Tien Giang “asal urang lin” daong mek tame 2 -3 ty yaok thun

      Pathau mikva saong grauk yut ! Meng kathaot rambah hu jeng kaya meda saong ngak siam bruk xa hoi. Nan lac kreih camin kham merat yam tapa kan kandah, hu hatian anit ka urang di ông Trình Văn Sỹ daok di xa Ngũ Hiệp, huyen Cai Lậy, tỉnh Tiền Giang – sa urang lính cụ Hồ mai veik haong raidiuk kham merat ngak mbang hu kaya meda. Nhat Trường – urang vak di rayo sap ndom VN daok di bhum taneran kraong CL hu kadha vak ndom ka kreih camin ini.

      Lac po trang trai pala 1 hecta meteh phun durian saong khik iek dua bến đò pajeng tuai hu jien mek tame meng 3 -4 tỷ đồng sa thun min urang biak tatuak drei tuk thau ong Trình Văn Sỹ dahlau thiah lac bộ đội xuất ngũ sang kan kandah.

      Thun 1985 tabiak truh quân ngũ mai puk palei, diuk pasang ông Trình Văn Sỹ tok hu klau công taneh bein. Tukvak nan,  bhum Cù lao Ngũ Hiệp nao mai biak kan kandah, kan si patagok kinh te. Yaok harei, ong Sỹ nao ngak pah ginup bruk yau ye : Khuân vác, nduac radaih honda ôm, phụ hồ…3 công taneh bein amaik ame caik veik, ong patak patom jien ramik pasiam saong pala phun quýt saradang. Meng tari tarieng pasang iek nan ye bein quýt hu rilo baoh, pablei hu yaom, sang ong ginup meda tagok, patak patom hu jien saong blei taneh piah pala durian. Urak ini, ông hu 1 hecta meteh durian Ri6. Tukvak tapa, ông pandar njauk dom ilamu ky thuat, ngak ka phun tabiak bingu suan bilan nan ye yaok thun bein durian brei năng suất glaong, mek hu sản lượng jaik 15 tấn baoh, laba labaih 1 tỷ đồng.

     Lingiu bruk ngak kinh te bein, Ông Trình Văn Sỹ daok njauk thầu tui jalan BOT dom bến đò di huyen Cai Lậy ye : Tam Bình- Ngũ Hiệp, Cái Bè- Tân Phong. Meng bruk ngak mbang gah vận tải ini, yaok thun sang ông mek jien tame meng 2 – 3 tỷ đồng. Hu yau harei ini lac bruk kham merat oh padheih di ông TRình Văn Sỹ. Nan lac hatai tari taring, kham merat yam tagok dalam ngak mbang, oh khin daok dalam eik lipa, kathaot rambah. Ông Trình Văn Sỹ khan lac : njauk lac kayua dahlak nao bộ đội  nan ye bac hu jalan diuk rai hadah krah siam mekre di HCM blaoh patak pataom. Ngak mbang ye pala durian njauk  nan ye ginup meda tagok. Patak pataom hu jien meng ngak bein, pala drak blaoh meng di nan drei daong hu sang kathaot taphia drei.

      Hu raidiuk ginup meda, ông Trình Văn Sỹ daok hu mbaok tame ngak bruk xã hội di puk palei. Urak ini ông lac sa mạnh thường quân di xã Tam Bình saong Ngũ Hiệp, yaok thun rik daong jaik 400 trieu dong piah daong 2 palei ini padang ngak palei pala barau, padang sang dhar phuan, sang anit ranam. Abih di nyu nan lac ong daok dang tabiak padang duk jru nam ngak pahla di xã Tam Bình , piah duh ka urang ruak kathaot di puk palei. Ndom ka kreih camin kham merat yam tapa kan kandah di ông TRình Văn Sỹ, ông Phan Văn Chót phaok akaok kapul urang nong xã Ngũ Hiệp lac : Saai Trình Văn Sỹ daok di palei Tân Đông dom thun tapa lac urang nong ngak mbang naih joi di xã Ngũ Hiệp. Dalam bruk padang ngak palei pala barau, saai Sỹ hu rik daong jien, harei ngak, drap ar piah gam saong đảng bộ xã padang ngak xã palei pala barau. Saai Sỹ di puk palei ngak siam jalan adat, sarak hukum di Đảng , karja.

    Ông Trình Văn Sỹ brei thau, anak tal meda buh jien tame patagok bein sầu riêng chất lượng jang, pambuak saong du lịch sinh thái piah ngak kaya meda ka sang saong ngak bruk XH : Anak tal dahlak blei sa sruh radaih cấp cứu labaih 600 triêu đồng piah pajeng saoh oh mek jien urang kathaot oh hu jien. Jalan ngak di anak tal, bein dahlak jeng patagok du lich sinh thai, ieu đầu tư mai ini ngak du lich palei pala barau piah ka bhapbini patagok jang.

     Meng dom kham merat ngak mbang pablei salih saong ngak bruk pahla xã hôi, ông TRình Văn Sỹ taduan mek hu rilo harak meyaom, kỷ niem chương di Trung ương Hội chữ thập đỏ VN, uy mban bhapbini tỉnh saong kapul urang nong tỉnh Tiền Giang . Ông  lac kreih camin urang lin thau yam tagok ngak kaya meda dalam thời bình.