Mintri y te  peih bruk pathau khan tal dom quan huyen dalam ban

Thun ini, kol drei pahadar 76 thun Harei Cách mạng bilan 8 haong harei negar 2-9 dalam tuk taneh ia hu bruk biak karei. Hadar veik dom thun bilan hadah krah di sajarah bangsa 76 thun dahlau, jeng lac tuk  piah maong iek veik bruk mesruh kan kandah glaih glar di harei ini, taneh ia saong ban raya HCM daok mesruh pacang jit Covid-19. Dalam nan, bruk jum pataom bhap bini jeng daok tamo yaom glaong. Bruk jum pataom bhap bini hu jeng jalan ngak praong, lac kadha bac megru di cách mạng Việt Nam. Urak ini, anak jit praong, kol drei njauk patagok prein khang jum pataom bangsa, samar ba taneh ia mai veik raidiuk yau dahlau.

Ong Lê Minh Tấn - Yam ndok Sở LĐTB-XH ban raya HCM brei thau, tapa yaok pataom di dom quận, huyện saong ban Thủ Đức, mboh hu labaih 2 triệu 500 rabau rahra ban raya HCM daok gaok kan kandah kayua jit Covid-19.TPHCM daok ieu pataom yaok prein khang piah daong ka taong abih urang laik tame kan kandah, oh caik ka urang halei eik lipa, kurang mbang, kurang cuk. Bruk daong nan oh kuhria hagait tal hộ khẩu, urang halei kan kandah, lac hu daong. Tui kuhria, yaok rahra kan kandah hu daong 1 triệu đồng haong 10 kg brah.

Tui mBan tacei jalan pacang caga jit Covid-19 tỉnh Tây Ninh, hadei di 3 harei peih bruk duk iek dalam tỉnh, mboh hu jaik 100 mẫu mboh yau dương tính haong SAR-CoV-2. Tây Ninh peih bruk dut iek SARS-CoV-2 meng harei 15/8– 20/8 piah samar mboh, samar neh F0 tabiak saong samar pacang veik, brei daok karei,, cakak klaoh jalan njaom mbak dalam tỉnh. Ngan saong dom labik daok mek mẫu duk iek, dalam 36 mon kuhria meng di tuk mek mẫu, rahra oh brei tabiak truh sang piah cang thau bruk duk iek, lingiu di bruk cấp cứu, pui khuah, sang hu gauk gar metai…

Harei 18/8, labaih 400 urang jakar, urang lin di Bộ Chỉ huy quân sự (CHQS) tỉnh Đồng Nai hu tabiak bruk mbang tabung glaong tame pasak jit daong ka bhap bini yam tapa kan kandah kayua jit Covid-19. Đại tá Vũ Văn Điền, urang dang akaok Bộ CHQS tỉnh Đồng Nai hu panuac ieu, taong abih urang jakar, urang lin hu mbaok mbang ini, brei thau cambaih “6 kadha di abih”, nan lac: thau ka bruk ngak glaong di abih, dom jalan ngak brei hu peih ngak samu gauk, khang kadang di abih; prein khang pataom veik hu patagok di abih, prein khang daok kandauk dalam hu ieu pataom khang di abih, kein lagaih saong daong hu ka rahra rilo di abih, rup binguk “Bộ đội Wa Hồ” hadah tanjak di abih.

Panuac khan meng UB Trung ương MT negar Việt Nam brei thau: di ban Cần Thơ, Ủy ban Jum pataom urang catolic ban Cần Thơ, mBan jum pataom urang catolic dom quận, huyện, dom giáo xứ, dòng tu dalam ban  Cần Thơ jak ba, rik daong 56 tấn brah, 9 tấn njam patam, baoh kraoh saong 800 thùng mì gói, pandap mbang huak, 3.000 pok lisei, 300 triệu đồng… piah daong dom urang kan kandah saong dom kapul urang daok ngak bruk pacang jit Covid-19.

Karja Tổng thống Mỹ Joe Biden brei peih danak dak klauk vắc-xin pacang Covid-19 patagok ka bhap bini meng harei 20/9 tal. Bruk nan hu ba tabiak dalam tuk biến thể Delta meda njom mbnak glaong daok ngak brei patagok đột biến dom urang njom ruak bahrau dalam taneh ia, hu gam dom urang hu klauk ginup vaccine. Dalam tuk nan, di mbang họp báo di Geneva, Thụy Sĩ, dom urang ilamu di Gah Y tế Dunya (WHO) ndom lac tuk ini oh lac tal tuk klauk vắc-xin patagok. WHO ieu caik dom vắc-xin nan piah klauk ka takik di abih lac 10% menuac sia di dom taneh ia hu jien mek tame takik saong mbiah di dunya.  

Harei 19/8, kapul urang ilamu daong bruk ka Mintri Y tế, Lao động haong Phúc lợi Nhật Bản hu panuac lac, jit COVID-19 di taneh ia ini daok biak jhak, saong hu panuac ieu bhap bini patagok dom jalan pacang caga, abih di nyu lac takik tabiak truh sang meyah oh hu bruk hagait. Sa dalam dom makna ngak brei dom urang ilamu gah y tế di  Nhật Bản lac jit COVID-19 di taneh ia ini daok biak jhak, lac bruk dom menuac njaom bahrau di taneh ia ini gam gam tagok galong. Harei 18/8, Nhật Bản mboh hu veik 23.918 urang njaom bahrau. Ini lac mbang camereip abih dom urang njaom bahrau di taneh ia ini yam tapa tanut 23.000 urang sa harei.

Harei kabroi, jabat Liên Hợp quốc ka likei kumei samu gauk saong brei  quyền ka urang kumei (UN Women) sanya daong abih drei ka urang kumei saong uraniah kumei di Afghanistan. Dalam sa bruk pambuak tal kadha nan, jeng dalam harei kabroi, Ngoại trưởng Anh Dominic Raab brei thau, negar Anh meda brei tagok jang dua mbang bruk daong ngak pahala saong cakrok brei ka Áp-gha-ni-xtan dalam thun ini, tagok tanut 286 triệu bảng (lac jaik 394 triệu USD). Ong jeng hu panuac ieu dom taneh ia karei pachreih tui bruk ini piah khik ka rahra Áp-gha-ni-xtan meda samar taduan hu bruk daong ini./.      

Urang lang: Mousaphuong- 19/8