Anak bruk jit ruak Covid-19 rah tabiak khang, Mentri Y tế birau ba tabiak panuac kakei ka bhap bini, dalam nan, hu tacei pato dom bruk bhap bini njauk ngak chip tuk mboh pandiak, patuk, pandik tarakong, kan suak yawa.

Tui nan, hadei di tuk mboh pandiak, patuk, pandik tarakong, kan suak yawa, bhap bini njauk pacang pabah meng khau trang saong brei daok dalam duk bilik karei, lahei atau di sa labik dalam sang, daok atah di urang karei takik di abih lac 2 mét.

Saong brei iew phone ka jalan phone drah samar di jabat y tế palei atau di Mentri Y tế ( phone ka 1900 3228 atau 1900 9095 piah hu tacei pato saong nao chip tal labik iek ruak piah jru ruak; pacang pabah idung meng khau trang luac tukvak nao tal labik y tế.

Bhap bini brei pacang sre idung, pabah tuk patuk atau ba-har tame tangin ao, tanyiak atau khan ba-ar; Klak khau trang, khan ba-ar hadei di tuk pandar blaoh tame thung hareik hu tuk gum sir atau buh tame kadung kak kajap.

Mentri Y tế kakei, bhian rao tangin hacih meng jabon, abih di  nyu lac hadei di patuk, ba-har, hadei di tuk klak khau trang, ba-ar uak. Pandar karei pandap di yaok urang yau ly menyum ia, panyin, gai duh…

Takik nao radaih công cộng; oh nao tame labik hu rilo manuac, labik ngak bruk, sang bac.

Langiu di nan, urang mboh hu dom kadha yau ngaok nan brei khan ka urang pandar urang ngak, sang bac saong dom urang pambuak pagam tal./.

Urang lang: Aí Nghiêm -12/3