Pathau mikva saong taong abih gauk! Dalam tuk dom janih pandap mbang menyum oh siam, oh an toàn bak angaok darak, rilo urang blei pandar daok duah tal sa janih pandap mbang siam jang, nan lac hu raong pala meng janih hữu cơ. Ini lac jalan nao barau di ralo urang blei pandar urak ini, kayua pandap siam, hu asal cambaih laih saong khik hu hacih sa-at. Kadha vak di urang vak Chung Thủy hu ndom tal bruk ini: 

Jaik 2 bilan tapa, saai Nguyễn Ngọc Hoa, daok di phường Trung Hòa, Quận Cầu Giấy (Hà Nội) lac tuai bhian mai blei pandap di cửa hang pablei thực phẩm hữu cơ piah blei dom pandap siam abih ka var mbang yaok harei. Tapa duah thau saai mboh lac, thực phẩm hữu cơ lac dom pandap siam oh hu dom janih jru pachreih tang trưởng atau tạo nạc, hu raong meng pandap mbang tự nhiên yau: haleik, brah. Chất lượng di pandap mbang hữu cơ jeng glaong jang pandap thông thường karei.

Saai Nguyễn Ngọc Hoa lac: “anak meta bo dahlak mboh nan lac bruk cảm quan. Cảm quan pandap hu ba mai ka dahlak bruk sanang hatai. Sơ chế pandap mbang jeng yau pandap bo dahlak taong yaom, biak mekre meta, khik hu hacih sa-at jang duk saong bruk blei dom pandap langiu darak, kayua hu tame paok saong hu asal cambaih laih. Ka dua lac dalam tukvak chế biến, dom pandap bo dahlak bhian pandar lac ralo oh hu bọt bẩn, tuk ngak tasak oh mbau jru kháng sinh. Ngan saong ikan, ralo menuk, ye  ralo dai saong chắc, dahlak biak njauk hatai ka chất lượng,ralo bingi, yamen”.    

Pandap mbang hữu cơ angaok darak urak ini hu biak rilo janih yau njaum patam, ralo menuk, ralo pabui, giò, chả, ikan hữu cơ… Tapa pasang iek di dom cửa hang pablei pandap hữu cơ, yaom janih pandap ini sit jang meng 2 tal 3 mbang duk saong yaom pandap pablei langiu darak atau dalam siêu thị. Cambaih laih nan lac, ralo menuk 250 ribau sa kg, ikan thu 450 ribau sa kh, hadang sú 580 ribau sa kg, giò chả 250 ribau sa kg.

Saai Nguyễn Ngọc San, po dom cửa hang pablei pandap mbang hữu cơ Clever Food di Hà Nội  brei thau, piah hu pandap mbang hữu cơ mek hu tanut chuẩn ye meng bruk raong, iek glang tal tuk sik ngak ralo, khik ramik meda kan kandah jang saong abih ralo tukvak jang  duk saong pandap mbang thông thường (tukvak raong bhian dui atah meng 6 bilan tal 1 thun meng hu sik ngak ralo). Dom janih ikan hữu cơ hu taong cap tự nhiên di pulao Phú Quốc, sông Lô, sông Đà... Yaok harei, dom cửa hang Clever Food hu meng 150-200 mbang tuai mai blei pandap mbang hữu cơ: (tuai blei bhian gaok kan kandah kayua hatai sahaneng saong chất lượng pandap. Min, tuk pandar pandap hữu cơ mboh karei jang duk saong pandap mbang an toàn kayua độ yamen, pahe di pandap. Tukvak tal, pandap hữu cơ hu tuai sangka ralo jang saong urang blei pandar hu pamaong tal bruk an toàn tuyệt đối jang ka pren yava meng jalan palih ruah dom pandap hữu cơ). Saai Nguyễn Ngọc San khan lac yau nan

Urak ini, di HN hu jaik 100 cửa hang pablei salih pandap hữu cơ, meng ưu thế saong độ an toàn glaong jang, pandap hữu cơ dak harei dak pachreih urang blei. Ong Lê Văn Hưng, Phaok Giám đốc pasak chứng nhận hữu cơ, di hiệp hội ngak nông hữu cơ VN brei thau, tuk duah blei pandap hữu cơ, urang blei pandar brei nao tal dom siêu thị atau dom cửa hang pablei salih pandap mbang menyum hữu cơ hu angan je, pandap hu công nhận, chứng thực di hiệp hội hữu cơ VN. Ong Lê Văn Hưng lac:

 (Pandap mbang menyum hữu cơ di Việt Nam jeng yau angaok dunya hu taong yaom lac siam mekre, hacih sa-at di abih. Kayua tukvak ngak pandap hữu cơ hu pasang iek catang dom nguyên liệu đầu vào. Dalam sản xuất hữu cơ oh pandar khak drak, oh pandar jru pametai halak, jru pachreih sinh trưởng saong taneh jeng yau pandap mbang ka dộng vật hu pasang iek biak catang. Kayua pandap lac pandap hacih sa-at, khik kajap vệ sinh an toàn thực phẩm. Dom taneh ia tiên tiến angaok dunya jeng yau VN urak ini  urang blei pandar daok duah tal pandap hữu cơ hacih sa-at, dalam tuk taneh ia daok mesruh pacang pandap mbang oh siam ye ini lac jalan palih ruah siam, gheih.

Pandap mbang hữu cơ daok jeng sa trào lưu blei pandar jeng yau đầu tư sản xuất. Min, urak ini, VN oh ka hu quy định halei cambaih laih ka chứng nhận hữu cơ saong pasang iek pandap hữu cơ tuk ba tabiak drak pasar. Kayua yau nan ye, karja brei hu jalan khik iek piah hacih patih darak pasar, gam khik kajap quyền lợi urang blei pandar saong khik caga dom doanh nghiệp ngak mbang tapak tapaiy, nyaik bruk oh cambaih laih asal saong chất lượng pandap, ngak lahik hatai jia di urang blei pandar./.