Tui kuhria mboh di  Sở y tế Tiền Giang, bruk njauk jru mek pandap mbang di dom ging mbang tập thể di dom  doanh nghiệp dalam  tỉnh jiak di ni hu trun min jeng dok di tanut glong, ngak jhak tal pren yava di urang ngak song bruk ngak mbang di doanh nghiệp.

Tapa pasang iek ging mbang  tập thể, dom gah chuyên môn mboh makna di nyu lac kayua bruk ngak tui dom quy định khik ramik hacih saat pandap mbang oh kajap, trách nhiệm khik ramik hacih sa-at pandap mbang dalam tuk chế biến, khik piah, pandar pandap oh hacih oh hu ngak gam gam, dok bleik saleik dalam sản xuất, pablei salih pandap mbang menyum, bruk pasang iek, langyah bruk ngak suan oh ka catang. Dom mẫu pandap mbang meng dom ging mbang rah tabiak bruk njauk jru mek rilo meng lac kayua njom  vi sinh meblah tal 60%.  Rilo bruk njauk jru mek, gah chuyên môn oh ka thau hu makna di nyu. Dalam nan hu oh takik doanh nghiệp rah tabiak rilo mbang yau: Công ty TNHH Túi xách SiMone, Công ty Wondo Vina…

            Anak bruk njauk jru mek pandap mbang di dom ging mbang tập thể di dom  doanh nghiệp, ye dom gah, dom kapul nyaom di  tỉnh Tiền Giang hu patagok bruk pathau khan, bhian nao pasang iek, pandar dom ging mbang  tập thể  sinya ngak njauk quy định hacih saat pandap mbang. Ieu dom ging mbang pandar dom  nguyên liệu thau cambaih sal di nyu, song hu pasang iek hacih saat pandap mbang. Gah chuyên môn peih bruk pato pasram ka dom urang ngak mbang huak dalam dom ging mbang  tập thể ka bruk hacih saat pandap mbang. Ngan song dom đầu bếp brei hu Harak chứng nhận lac thau ka hacih saat pandap mbang, urang ngak ging brei hu khám sức khỏe gam gam, labik ngak mbang huak brei pabak siam mekre tui adat. Langiu di nan, dom gah chức năng njauk langyah catang dom ging mbang ngak suan gah hacih saat pandap mbang, peih bruk hậu kiểm, phúc kiểm dom ging mbang hu rah tabiak bruk njauk jru mek, tuk halei ngak najuk tui quy định meng brei ka dom ging mbang nan ngak bruk veik. Abih di nyu nan lac, karja pak nan njauk pachreih ba song palagaih ka dom  doanh nghiệp padang ngak dom ging hacih saat, siam mekre. 

Công ty  TAE KWANG VINA di Khu công nghiệp Mỹ Tho, hu dom gah  chức năng tỉnh Tiền Giang mek ngak iek bruk padang ging mbang “kiểu mẫu”  song chất lượng var lisei di ging mbang ni patagok.  Adei  Nguyễn Thị Bé Nhí jang yau rilo urang ngak pak ni biak sahaneng hatai hong var mbang di  doanh nghiệp : Mbang menyum ye hu var jalan pandiak jeng hu , Sa adit hu  4-5 janih, hu salih gam yau: ia bai, ikan kho, ikan cuh, pandap xao. Panyim jam hacih saat, mbang bingi cambuai, khik siam pren yava .

 Njauk jru mek pandap mbang oh lac ngak jhak tal pren yava di urang ngak bo dok ngak patrun angan je di gah ngak mbang huak song gam khat lihik ka doanh nghiệp. Mong mboh bruk ni, Công ty trách nhiệm hữu hạn Jhik xuất khẩu Hoan Vinh di xã Tân Lý Tây, huyện Châu Thành hu labaih  600 urang ngak. Piah khik caga pren yava ka urang ngak, po doanh nghiệp peih bruk tanek lisei pak di labik yaom 15 ribau  đồng/sa phần. Pandap piah ngak mbang huak hu thau cambaih asal di nyu, khik kajap chất lượng.  Meng tuk padang tagok mbiah tal harei ni, doanh nghiệp ni oh ka rah tabiak mbang halei njauk jru mek. Ong Nguyễn Tấn Thanh, Chủ tịch Hội đồng quản trị công ty trách nhiệm hữu hạn jhik xuất khẩu Hoan Vinh lac:  Pren yava di urang ngak  dalam doanh nghiệp di drei lac vô giá. Oh hu pren yava yr oh ngak hagait hu. Urang ngak hu pren yava siam, ngak tabiak pandap panda ka công ty drei. Oh brei labik ngak mbang huak caik pandap mbang tapa melam  .

Var mbang huak di urang ngak di dom  doanh nghiệp oh lac ginup  chất dinh dưỡng bo dok brei khik hu chất lượng, hacih saat piah khik caga pren yava. Kayua Yau nan ye, dom doanh nghiệp njauk kham merat iek glang var mbang huak ka urang ngak biak tani tanat, palih ruah dom cơ sở  tanek mbang hu angan je khik hu hacih saat pandap mbang. Dom urang ngak hu pren yava siam ye bruk rik dong ka bruk ngak mbang, sản xuất di doanh nghiệp dak rilo, kein laba ba mai ka doanh nghiệp dak glong./.