame ngak di karja thun 2021, bruk kuhria ngak di thun 2022; bruk rami ramik veik kinh tế tukvak 2021-2025 haong dom bruk praong karei karei. Dalam tuk jit ruak COVID-19 mbang ka  4 tamuh khang, kan kandah tal raidiuk, prein yava, bruk metai lahik di bbhap bini, kan kandah tal bruk ngak kong, bruk ngak mbang di doanh nghiệp, kinh tế- xã hội taneh ia drei daok khik hu tani tanat saong mek hu dom jak jeng siam mekre, yau ye tanut blei pandar CPI bilan 8 tagok 0,25% duk haong bilan dahlau saong tagok 1,79% duk haong tukvak ini thun blaoh. Bruk kinh tế praong hu tani tanat, lạm phát hu pacang veik.

Patui jak jeng di dua lô pandap dahlau, lô pandap ka 3 hu 180.000 bộ kit dut iek, trak jaik 3 tấn meteh, hu Vietnam Airlines pajeng angaok sruh kapal haok par tapak meng Frankfurt (negar Đức) hu mai tal blaoh mblang kapal haok pakat dunya Cam Ranh ( tỉnh Khánh Hòa). Tui kuhria yaom dom pandap nan jaik 615.000 euro. Danak dak alin hadiah 1 triệu bộ kit dut iek ka Việt Nam hu Gah daong Sang bac Đại học Dunya Đức (WUS) ba tabiak tui jalan sahneng di Vietnam Airlines. WUS lac gah pambuak bruk praong saong lavik thun di Vietnam Airlines dalam bruk pambuak gauk pato pakai sinh viên, pambuak bruk di dom sang bac đại học di Việt Nam haong Đức jeng yau dalam dom bruk daong ka menuac sia.

Meng mon 5 biar harei 5/9, dom anek saih pakacah abih tukvak ramik veik hatai caong tut angan pilih ruah đại học, cao đẳng mbang 1 iek tui bruk pakacah tamat Trung học Phổ thông thun 2021. Tui yaok pataom di Vụ Pato pakai Đại học (Mintri Pato Megru), abih tih dom anek saih pakacah ramik veik hatai caong tut angan pilih ruah lac 358.659, meblah 45,09% duk haong abih tih dom anek saih pakacah tut angan pilih ruah. Sở Pato Megru Hà Nội hu rilo di abih anek saih ramik veik hatai caong, patui di nan lac Sở Pato Megru ban raya Hồ Chí Minh.

Thượng tá Lê Mạnh Hà, phaok akaok jabat tham mưu Công an TP.HCM brei thau, tukvak di harak nao jalan hadei di harei 6/9 daok iek tui bruk dui atah tukvak pa-atah di gauk di UB bhap bini ban raya. Tui nan, ban raya brei pa-atah di gauk tal harei halei, công an ban raya brei dui atah tukvak di harak nao jalan tal harei nan, oh salih harak nao jalan bahrau ka dom menuac hu brei harak dahlau di nan. Ong Hà jeng brei thau, Công an TP. HCM haong dom gah karei brei bak tame yaok harei dom dữ liệu pambuak tal bruk klauk vaccine, urang ruak  COVID-19 saong urang thit ruak, dom urang hu brei harak nao jalan, dom bruk ka  an sinh xã hội tame dữ liệu  di taneh ia piah khik ramik saong daok peih praong jang labik pasang iek meng mã QR, hadei di ini oh cang tal harak nao jalan piah pasang iek dom menuac nao mai angaok jalan.

Meng hatung hatain dalam dom harei yaok urang Việt Nam kol drei mesruh haong jit ruak, kan kandah, mBan Văn học Nghệ thuật (VOV6) di Rayo sap ndom VN bahrau peih kadha bahrau, angan lac “Thư bilan jit”. Kadha nan hu mbaok dom nhà văn, nhà báo haong menuac pang rayo dalam taneh ia. "Thư bilan jit" hu papar sap dalam danak dak Văn nghệ Chủ nhật papar sap tuk mon 8 melam haong mon 6 meteh, melam Adit yaok adit angaok riyak Fm 96.5 Mhz haong blah web: VOV6.VOV.Vn. Urang pang rayo meda payua kadha vak di labik phongvanhocvov@gmail.com, vak gah langiu lac “Thư bilan jit” atau payua tapa jalan bưu điện di labik Phòng Văn học, Ban Văn học Nghệ thuật (VOV6), Rayo sap ndom Việt Nam, labik 37 phố Bà Triệu, quận Hoàn Kiếm, Hà Nội.

Hadei di tuk cap mekTổng thống An-pha Công-đê (Alpha Condé) saong klaak Rajaei, gah pajaleih karja di Ghi-nê harei kabroi tabiak bruk giới nghiêm dalam taneh ia, saong brei salih dom thống đốc haong dom tỉnh trưởng meng dom sĩ quan quân đội  dalam palei.

Meng harei ini 6/9, danak dak daong jien ka urang oh hu bruk ngak brei tamat dalam taneh ia Mỹ. Dalam tuk nan, nền kinh tế praong dhi 1, dhi 2 di dunya ini jeng daok  5 triệu 300 rabau bruk oh ka pasiam veik hu. Tui panuac khan di rajaei harei 3/9, dalam bilan 8, dom urang pilih ruah bahrau brei pabak 235.000 labik ngak bruk. Urang ilamu kinh tế ndom lac bruk ini tantu ngak trak damak tagok urang lahik bruk ngak. 

Mỹ daok dang anak dom khat lahik daok tagok di mbang rabuk I-đa, tuk dom menuac metai tagok tal 63 urang, dalam tuk di bang Lu-di-an-na (Louisiana), jaik 600 rabau sang oh ka hu điện, 1 adit hadei di tuk rabuk tuh tame baoh taneh. Rabuk I-đa jeng ngak klaoh abih dom bruk ngak menyek di Vịnh Mê-hi-cô. Tổng thống Mỹ Giâu Bai-đừn (Joe Biden) sanya ieu pataom dom kadung jien liên bang piah daong ka dom puk palei pasiam veik khut khat di ribuk./.

Urang lang: M.Phuong - 6/9/2021