# Tui mintri Công Thương, yaok thun, Việt Nam pablei jaik 11 triệu tấn khak drak. Dom khak drak dalam taneh ia ngak tabiak dak harei dak tagok, pablei tabiak taneh ia lingiu takik. Dom thun jaik ini, gah ngak tabiak khak drak di VN hu dom jalan patagok khang. Meng bruk njauk blei tame jaik 60%, Việt Nam caga pabak hu urê, pabak caong khin ngak nong, patagok hu dom janih khak drak barau ye DAP, kali. Dom doanh nghiệp Việt hu đầu tư praong dalam, salih barau công nghệ, thiết bị, paglaong  hàm lượng dinh dưỡng, chất lượng pandap khak lân saong khak NPK.

 # Tui mintri ngak nong saong patagok palei pala, dalam bilan 1 thun 2017, yaom ralo pabui hơi di dom tỉnh gah meraong jeng oh ka tagok veik kayua ralo pabui hu biak lô . Urak ini, yaom pabui hơi janih 80 -100 kg/sa drei pablei di trại meng 26.000 – 30.000 đồng sakg. Ngan saong yaom pabui hơi ye urak ini, urang raong glang gaok lỗ jaik 1-1,4 triệu đồng/sa tạ.

# Harei pataom ilimo bangsa Mông huyện Mèo Vạc rah tabiak dalam dua harei, harei 4 bingun saong 5 bingun bilan 2 thun 2017, nan lac harei 8 – 9 tết Đinh Dậu di pasak huyện Mèo Vạc, tỉnh Hà Giang. Mai tal labik ini, tuai hu ba drei tame dom bruk di rija roya, kadha mein mengkan di bhapbini bhum glaong Hà Giang ye đánh Yến, ném còn, menyim khan bai lanh; ngak ahan tangei ndiuk; daoh nao mai saong rija roya Gầu Tào…

#Harei trun hamu, daok ieu lac khai hạ, di urang Mường di huyện Tân Lạc, Hòa Bình lac rija caong ka bilan pala drak hu.  Lễ hội khai hạ ngan saong adat cầu mùa gheih mekre ndung bak ilimo bhapbini Mường. Lễ hội khai hạ di Tân Lạc lac di bhum Mường Bi, rah tabiak di harei 7 bingun bilan 1 ngan saong dom bruk ye : raok  thánh Tản, pakacah xắc bùa, pakacah taong mbanh saong dom môn thể thao di bangsa ye : taong mảng, plaik còn, , pakacah ngak pandap mbang menyum, parang me-in nghệ thuật quần chúng, pakacah khan ao angui cuk bangsa ...

# Di mbang taom gaok urang dang akaok ban akaok Xuân Đinh Dậu, pagaiy harei 2/2, ông Nguyễn Xuân Anh, Bí thư Thành ủy Đà Nẵng brei thau, harei Tết Nguyên đán Đinh Dậu, du lịch Đà Nẵng raok 260 rabau mbang tuai, tagok 17% duk saong Tết thun dahlau, dalam nan tuai dunya tagok 30%. Ông Nguyễn Xuân Anh caong khin urang dang akaok ban Đà Nẵng daong gauk dak padang saong khik angan Đà Nẵng dalam hatian tuai damuai. Dahlak mboh ini lac bruk hadah mbaok saong jeng lac trach nhiem praong di urang jakar dang akaok di ini piah kol drei thau bruk njauk ngak di thun 2017 jeng ye dom thun tal piah ban Đà Nẵng hamiet hamiet lac ban gheih, hacih saat, gindang jua saong sa ngan praong dalam tian abih menuac urang.

# Tui mban khik ramik dom libik du lịch ban sit Vũng Tàu, di 5 harei meng 1 bingun tal 5 bingun tet Nguyên đán, ban sit Vũng Tàu, tỉnh Bà Rịa – Vũng Tàu hu raok, duh jaik 263 rabau mbang tuai du lịch, pataom tame rilo abih dia dua harei 4 bingun saong 5 bingun. Yaom lac tuai rilo, min bruk an ninh trat tu, hacih saat pandap mbang menyum, alam moi trường jeng hu khik caga. Ông Trần Văn Trường, Giám đốc Ban khik ramik dom libik du lịch ban sit Vũng Tàu brei thau: Duk saong dom thun lac thun ini biak tani tanat, dom khách sạn, nhà hàng urak ini bak abih dom haduk, oh hu tuai halei brei thau ka yaom. Tuia damui njauk hatai saong yaom, oh hu brei thau hagiat ka glaong yaom duk saong khả năng di dom urang nan.

# Harei 2/2 lac 6 bingun tết, di dom libik công nghiệp, khu chế xuất di ban raya Hồ Chí Minh saong tỉnh Đồng Nai hu jaik 10% - 20% số doanh nghiệp ngak bruk veik. Di Đồng Nai dom khu công nghiệp hu jaik 10% doanh nghiệp ngak bruk veik, công nhân nao ngak jaik ginup abih. Rilo abih lac Công ty Trách nhiệm hữu hạn Mabuchi Motor saong Công ty Trách nhiệm hữu hạn Fujitsu. Rilo doanh nghiệp hu labaih 10 rabau urang ngak di tỉnh ini tal 10 bingun meng ngak bruk gilac. Daok di ban raya Hồ Chí Minh, 17 khu công nghiệp, khu chế xuất harei 2/2 hu jaik 20% số doanh nghiệp ngak bruk gilac, tỷ lệ lao động nao ngak lac labaih 75%.

 Khaw tin dunya

# Thủ tướng Đức An-giê-la Méc-ken harei 2/2 , hu mbang ravang Thổ Nhĩ Kỳ, piah duah jalan khik talei pambuak bruk praong di dua taneh ia hadei dom mbang srau kadau. Ini lac mbang ravang akaok mereip di urang dang akoak Đức tal Thổ Nhĩ Kỳ kuhria meng mbang đảo chính di Thổ Nhĩ Kỳ harei 15/7 thun dahlau.

# Hạ viện Anh hu brei tapa tukvak akaok mereip di sa dự luật, tui nan brei quyền Thủ tướng Tê-rê-sa Mây ( Theresa May)peih ngak bruk piah Anh tabiak truh Liên minh châu Âu ( Brexit. Ngan saong 498 phiếu thuận saong 114 phiếu chống, dom nghị sĩ Anh hu brei phép rajaei Anh kích hoạt paka  50 dalam Hiệp ước Lít-xbon di EU, peih akaok dua thun ginum biai piah tabiak truh khối.  

# Akaok mintri Quốc phòng Mỹ Giêm Ma-tít (Jim Mattis) harei 2/2 brei thau, ông taong yaom glaong bruk kham merat di đồng minh Hàn Quốc dalam bruk daong cakak  danakdak hạt nhân saong tên lửa di Triều Tiên di mbang ravang di ông tal Hàn Quốc rah tabiak harei 2/2./.