Meng ban sit Đà Nẵng, nao tapa jiak 200 kilômét jalan mbon ceik glaong biar, khol hulin hu mbaok di palei Keo, huyện tapen negar Kà Lùm, tỉnh Sê Kông di negar Lào. Ni lac mbang nao kayua Cụm Đoàn khối Cơ quan Trung ương bhum kreh negar, Cảng hàng không Quốc tế Đà Nẵng peih ngak, ba pandap tết alin brei mik va bhum ceik Tây Giang, tỉnh Quảng Nam song urang kan kathaot di negar Lào. Dom pok pandap yaom lac sit min bak hatai anit ranam di dom urang đoàn dam dara, di mik va di bhum taneran payua tagok mik va bangsa takik di bhum ceik. Jiak 200 pok pandap dalam nan hu brah, menyek mbang, mì tôm, har kẹo, phui, khan aow liar... hu ba tal tangin mik va 4 palei di huyện Kà Lùm, tỉnh Sê Kông, negar Lào. Amuk A Vô Tưn, bản Keo, huyện Kà Lùm, tỉnh Sê Kông- Lào bui sambai lac:

Khol hulin daok di Lào biak kan kathaot. Darphol dom ayhut hu dong ka khol hulin, brei khol lin jru tavoa tuk ruak kik, brei khol lin rilo janih yau ye brah, mì tôm, bột ngọt. Darphol tong abih dom hagait bo ayhut ba mai ka khol lin.

Dom thun tapa, urang jakar, urang đoàn, dam dara Cảng Hàng không Quốc tế Đà Nẵng bhian peih bruk an sinh xã hội. Bahrau ni, đơn vị ieu pataom hu 100 triệu đồng padang sang anit ranam brei ka 2 boh sang kan kandah di Đà Nẵng. Dom harei jiak tết sak kara, Công Đoàn Cảng hàng không Quốc tế Đà Nẵng hu jak ba urang jakar viên chức rik dong pandap brei ka mik va Cơ Tu huyện bhum ceik Tây Giang, tỉnh Quảng Nam song negar Lào. Ong Tô Ngọc Hải, Phó Giám đốc Cảng Hàng không Quốc tế Đà Nẵng khan lac, mai tal mik va bhum ceik dak mboh drei brei hu trách nhiệm klah rabha kan kandah song mik va kan kathaot

Tuk khol hulin mai tal labik ni meda lac sa bruk tatuak drei ka hulin song ka tong abih đoàn. Jalan nao atah dhua,, di angaok jalan mboh drut droi, dak nao dak mboh tatuak drei, meng bruk kan kandah di mik va. Mai tal labik ni meng hatai anit. Nao yau nan, khol lin meng mboh lac hatai anit saong trách nhiệm di khol hulin njauk patagok

Dom sruh radeih tagok bhum ceik dok hu yaok rituh urang đoàn dam dara song Giảng viên dom sang bac Đại học Kiến trúc Đà Nẵng, Đại học Kiến trúc ban raya Hồ Chí Minh. Dom pok pandap ndung bak hatai anit, dalam nan hu phui, khan, brah brei ka mik va Cơ Tu di xã Ating, huyện Đông Giang, tỉnh Quảng Nam kayua dom ayhut nao jak ba meng dom kapul nyaom, urang ngak pahla, DN, lac jien pablei phế liệu di yaok harei adit. Huỳnh Văn Nở, sinh viên Đại học Kiến Trúc Đà Nẵng khan lac:

Tuk jak ba hu jien, likau hu kinh phí ye tal ni piah alin hadiah. Yaom lac nyu biak sit min drei mboh nyu biak hu makna, hu yaom glaong ngan saong dom boh sang kan kandah dok di labik ni.

Ong Lê Hoàng Linh, Phó Chủ tịch Ủy ban bhap bini  huyện Tây Giang, tỉnh Quảng Nam brei thau, mik va kan di bhum ceik Tây Giang biak iek prong dom kapul, nyaom, urang ngak pahla song urang đoàn, dam dara oh huac jalan mbak atah bayah nao mai kan kandah.  “Sa candaih tuk lipa samu sa pok tuk trei”, “hala siam papaok hala tahak”  dom bruk sangka yaom lac sit atau prong, min biak hu yaom glaong, lac bruk pachreih ba, ngak chreih hatai mik va bhum ceik glaong tuk raok thun bahrau:

       Caga tết sak kara 2016, mik a di huyện Tây Giang taduan hu rilo bruk sangka di dom kapul nyaom, urang ngak pahla mai rivang, pachreih ba. Abih di nyu nan lac hu alin brei pandap panda yau brah, mesin, sara, bột ngọt dong ka mik va Tây Giang uan raok tết dalam bui sambai, chreih chrai./.