Urak ni, ong ngak Ndam ndoc di sang iek ruak ĐH Y Hà Nội 

Lac sa rahra, ngan saong dahlak hulin, 1 thun Covid blaoh bak dom bruk, dom kadha ngak ka dahlak hulin kan var hu. Taong abih janih yau bahrau rah tabiak harei kabroi. Kol drei, hadei di 1 melam ndih tagok, yaok janih oh daok yau klak tra. Meng bruk hit yaok harei dalam sang, bruk bac da-a di sang bac, bruk ngak di jabat karja .... jeng brei tui danak dak bahrau.

Dom harei ban raya oh hu 1 binguk menuac halei yaom lac harei nan oh lac harei 1 bingun akaok thun bahrau. Hu melam, tuk mbang jit camereip daok cadu trun, kapul kol dahlak hulin daok la tapen gauk menyum alak vang di quán tapen jalan bhian randap, tatuak drei mehit lac hu urang njom ka 17. Atau dom page mesup dahlak hulin haong urang ngak bruk ka drei daok cang thau ka bruk dut iek dom urang F1 di 1 urang F0 tabiak langiu jalan. Dalam taneh ia, oh lac 1 mbang, bo meda lac tuk halei jeng ba gauk  lac: "likau Po langik sraong daong!".

Daok ngan saong 1 bác sĩ, dahlak hulin haong dom urang ngak gah y tế hu panuac ieu lac "menuac dalam bruk", ye oh tuk halei meda var hu "thun camereip saman Cô vy". Sa thun bak srau kadau haong bruk ngak. Sang iek ruak Đại học Y Hà Nội rah tapa rilo kan kandah, glaih glar. Kol dahlak hulin hu tame bruk biak aval saong tuk halei jeng ngak tui panuac kakei di rajaei glaong jang 1 tanut. Hu dom tuk glaih glar tal mbang oh hu tuk 1 urang ngak di kol dahlak hulin mboh yau njom ruak. Abih gauk dalam kapul kol dahlak hulin samar ba tabiak bruk pacang jit di sang iek ruak, patuah lac oh hu hagait rah tabiak.

Dahlak hulin kanal hadar tuk dom kapul “bác sĩ, điều dưỡng lao” nao dalam melam tame sruh jit di bhum kreh negar, dom video tacei pato pacang caga jit, mek mẫu par nao biak samar oh lah hagait, jamriak automatic duk pandiak rup pabhap, bilik pilih duah Covid "container" lac dom pandap "made in" di kol dahlak hulin mbang camereip hu ba tame pandar. Jeng meng kan kandah di jit praong, danak dak Iek ruak meng atah Telehealth hu peih tabiak ngak mbang camereip abih di sang iek ruak Đại học Y Hà Nội harei 18/4. Mbiah tal harei ini, jaik 200 sang iek ruak hu mbaok tame kalup kapul Telehealth di kol dahlak hulin. Jaik 10 bilik khám online Telehealth hu gam taneh ia Lào, Korea saong bahrau ini, lac Japon hu peih tabiak ngak bruk, ba mai chreih chrai bahrau dalam bruk iek ruak di Việt Nam.

Dalam jit praong, kan kandah mblo tabiak jak gheih, hu biak rilo hatai sahneng ngak hu jeng bruk. Dahlak hulin oh thau hu cambaih yaok bruk ngak, min meda lac gah Y kol dahlak hulin hu praong tagok rilo di abih tapa 1 thun jit ruak.

Nan lac makna ngak ka dahlak hulin jia lac, meyah kol drei daok pambuak kajap haong dom jalan ngak di drei, pasang iek hu siam dom menuac meng gah langiu tame taneh ia, anek virus kanjah jhak kan si njom tame saong ngak srau kadau raidiuk sron mbon ini.

Duh hatai saong caong khin praong abih di dahlak hulin lac hatai jia tame bruk pacang jit di gah Y tế bahrau tamuh tabiak oh njauk dui jaleih meng dom drei halak ngak khut gaok ia bai. Daok bruk klauk iek vaccine "made in Vietnam" , caong lac ngak iek angaok anek menuac hu jak jeng siam mekre. Kol drei jeng daok nao njauk jalan ba tabiak, lac: kreik pabah mbang haong dom taneh ia daok hu bruk pasang iek, brei daok pa-atah di gauk mbiah tal tuk vaccine tagok hu siam lagaih.

Di thun ka 2 ini, kol drei jeng meda hu dom urang njom mbak tabiak bhap bini, atau hu dom labik, dom sruh jit. Min dahlak hulin jia tame bruk pacang cakak saong duah dom menuac taom gaok urang ruak, saong jit jeng daok dalam pasang iek hu. Daok bruk caong peih pabah mbang nền kinh tế anak tal daok pagam pambak biak rilo tame bruk siam lagaih di vaccine.

Min daok 1 janih "vaccine" karei bo dahlak hulin daok maong akaok, nan lac hatai pacang jit tapak, biak, oh ndom rilo jang bruk biak di nyu. Yau yaok thun, kol drei tuk halei jeng daok la veik haong gauk piah tacei tabiak dom bruk oh ka ngak siam, dom labaih, kurang. Tuk halei dom labaih, kurang, yaom lac sit sot, hu tacei tabiak brei mboh, kol drei meng salih karei siam jang. Dahlak hulin hu ndom haong menuac ngak di drei, lac kham merat biak rilo piah daong ka urang ruak hu mbang tui dom dom dịch vụ siam jang, saong dom y bác sĩ jeng hu labik piah patagok abih prein khang, ilamu ngak bruk di drei. Caong khin ini, likau ba tabiak klah rabha haong abih ngành Y./.

Urang lang : Mousaphuong -27/2