Dua xã Phước Hữu saong Phước Thái di huyện Ninh Phước, tỉnh Ninh Thuận lac labik hu ralo bhap bini chăm daok. Xã Phước Hữu hu jaik 20.000 bhap bini, urang chăm meblah tal 58%. Daok Phước Thái hu 12.000 menuac, saong urang chăm meblah labaih 70%. Urang chăm tok di ngak nông. Dom thun jaik di ini, kayua ralo yếu tố tác động, dalam nan hu biến đổi khí hậu nan ye bruk san xuất di mikva gaok ralo kan kandah. Urang chăm di labik ini hu yam tapa dom kan kandah piah patagok, salih barau jalan sahneng ngak kinh tế, pambuak gauk dalam sản xuất saong pablei kaya nông, ba mai kein laba kinh tế glaong. Meng hu bruk salih barau ini, kinh tế di bhap bini chăm daok di huyện Ninh Phước kaya meda jang dahlau, paglaong jien mek tame, kuhria rah tapa tui akaok menuac lac 10 triệu đồng yaok thun. HTX sản xuất pablei salih dịch vụ kaya nông  Hoài Trung xã Phước Thái, huyện Ninh Phước, tỉnh Ninh Thuận lac sa dalam dom HTX ngak bruk hu kein laba ngan saong 291 thành viên. Taong abih thành viên jeng lac urang chăm. Thun 2016, HTX hu jien mek tame jaik 1,5 tỷ đồng, laba jaik 500 triệu đồng. Ong Lưu Văn Hiệp, akaok Hội đồng quản trị gam lac Giám đốc Hợp tác xã sản xuất pablei salih dịch vụ kaya nông Hoài Trung xã Phước Thái, huyện Ninh Phước, tỉnh Ninh Thuận brei thau dom siam lagaih dalam thun barau 2017: 

Sap Chăm

Bhap bini chăm yaom lac oh ka tapa truh kan kathaot min hơi ấm di bilan xuân thịnh vượng hu mai saong ralo baoh sang. Dom thun tapa, huyện Hàm Thuận Bắc, tỉnh Bình Thuận hu peih ngak ralo sarak di tỉnh, TƯ ka bruk patagok kinh tế dalam bhum bhap bini chăm yau: peih bruk peih taneh bilau, brei 248 ha taneh sản xuất ka 276 baoh sang; langyah ka 378 baoh sang mesraiy ngan saong saong yaom jien labaih 375 triệu đồng piah blei 78 drei limo menek… Meng nan, rai diuk di bhap bini chăm dak harei dak kaya meda jang. Ong Thông Khói urang hu angan je dalam bhap bini chăm palei 3, ban sit Ma Lâm, huyện Hàm Thuận Bắc, tỉnh Bình Thuận bui sambai lac:

Sap Chăm

Yam tapa dom glaih glar urak ini, gam uan rok sa thun barau mai tal, bhap bini chăm di ban raya HCM daok patagok dom jalan siam lagaih mai meng bruk hội nhập kinh tế dunya piah yam tagok ngak kaya meda. Meng bruk pablei salih dom pandap duh ka urang Islam dalam taneh ia saong dunya, mikva duah hu jien mek tame biak glaong saong ba bruk ngak ka ralo urang ngak lac urang Chăm. Ong Lý Du Sô, akaok mban lambaok bhap bini Chăm Islam ban raya Hồ Chí Minh brei thau:

Sap Chăm  

 Thun barau mai tal grap puk palei ba tui dom caong khin ka dom bruk siam mekre di tukvak anak tal. Bhap bini chăm daok di tỉnh An Giang daok kham merat padang rai diuk trei sil, hanem phon. Tui ong Gosaly, Chánh văn phòng Ban lambaok bhap bini Islam tỉnh An Giang, tỉnh ini hu labaih 16.894 urang Chăm. Dahlau daih, dalam bhap bini khik kajap ralo adat cambat tanarakun. Meng ngak tui sarak di karja saong jalan diukrai bahrau, mikva hu klak meneng dom adat cambat oh siam, dak padang rai diuk bahrau, siam mekre.

Sap Chăm

Caong lac, dom kham merat salih barau saong bruk jum pataom nan hu peih tabiak jalan patagok di bhap bini chăm Nam bộ dalam thun barau anek sak menuk 2017 saong dom thun anak tal./.