Urang glang kubao brei mbang hareik pak di bhum palei 

“Patao kubao” Nguyễn Hồng Ngự daok di palei 6, xã Lương Nghĩa, huyện Long Mỹ, tỉnh Hậu Giang. Bhap bini ieu sa-ai lac “patao kubao” kayua di bhum taneh  miền Tây ni, urak ni kan duah hu urang nong halei hu dalam tangin yaok rituh drei kabao yau saai.

Saai Ngự brei thau, saai glang kabau grauk bhum taneran krong  CL ni, labik halei hu rilo hareik ye saai ba tapon kabao nao tal. Rilo menuac sahneng lac urak ini raong kubao, glang kabao lac oh patuah, lac kan kandah, min ngan song saai  Ngự meng tuk rong janih anek athur ni  saai mboh lagaih jang rong dom janih menuk ada, athur karei  kayua tok abih haeik ka nyu mbang song sang saai dak harei  dak ginup meda patagok .

“Drei mboh bhum taneh ni nyu njom likun, rong anek hagaih jeng kan, kabao nyu lagaih song bhum taneh ni.Daok di labik gluh baok nyu jeng duik hu, drei oh ngak var raong, oh kak nyu veik jeng hu. Pagap yau gu kubao thun ni  yaom  40 triệu đồng min, tapa thun hadei gu kubao ni tagok  55 triệu đồng, laba hu 15 triệu đồng, drei duah hu pluh dom triệu, oh abih hagait, tok abih 2 - 3 paok hareik.

Meng sa drei kabao di tuk camereip njauk pataom abih jien, meh dalam sang song nyim di puk paga piah blei mai li ua padai, lavik lavik harei saai  Ngự pataom jeng tapol  meng bruk brei kabau binai menek; saong patak pataom jien duah hu meng bruk ba kubao nao li ua, dui hareik, dui padai .. ka bhap bini dalam bhum piah blei kubau. Meng nan bo tapol kubau di saai nyu menek tabiak dak harei dak rilo, meng dom pluh drei tui thun bilan nyu tagok  yaok rituh drei. Tuk hu tapol kubau rilo, saai Ngự brei ka urang dalam palei pah kubau song tal puac thun saai mek kubau mai, oh abih pren iek glang dalam sa thun, gam mek hu jien tame. Yaok thun, meng jien duah hu meng raong kubau, saai duah blei taneh di dom tỉnh ban dalam bhum yau  Cà Mau, Bạc Liêu , Đồng Tháp, An Giang…piah hu labik brei kubao daok tuk ba nao tal nan.

Urak ni  “patau kubao” jeng dok hu dalam tangin jiak  150 drei kubao tano, labaih  50 drei kabao binai. Yaok thun tapol kubao binai menek ka saai meng  40- 50 drei kubao anek. Meng bruk rong kubao saai hu dong bruk ngak ka jiak  15 urang ngak, ngan song jien bilan  6-7 triệu đồng/sa bilan. Taphia di nan, saai Ngự dok halan hatain dong song tacai pato mik va dalam palei yam tagok tabiak truh kan kathaot meng bruk ni.Ong Trần Văn Trung- Bí thư Đảng ủy xã Lương Nghĩa, huyện Long Mỹ brei thau: Lương Nghĩa hu rilo mik va  Khmer daok ngan song labaih 700 boh sang, meblah labaih  37% dom boh sang dalam xã. Meng bruk dong di saai  Ngự bo rilo mik va hu tabiak truh kan kathaot, yam tagok tani tanat ria duik.

“Sa-ai  Ngự  daok dalam palei hu daong ka biak rilo mik va palei pala di xã Lương Nghĩa. Bruk ka sa lac dom boh sang kan kandah saai brei pah kubao yaom lap, bloh urang duah hu jien, ngak  mbang hu , tabiak truh kathaot khang kajap, jeng hu dom boh sang ginup meda tagok. Dalam palei saai biak siam hatai, drei jak ba saai rik dong ka puk palei  padang ngak sang anit ranam, saai  Ngự ngak bruk ni biak siam ”

Labaih  20 thun pambuak pagam song bruk rong kubao, meng kan kathaot tok hu sa drei kubao binai, saai  Ngự yam tagok hu dalam tangin yaok rituh ribau drei, hu  radeih  ô tô, hu sang danaok siam mekre song jiak  300 công taneh dok di rilo tỉnh ban bhum taneran krong  CL. Meng jien duah hu yaok thun  labaih  2 tỷ đồng meng rong kubao, "Patau kubao" bhum taneran krong CL angan Nguyễn Hồng Ngự brei mboh panuac ndom  di ong muk saman dahlau : “ Drei kubao lac  akaok bruk ngak mbang”, urak ni jeng oh ka klak./.   

Urang lang: Hanipha- 22/2