Kreh thun 2013, taduan bruk nao daong  ka xã bhum taphia negar Ea Bung, huyện Ea Súp saong khik iek palei 9, bruk camereip Thượng tá Nguyễn Hữu Phúc sangka na lac parilo urang tame đảng, pakajap dom kapul nyaom. Tuk nan, palei 9 birau hu 2 urang đảng, Thượng tá Phúc mai meng padang hu Chi bộ. Mek dom kapul nyaom piak jak ba peih ngak phong trào, tapa nan, duah mboh saong pabak ilamu ka urang siam gheih dalam bhap bini piah ba tame Đảng, tal urak ini, Chi bộ palei 9 hu 5 urang đảng. 

Urang ngak bol lin dahlau diah Trần Xuân Cầm, Akok dhar kapul urang umo taha palei 9 brei thau: meng tuk Thượng tá Nguyễn Hữu Phúc mai ini ngak bruk mboh salih birau rilo. Dahlau diah, hoi truong di palei takik nyaom pataom, joa kandang, hareik harom tamuh bak, oh hu paga pacang pabah mbang. Thượng tá Phúc daong jien, jak ba dom urang đoàn dam dara ramik hacih, ngak paga, ngak pabah mbang, tuan mbang ron, khau hieu, pala phun kayau. Labik ini jeng labik sinh hoạt di Chi bộ, labik ginum biai saong peih ngak dom bruk ilamu, the thao bui sambai. Ong Tran Xuan Cam khan lac:

 “Meng tuk sa-ai Phúc mai ini, dahlak mboh hu rilo salih birau, patagok mboh di anak meta. Bhap bini jia sa-ai Phúc. Urang jakar Bien phong lac urang đảng di Chi bộ nan biak abih hatai daong bhap bini, mikva jeng biak iek praong sa-ai. Sa-ai sangka ralo di abih nan lac bruk dak padang Đảng. Ngan saong dom baoh sang kan kanthaot, sa-ai hu daong meng ao jan tal radaih ka dom adei sit nao bac.”

Thượng tá Nguyễn Hữu Phúc biak caik hatai sangka tal dom sang kan kathaot, urang taha daok sa drei saong anek saih metui medhar. Rilo mbang mboh anek saih kuan katap nduac yau par tapa mbalng hamu piah sumu tame bac. Mboh dua anek saih lac adei sa-ai ndik sa sruh radaih klak, jaoh khut, oh daok pajeng gauk hu; adei juak gah ank, sa-ai nduac tui gah likuk Meng nan, ong sahaneng tal bruk daong ka dom adei radaih piah nao bac, nan ye dom harei padeih puac adit, nao ban Buôn Ma Thuột atah labaih 100 km, duah blei dom sruh radaih klak mai pasiam veik blaoh alin ka dom anek saih kan kathaot. 3 thun tapa, ong hu alin 34 sruh radaih juak ka anek saih kan kathaot di xã Ea Bung, huyen Ea Sup. Adei Chu Thị Phương metui ame, amaik tok pasang karei, daok saong ong muk taha rilo ruak kik hu Thượng tá Phúc alin brei radaih juah khan lac:“ Tuk oh ak hu radaih kamaun nao takai saong rilo mbang oh sumu tame bac. Meng tuk hu cei alin radaih ye kamuan sumu tame bac. Nao bac mai kamuan tahanek lisei ka ong muk. Kamuan kham bac da-a naih joi piah bayar dhar phol ong muk saong dom cei bo ndoi”

Muk Bùi Thị Sửu daok palei 4, xã Ea Bung biak kan kandah. Labaih 70 thun, meta bang, oh hu prein yawa, muk khum ka-ing dun padai di mblang hamu piah raong dua urang taco metui amaik ame. Dalam nan, kamuan Nguyễn Văn Đạt, thun ini bac tal 6, rauk baoh hatai. Mboh yau nan, Thượng tá Nguyễn Hữu Phúc saong Kapul urang jakar Bien phong cửa khẩu Đăk Ruê bhian nao rivang, jak ba daong brei. Ong saong Đội công tác hu daong muk taco nan ngak paga, pambang jang saong mblang xi-mang, daong padai brah, saong iek urang daong brei radaih jauh ka dua kamuan. Amuk Bùi Thị Sửu khan lac: “ Muk taco dahlak rambah rambeip ralo. Hu dom gah dom pakat saong dom cei Bien phong daong meng nan hu tani tanat yau harei ini; dahlau diah dahlak nao duah mesre padai, brah mai mbang. Taco Đạt ruak baoh hatai , hở van tim ¾ nyu bhian var dreit ba tame iek ruak. Hu nao bac veik meng tuk hu dom ceik Bien phong daong, thun blaoh hu brei radaih , dua adei sa-ai pajeng gauk.”

Ong Bùi Đức Hạnh, Akok Ub bhap bini xã Ea Bung, huyện Ea Súp brei thau: labaih 3 thun mai ngak bruk, Thượng tá Nguyễn Hữu Phúc tuk halei jeng nao gamhaong dom urang jakar xa, daong pakat uy, karja ngak siam bruk khik caga an ninh-quốc phòng, patagok kinh tế -xã hội.

“ Ong Phúc  lac urang jakar Bien phong biak tari tarieng. Tuk taduan bruk mai daong palei  tanat raidiuk, cakrok bruk nagk mbang kinh te; ong caik hatai tal dom sarak xa hoi, abih di nyu nan lac bruk y te, ilamu, pato megru, quốc phòng; daong puk palei ba tabiak jaln ngak brei patagok kinh te- xa hoi, khik caga an ninh bhum taphia negar. Ong hu peih rilo mbang pathau khan, jak ba pamabk praong tal taong abih bhap bini piah thau hu bruk di drei labik taphia negar.”

Brei thau hatai sahneng di drei dalam tuk mai ngak bruk di xã taphia negar Ea Bung, huyện Ea Sup, Thượng tá Nguyễn Hữu Phúc jeng daok hu rilo suh sah. Tui ong, njauk patagok jang bruk ba akaok nao dahlau di yaok urang jakar, urang đảng di yaok chi bộ; dalam nan, dom kapul nyaom lac dom hạt nhân. Raidiuk bhap bini bhum taphia negar  ini jeng daok rilo kan kandah, kurang rilo janih, njauk brei hu rilo jang bruk daong, klah rabha kan kandah.

“ Tui jalan ngak lac  taong abih dom palei brei hu chi bo. Meng nan, dahlak sangka ralo abih tal dom chi hoi kapul nyaom, bloh tapa dom bruk ngak piah duah hu urang naih gheih, bloh pasram megru pabak ilamu piah ba tame đảng. Tapa ngak bruk, dahlak mboh dom anek saih daok kurang biak rilo janih. Dahlak tuk halei jeng sahaneng ngak habar daong ka dom adei. 3 thun tapa, dahlak jak ba saong alain brei 34 sruh radaih, tukvak ank tal dahlak daok jak ba daong tra”

Labiah 30 thun ngak bruk di bhum taphia negar, urak ini, yaom lac urang jakar hu ba mai ngak bruk daong ka xa dalam sa tukvak halei nan, min Thượng tá Bien phong Nguyen Huu Phuc jeng daok kham merat yaok harei, saong hatai caong khin xa bhum taphai negar Ea Bung, huyen Ea Sup, tinh Đăk Lăk tuk halei jeng hu tani tanat saong cak rok patagok./.

Bhumi